ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||   

» ព័ត៌មានជាតិ » ប្រកាស​ភារកិច្ចនិង​តែង​តាំង​មុខ​តំណែង​ស្នង​ការ​រង​នគរបាល​ខេត្តរ​តនគិរី

ប្រកាស​ភារកិច្ចនិង​តែង​តាំង​មុខ​តំណែង​ស្នង​ការ​រង​នគរបាល​ខេត្តរ​តនគិរី

ខេត្តរតនគិរី ៖ឯកឧត្តមឧត្តមសេនីយ៍ឯក ចាន់ អ៊ាន អគ្គស្នងការរងនគរបាលជាតិ នាព្រឹកថ្ងៃ ទី ១៦ ខែកក្កដា ឆ្នាំ២០១៣ បានអញ្ជើញជាអធិបតីភាពក្នុងពិធីប្រកាសភារកិច្ច និង​តែង តាំងមុខតំណែងស្នងការរងនគរបាល​ខេត្តរតនគិរី។ ពិធីនេះមានការអញ្ជើញចូល រួមពី សំណាក់ ឯកឧត្តមណាប់ប៊ុន ហេង អភិបាលរងនៃគណៈអភិបាល ខេត្ត លោកមេបញ្ជា ការ តំបន់ប្រតិបត្តិសឹករងខេត្ត មេបញ្ជាការរងកងរាជអាវុធ ហត្ថ ប្រធាន អនុប្រធាន មន្ទីរ អង្គភាពជុំវិញខេត្ត លោកអភិបាលរងក្រុង ស្រុកទាំង៩ អធិការ អធិការរង ក្រុង ស្រុក មេប៉ុស្តិ៍​រដ្ឋបាលទាំង៥០ឃុំ សង្កាត់ពីរ សរុបប្រមាណជាង១០០នាក់។

តាមប្រកាសរបស់រាជរដ្ឋាភិបាល ដែលអានដោយលោក ឧត្តមសេនីយ៍ត្រី ហុក ថាវ៉ាន់ អនុប្រធាន​នាយកដ្ឋានបុគ្គលិកនៃក្រសួងមហាផ្ទៃ ត្រូវបានប្រកាសតម្លើងឋានន្តរសក្តិ លោក វរសេនីយ៍ទៅ  វ៉ាន់ ​សង្វាត ស្នងការរងខេត្តឧត្តរមានជ័យ ជាស្នងការរងនគរបាលខេត្តរតនគិរី ទទួល បន្ទុកប្រឆាំងបទល្មើស​ខេត្តរតនគិរី។ បន្ទាប់ពីលោកឧត្តមសេនីយ៍ត្រីរ៉ាយ រ៉ៃ ស្នងការ នគរបាលខេត្តមានប្រសាសន៍ស្វាគមន៍​ព្រមទាំងរាយការណ៍ពីសកម្មភាព សន្តិសុខ សណ្តាប់ធ្នាប់សង្គមរួចមក ឯកឧត្តម ណាប់ ប៊ុនហេង និងឯក​ឧត្តម ចាន់ អ៊ាន មាន ប្រសាសន៍សំណេះសំណាលនាឱកាសនេះ ដោយបានលើកឡើងពីសភាពការណ៍វិវត្តន៍​ថ្មីរបស់ប្រទេសជាតិ និងសភាពការណ៍ក្នុងតំបន់ ដែបច្ចុប្បន្ននេះព្រះរាជាណាចក្រកម្ពុជា ត្រូវបានល្បីរន្ទឺទូទាំង​សកលលោកជាប្រទេសមានសន្តិសុខ និងការ រីកចំរើនលើ គ្រប់វិស័យ។

 ឯកឧត្តមបានលើកឡើងថា ការផ្ទេរភារកិច្ច និងប្រកាសតម្លើងឋានន្តរសក្តិមន្ត្រីនគរបាល ជាតិ ​នាពេល​នេះគឺស្របតាមគោលនយោបាយរបស់រាជរដ្ឋាភិបាលដំណាក់កាល ទី២ សំដៅលើកកម្ពស់​សន្តិសុខ ​សង្គម និងអភិវឌ្ឍន៍ប្រទេសជាតិ។ ឯកឧត្តមក៏ បានផ្តាំ ផ្ញើ ដល់លោក ស្នងការរងដែលទើបប្រកាស​តែង​តាំងថ្មី​ត្រូវសហការសាមគ្គីភាពផ្ទៃក្នុង  ជាពិសេសសហការជាមួយស្ថាប័នទប់ស្កាត់បង្ក្រាបបទល្មើស​គ្រប់ប្រភេទ​និង បន្តអនុវត្ត អោយបានសកម្មនូវគោលនយោបាយភូមិ ឃុំ មានសុវត្ថិភាពរបស់រាជ​រដ្ឋាភិ​បាល​ប្រគល់​ជូន៕

ដោយ ឡុង លីម

 

Copyright © 2010-2021 · អរិយធម៌ · All Rights Reserved.
Develop by Sek Sathya