ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» Breaking News, ព័ត៌មានជាតិ » រត់ការ​ឲ្យ​កូនប្រសា​ឡើង​ធ្វើ​ប្រធាន​មន្ទីរ​ហិរញ្ញវត្ថុ ទាំង​វ័យក្មេង​ ​

រត់ការ​ឲ្យ​កូនប្រសា​ឡើង​ធ្វើ​ប្រធាន​មន្ទីរ​ហិរញ្ញវត្ថុ ទាំង​វ័យក្មេង​ ​

ព្រះវិហារ ៖ គេ​និយាយថា មន្ត្រី​ខ្លះ​ក្រាញននៀល​មិន​ចង់​ចូលនិវត្តន៍ បែរជា​ចំណាយលុយ​រាប់ម៉ឺន​ដុល្លារ រត់ការ​ពន្យារ​អាយុ​កុំ​ឲ្យ​ចូលនិវត្តន៍ ដើម្បី​បន្តការងារ​ហើយ​ជ្រក​ក្រោម​ពាក្យស្លោក អ្នក​បន្តវេន​ឬ​ទំពាំង​ស្នង​ប្ញ​ស្សី​។ គេ​សង្កេតឃើញ​មន្ត្រី​ធំៗ​មួយចំនួន បានរៀបចំ​ចាត់ចែង​ឲ្យ​កូនៗ សាច់ញាតិ​របស់​ពួកគេ ឡើងកាន់តំណែង​ល្អៗ ជំនួស​តំណែង​របស់ខ្លួន ទៅតាម​ស្ថានភាព​ជាក់ស្តែង​។ ឥឡូវ​លោក​ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ ខេត្តព្រះវិហារ កំពុង​សប្បាយរីករាយ​យ៉ាងខ្លាំង បន្ទាប់ពី​គាត់​សុំចូល​និវត្តន៍​មុន​អាយុ នាំ​ឲ្យ​មន្ត្រី​ខ្លះ សួរនាំ​គាត់​អំពី​រឿង​ដែល​សប្បាយចិត្ត ព្រោះ​ជាធម្មតា​មន្ត្រី​ជាច្រើន ដែល​កាន់​ការងារ​ល្អៗ មិន​ចង់​ចូលនិវត្តន៍ អី​ទេ ទោះជា​អស់​ប៉ុន្មាន​ក៏​ហ៊ាន​ចំណាយ ដើម្បី​ពន្យារ​អាយុ​កុំ​ឲ្យ​ចូលនិវត្តន៍​ដែរ ។
​គេ​និយាយទៀតថា លោក មាស រដ្ឋា​វុ​ឌ្ឍ ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ ខេត្តព្រះវិហារ បានប្រកាស​ចូលនិវត្តន៍ មុន​កាលកំណត់​យ៉ាង​សប្បាយរីករាយ តាម​ការគ្រោងទុក​ហើយ លោក មាស រដ្ឋា​វុ​ឌ្ឍ ត្រូវ​ចូលនិវត្តន៍​នៅ​ខែកញ្ញា ឆ្នាំ​២០១៤ ខាងមុខ​គឺ​នៅសល់ ពេលវេលា​ជាង​កន្លះ​ឆ្នាំ​ទៀត​ឯណោះ​។ លោក មាស រដ្ឋា​វុ​ឌ្ឍ បានធ្វើ​ឲ្យ​មន្ត្រីរាជការ នៅ​ទូទាំង​ខេត្តព្រះវិហារ មានការ​ភ្ញាក់ផ្អើល​យ៉ាងខ្លាំង ព្រោះ​គាត់​កាន់​ការងារ​ខ្លាញ់ មានឱកាស​កាត់​ភាគរយ ពី​តាម​មន្ទីរ អង្គភាព ចំណុះ​ឲ្យ​ខេត្ត ប្រមូល​លុយ​យកទៅ​ធ្វើ​មាន​ធ្វើបាន​ផ្ទាល់ខ្លួន យ៉ាង​សុខ​ស្រួល​បំផុត ហើយ​រយៈពេល​ជាង​កន្លះ​ឆ្នាំ មុនពេល​ដល់​ថ្ងៃ​ចូលនិវត្តន៍ លោក មាស រដ្ឋា​វុ​ឌ្ឍ អាច​សម្ងំ​កើប​លុយ យកទៅ​ធ្វើ​មាន​ធ្វើបាន​ឬ​ទុក​ដេក​ចាយ យ៉ាងច្រើន​សន្ធឹកសន្ធាប់ ហេតុអ្វី​គាត់​បែរជា​សុំចូល​និវត្តន៍​មុនពេល​កំណត់ និង​មិន​រត់ការ​ចំណាយលុយ ដើម្បី​ពន្យារ​អាយុ​កុំ​ឲ្យ​ចូលនិវត្តន៍ ដូច​មន្ត្រី​ដទៃ ? មន្ត្រី​ក្រសួង​ហិរញ្ញវត្ថុ​ម្នាក់ ដែល​បានដឹង​រឿង របស់លោក មាស រដ្ឋា​វុ​ឌ្ឍ ច្បាស់​ដូច​ថ្ងៃ បាន​លើកឡើងថា អនុវត្តតាម​កំណែទម្រង់​ស៊ីជម្រៅ លោក មាស រដ្ឋា​វុ​ឌ្ឍ បាន​យក​គោលនយោបាយ​បន្តវេន ឬ​ទំពាំង​ស្នង​ប្ញ​ស្សី មកប្រើប្រាស់​ស្រដៀង​ទៅនឹង​ថ្នាក់ដឹកនាំ តាម​មន្ទីរ​អង្គភាព​ដទៃទៀត ដែលជា​ការបញ្ចូល​ឈាម​ថ្មី​ជំនួស​ឈាម​ចាស់ តែ​គេ​ប្រើ​ទុយោ​ដដែល​។ នោះ​គឺជា​ការ កាន់តំណែង​ថ្នាក់​ប្រធាន​មន្ទីរ ណាមួយ​ត​ពូ​ជត​ពង្ស រៀបចំ​តាមបែប​គ្រួសារ​បក្ខពួក ដើម្បី​ងាយស្រួល ប្រព្រឹត្ត​អំពើពុករលួយ​ប្រមូល​លុយ យកទៅ​ច្រក​ហោប៉ៅ ធ្វើ​មាន​ធ្វើបាន​ផ្ទាល់ខ្លួន​។ សម្រាប់​ប្រធាន​មន្ទីរ​ដទៃ​ដែលមាន​កូនប្រុស គេ​រៀបចំ​ឲ្យ​កាន់តំណែង តូចតាច​មួយ​ក្នុង​មន្ទីរ ហើយ​បន្ត​ឡើង​តំណែង​បន្តិច​ម្តងៗ រហូតមកដល់​កម្រិត​អនុប្រធាន​មន្ទីរ ដើម្បី​រង់ចាំ​ឡើងទៅ​ជំនួស​តំណែង​ឪពុក នៅពេល​ត្រូវបាន​ថ្នាក់លើ សម្រេច​ឲ្យ​ចូលនិវត្តន៍​។​
​គេ​និយាយថា លោក មាស រដ្ឋា​វុ​ឌ្ឍ មិនមាន​កូនប្រុស​បង្កើត ឲ្យ​ឡើង​តំណែង​ជំនួស​គាត់ ដឹកនាំ​មន្ទីរ​សេដ្ឋកិច្ច និង​ហិរញ្ញវត្ថុ ខេត្តព្រះវិហារ នោះទេ ប៉ុន្តែ​គាត់​ក៏​មិន​ភ្លេច​អនុវត្ត​នយោបាយ​បន្តវេន ដោយ​ព្យាយាម​រត់ការ​គ្រប់បែបយ៉ាង ចំណាយលុយ​តាម​គ្រប់​រូបភាព ដោយ​ប្រើប្រាស់​ខ្សែ​ទុយោ អន្តរាគមន៍​ទៅ​ក្រសួង​សេដ្ឋកិច្ច​និង​ហិរញ្ញវត្ថុ ដើម្បី​ឲ្យ​កូនប្រសា​ប្រុស របស់គាត់​ឈ្មោះ មុំ សុធា​រ៉ា អាយុ​ទើបតែ ៣៦​ឆ្នាំ បច្ចុប្បន្ន​ជា​មន្ត្រីរាជការ បម្រើ​ការងារ​ក្នុង​រតនាគារជាតិ ឲ្យ​ឡើង​ជំនួស​តំណែង​គាត់ ដែល​ពេលនេះ ទទួលបាន​ជោគជ័យ​រួចទៅហើយ ទើប​គាត់ ប្រកាស​សុំចូល​និវត្តន៍ មុនពេល​កំណត់​។ មន្ត្រី​ជាច្រើន​ឲ្យ​តែ​ជិត​ដល់​អាយុ​ចូលនិវត្តន៍ នៅ​មិន​សុខ​ទេ ទោះជា​អស់​ប៉ុន្មាន ក៏​ហ៊ាន​ចំណាយ​ដើម្បី​រត់ការ ពន្យារ​អាយុ​កុំ​ឲ្យ​ចូលនិវត្តន៍  បើទោះបីជា​គេ​ត្រៀម​បំរុង ឲ្យ​កូនៗ​ឡើង​តំណែង​ជំនួស​ក៏ដោយ ប៉ុន្តែ​ទីបំផុត លោក មាស រដ្ឋា​វុ​ឌ្ឍ បែរជា​សុំចូល​និវត្តន៍​មុន​អាយុ យ៉ាង​រីករាយ​ខុសពី​មន្ត្រី​ដទៃ​គួរ​ឲ្យ​សរសើរ​។​

អនុប្រធាន​មន្ទីរ​ហិរញ្ញវត្ថុ ខេត្តព្រះវិហារ ចំនួន ៣​នាក់ រួមទាំង​មន្ត្រីរាជការ​ដទៃទៀត បាន​សម្តែង​ការមិន​ពេញចិត្ត​ទាល់តែសោះ ចំពោះ​បញ្ហា​ដែល​លោក មាស រដ្ឋា​វុ​ឌ្ឍ រត់ការ​ចាត់ចែង​ឲ្យ កូនប្រសា​ឈ្មោះ មុំ សុធា​រ៉ា ឡើងកាន់តំណែង ជា​ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ ជំនួស​គាត់ ។ មន្ត្រីរាជការ​រួមទាំង​អនុប្រធាន មន្ទីរ​សេដ្ឋកិច្ច​និង ហិរញ្ញវត្ថុ ខេត្តព្រះវិហារ​ទាំងអស់ បាន​ទទូច​សុំ​ឲ្យ​លោក​រដ្ឋមន្ត្រី អូន ព័ន្ធមុនីរ័ត្ន ពិនិត្យមើល​ករណី ដែល​លោក មាស រដ្ឋា​វុ​ឌ្ឍ រត់កា​និង​សុំ​អន្តរាគមន៍ ឲ្យ​កូនប្រសា​របស់គាត់ ឈ្មោះ មុំ សុធា​រ៉ា ឡើង​ធ្វើជា​ប្រធាន​មន្ទីរ​ហិរញ្ញវត្ថុ​ទាំង​វ័យក្មេង ឡើងវិញ​ផង ព្រោះ​ពេលនេះ​មិនទាន់​ប្រកាស​ចូលកាន់​តំណែង មិនទាន់​ហួសពេល ទេ​។ ជុំវិញ​ការលើកឡើង​ផ្សេងៗ​នេះ កាសែត​អរិយធម៌​មិនអាច​សុំ​ការបកស្រាយ​ពី​លោក មាស រដ្ឋា​វុ​ឌ្ឍ បានទេ កាលពី​ម្សិលមិញ​៕ ដោយ​៖ ព្រហ្ម ពៅ

Copyright © 2010-2021 · អរិយធម៌ · All Rights Reserved.
Develop by Sek Sathya