ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» ព័ត៌មានជាតិ » WHO ​ផ្តល់​មួក​សុវត្ថិភាព​៦០០​ដល់​អ្នក​រត់​ម៉ូតូ​ឌុបនិង​អ្នក​បើកប​ររ៉ឺម៉ក​កង់បី

WHO ​ផ្តល់​មួក​សុវត្ថិភាព​៦០០​ដល់​អ្នក​រត់​ម៉ូតូ​ឌុបនិង​អ្នក​បើកប​ររ៉ឺម៉ក​កង់បី

ភ្នំពេញ៖ អង្គការសុខភាពពិភពលោកដែលហៅកាត់ថា WHO បានធ្វើការផ្តល់មួកសុវត្ថិភាព​ចំនួន៦០០មួក ដល់គោលដៅអ្នករត់ម៉ូតូឌុប និងអ្នកបើកបរម៉ូតូសណ្តោងរ៉ឺម៉ក ដើម្បីចូល រួមជំរុញ​ការ​ពាក់​​មួកសុវត្ថិភាព និងកាត់បន្ថយការប៉ះទង្គិចក្បាលដែលកើតឡើង ដោយ គ្រោះថ្នាក់ច​រាចរណ៍​ជាយ​​ថា​ហេតុ នៅក្នុងប្រទេសកម្ពុជា។

ពិធីផ្តល់មួកសុវត្ថិភាពដល់ក្រុមគោលដៅខាងលើ កាលពីថ្ងៃទី១៥ ខែកក្កដា លោក​ស្រី​វេជ្ជបណ្ឌិត ម៉ូម៉ូ តាគូជី តំណាងអង្គការWHO មានប្រសាសន៍ថា នេះជាសកម្មភាពក្នុង​ការ​លើក​កម្ពស់ការពាក់មួកសុវត្ថិភាពដល់អ្នកប្រើប្រាស់ម៉ូតូ ជាពិសេសអ្នកបើកបរម៉ូតូ សណ្តោង​រ៉ឺម៉ក។ «ការពាក់មួកសុវត្ថិភាព គឺជាមធ្យោបាយតែមួយគត់ ដែលមានប្រសិទ្ធ ភាពបំផុត ដែលអាច​កាត់បន្ថយរបួសក្បាលធ្ងន់ធ្ងររហូតដល់ទៅ៧០ភាគរយ និងស្លាប់ ដោយរបួសក្បាលបាន៤០​ភាគរយ ដែលបណ្តាលមកពីគ្រោះថ្នាក់ចរាចរណ៍នៅពេល ធ្វើដំណើរតាមម៉ូតូ»។

លោកស្រី ម៉ូម៉ូ តាគូជី បន្តថា អ្នកធ្វើដំណើរតាមម៉ូតូ គឺជាអ្នកប្រឈមគ្រោះថ្នាក់ខ្ពស់ជាង គេនៅក្នុងប្រទេសកម្ពុជា ហើយភាគច្រើននៃអ្នកស្លាប់ គឺជាមនុស្សពេញកម្លាំងពលកម្ម ដែលមានអាយុប្រមាណពី១៥​ឆ្នាំ​ទៅ៣៩​ឆ្នាំ ពិសេសភាគច្រើននៃអ្នកទាំងនោះ គឺជាអ្នក រកចំណូលចិញ្ចឹមគ្រួសារ។ ដូច្នេះការស្លាប់​របស់ពួកគេ ប៉ះពាល់យ៉ាងខ្លាំងទៅដល់ ចំណូលក្នុងគ្រួសារ និងសង្គមជាតិទាំងមូល។

យោង​តាម​របាយការណ៍​របស់​ប្រព័ន្ធ​ព័ត៌មាន​ជន​រង​គ្រោះ ​និង​គ្រោះថ្នាក់​ចរាចរណ៍​ផ្លូវគោក​នៅ​កម្ពុជា​បាន​ឲ្យ​ដឹង​ថា​ កាលពី​ឆ្នាំ​មុន​មានគ្រោះថ្នាក់ចរាចរណ៍ចំនួន ៤,២៥០ ករណី និងមាន​ជន​រង​គ្រោះ​សរុប​ចំនួន​១៥,៦១៥​នាក់​ ក្នុង​នោះ​ស្លាប់​ចំនួន​១,៩៦៦​នាក់​និង​រង​របួសធ្ងន់​ចំនួន​៥,៣៤៩​នាក់​ គិត​ជា​មធ្យម​ចំនួន​អ្នក​ស្លាប់​ជាង​៥​នាក់​និង​របួសធ្ងន់​១៥​នាក់​ក្នុង​មួយ​ថ្ងៃ​ដែល​ក្នុង​នោះ​ មាន​ករណី​បង្ក​ឡើងដោយ​ក្រុមហ៊ុន​ដឹក​ជញ្ជូន​។​ អត្រាគ្រោះថ្នាក់នាឆ្នាំ២០១២កន្លងទៅនេះ បានធ្វើឲ្យខាត​បង់ថវិកាប្រមាណ ៣២៩លាន ដុល្លារអាមេរិក។

លោកស្រី ម៉ូម៉ូ តាគូជីបញ្ជាក់ថា ប្រការដែលគួរឲ្យព្រួយបារម្ភបំផុតនោះ គឺការពាក់មួក​សុវត្ថិភាពនៅមានកម្រិតទាបនៅឡើយ ក្នុងខណៈពេលដែលអ្នកបើកបរម៉ូតូ៦៥ភាគរយ​បានពាក់​មួកសុវត្ថិភាព តែអ្នកដំណើរជាមួយមានតែ៩ភាគរយប៉ុណ្ណោះ បានពាក់មួក សុវត្ថិភាព។

លោក ពៅ ម៉ាលី អគ្គនាយករងដឹកជញ្ជូន និងជាអគ្គលេខាធិការនៃគណៈកម្មាធិការជាតិ​សុវត្ថិភាពចរាចរណ៍ផ្លូវគោក ក្នុងពិធីចូលរួមចែកមួកសុវត្ថិភាពនេះ មានប្រសាសន៍ថា នេះជា សកម្មភាពក្នុងយុទ្ធនាការនៃការអប់រំជាសាធារណៈ ដើម្បីបង្កើនការពាក់មួក សុវត្ថិភាព។ មួកសុវត្ថិ​ភាពជាថ្នាំបង្ការជីវិត។ មួកសុវត្ថិភាពមួយ ជួយជីវិតម្នាក់។ លោកបន្តថា ការផ្សព្វផ្សាយដល់អ្នក​បើកបរម៉ូតូនិងអ្នកបើកបរម៉ូតូ សណ្តោងរ៉ឺម៉ក ឲ្យ យល់ដឹងអំពីសុវត្ថិភាពចរាចរណ៍ អាចកាត់បន្ថយ​គ្រោះថ្នាក់ចរាចរណ៍យ៉ាងមាន ប្រសិទ្ធភាព និងសម្រេចបាននូវផែនការសកម្មភាពជាតិទសវត្សរ៍​សុវត្ថិ​ភាពចរាចរណ៍ ផ្លូវគោកឆ្នាំ២០១១-២០២០ខាងមុខនេះ។លោក ពៅ ម៉ាលី បញ្ជាក់ឲ្យដឹងថា អត្រាអ្នក ពាក់មួកសុវត្ថិភាពរបស់អ្នកបើកបរ និងអ្នករួមដំណើរតាមម៉ូតូ នៅក្នុងរាជធានីភ្នំពេញ នៅពេលថ្ងៃមានចំនួន៦១ភាគរយ និងពេលយប់៤៤ភាគរយ ចំណែកនៅតាមខេត្តដូច​ជា​សៀមរាប អ្នកជិះម៉ូតូពាក់មួកសុវត្ថិភាពនៅពេលថ្ងៃ៥៦ភាគរយ និងពេលយប់ ៣៧ភាគ រយ។ ខេត្តកណ្តាល អ្នកជិះម៉ូតូពាក់មួកសុវត្ថិភាពនៅពេលថ្ងៃ៤៨ភាគរយ និងពេលយប់ ៣៥ ភាគរយ។ ខេត្តកំពង់ស្ពឺ អ្នកជិះម៉ូតូពាក់មួកសុវត្ថិភាពនៅពេលថ្ងៃ២៥ភាគរយ និង ពេលយប់១២ភាគរយ និងខេត្តកំពង់ចាម អ្នកជិះម៉ូតូពាក់មួកសុវត្ថិភាពនៅពេល ថ្ងៃ២៦ ភាគរយ និងពេលយប់៦ភាគរយ។

លោក លី ឡុង អ្នករត់ម៉ូតូឌុបក្នុងរាជធានីភ្នំពេញ ដែលបានទទួលមួកសុវត្ថិភាពពីកម្ម​វិធីនេះ យល់ឃើញថា ការជំរុញការពាក់មួកសុវត្ថិភាពក្នុងចំណោមអ្នកធ្វើដំណើរ គឺ ជាសកម្មភាព​មួយត្រឹមត្រូវបំផុត ប៉ុន្តែចំណុចដែលគួរឲ្យព្រោះបារម្ភបំផុតនោះ គឺអ្នក ធ្វើដំណើរពីក្រោយអ្នករត់​ម៉ូតូឌុបមានការរើសអើងមួកសុវត្ថិភាពនៅពេលដែលមាន ការពាក់ដដែលពីគ្នា។ យើងមានមួកណាដូរសម្រាប់ភ្ញៀវរបស់យើង បើពួកគាត់ទាមទារ រកមួកថ្មី។ ពួកគេថា មួកយើង​ហ្នឹង​ចាស់ៗ ក្អែលច្រើន ដូច្នេះគេមិនហ៊ានពាក់ទេ។តាមការសិក្សាស្រាវជ្រាវជាអន្តរជាតិ បានបង្ហាញថា ការពាក់មួកសុវត្ថិភាព ដែលមាន​​គុណ​​ភាព​និងបានត្រឹមត្រូវ អាចកាត់បន្ថយអត្រាស្លាប់ ដោយសារគ្រោះថ្នាក់ចរាចរណ៍ ដល់ទៅ៤២​ភាគរយ និង​ការរងរបួសក្បាលធ្ងន់ធ្ងរដល់ទៅ៦៩ភាគរយ៕

ដោយ៖ វិជ្ជា

 

 

Copyright © 2010-2021 · អរិយធម៌ · All Rights Reserved.
Develop by Sek Sathya