ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេចព័ត៌មាន!  លោក ប៉ាន់ សាម បានឃុបឃិតជាមួយសុរិយោដីស្រុកអន្លង់វែង ចុះបញ្ជីយកដីអនុក្រិដ្ឋ ធ្វើជាកម្មសិទ្ធិជាច្រើនឡូតិ៍ និងលក់អស់ជាច្រើនហិកតា?​  ||     លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||   

» ព័ត៌មានជាតិ » ពលករ​ខ្មែរ​ធើ្វ​ការ​នៅ​ថៃ ព្រួយបារម្ភ​រឿង​សុវត្ថិភាព​ពេល​ធើ្វ​ដំណើរ ​

ពលករ​ខ្មែរ​ធើ្វ​ការ​នៅ​ថៃ ព្រួយបារម្ភ​រឿង​សុវត្ថិភាព​ពេល​ធើ្វ​ដំណើរ ​

ប៉ោយប៉ែត​៖ ប្រជា​ពលករ​ខ្មែរ​ដែល​បាន​ធើ្វ​ចំណាកស្រុក​ចូលទៅ​ស្វែងរក​ការងារ​នៅក្នុង ប្រទេស​ថៃ​នោះបាន​សំរុក​វិល​មក​ស្រុកកំណើត​វិញ​តាម​ច្រកព្រំដែន​អន្តរជាតិ និង​ច្រករបៀង​មួយចំនួន​ក្នុងភូមិ​សាស្ត្រ​តំបន់​ប៉ោយប៉ែត​។ នេះ​ជា​ដំណើរ​ច្រើន​ខុសពី​សព្វមួយដង​នា​ប៉ុន្មាន​ថ្ងៃ​ចុងក្រោយ​នេះ ។
​ពលករ​ម្នាក់​ក្នុងចំណោម​ពលករ​ទាំង​នោះបាន​ឲ្យ​ដឹងថា រូបគេ​មាន​ស្រុកកំណើត នៅឯ​ខេត្តស្វាយរៀង ហើយ​បាន​ចូលទៅ​ធើ្វ​ការ​នៅក្នុង​ប្រទេស​ថៃ​អស់​រយៈពេល​ជាង​១​ឆ្នាំ​មកហើយ​។ ដោយមាន​ការ​នឹក​អាល័យ​ស្រុកកំណើត​ខ្លាំងពេក​រូបគេ​ក៏បាន​វិល​មកលេង​ស្រុក​វិញ ឲ្យ​បាន​មុន​ថ្ងៃ​ចូលឆ្នាំ​ប្រពៃណី​ជាតិខ្មែរ​នេះ​។
​ពលករ​រូប​នោះបាន​បន្តថា ការងារ​ដែល​គាត់​បាន​ធើ្វ​នៅក្នុង​ប្រទេស​ថៃ​គឺ កម្មករសំណង់ ប៉ុន្តែ​ទទួលបាន​កម្រៃ​ខ្ពស់ជាង​ការងារ​នៅក្នុង​ស្រុក​ខ្មែរ ហើយ​ការងារ​ក៏​សំបូរ​។ អ៊ីចឹង​បានជា​សព្វថ្ងៃនេះ​ពលករ​ខ្មែរ​ជាច្រើន​នាំគ្នា​សំរុក​ទៅ​ប្រទេស​ថៃ​ជិត អស់ពី​ស្រុក​ខ្មែរ​ហើយ  ។
​ចំណែក​ពលករ​ខ្មែរ​ម្នាក់ទៀត​ដែល​បាន​ចូលទៅ​ធើ្វ​ការ​នៅក្នុង​ប្រទេស ថៃ​ដែរនោះ ក៏បាន​ឲ្យ​ដឹងថា​រដូវ​កាល​នេះ​គឺជា​រដូវ​កាល​ជិត​ដល់ពេល​ចូលឆ្នាំ ប្រពៃណី​ជាតិខ្មែរ ដូច្នេះ​ពួក​ពលករ​ដែល​នៅក្នុង​ប្រទេស​ថៃ​នោះ​គឺ ម្នាក់ៗ​បាន​វិល​មក​ស្រុកកំណើត​វិញ​ជា​បណ្តើរៗ ដើម្បី​បាន​ជួបជុំ​បងប្អូន​និង​ញាតិមិត្ត​។
ពលករ​ដដែល​បាន​ឲ្យ​ដឹង​ទៀតថា អ្វីដែល​ព្រួយបារម្ភ​នោះ​គឺមាន​ក្រុម មេខ្យល់​ដែលជា​ជាតិខ្មែរ​ដូចគ្នា ចាំ​លក់​សំបុត្រ​ឡាន​នៅក្នុង​ផ្សារ​រោង​ក្លឿ​ទឹកដី​ថៃ​ឲ្យ​ពលករ​ខ្មែរ​មានតម្លៃ​ខ្ពស់​ហួសកំណត់ ពោលគឺ​សំបុត្រ​ឡានក្រុង​១​តម្លៃ​ដល់​ទៅ​៥០០​បាត​ប្រាក់​ថៃ វា​ស្មើនឹង​០៦​ម៉ឺន​រៀល​ពី​ប៉ោយប៉ែ​តទៅ​ភ្នំពេញ​។​កម្មករ​រូបនោះ បន្តថា រូបលោក​បាន​ចំណាយ​ប្រាក់​អស់​៧០០​បាត​សំរាប់​ទិញ​សំបុត្រ​ឡាន​១​និង​ថ្លៃ មេខ្យល់​គេ​ដឹក​ឥ​វ៉ាន់​របស់លោក​មកដល់​កម្ពុជា បើទោះជា​ថ្លៃ​ក៏ដោយ សម្រាប់​ពលករ​ដែល​ទើប​មកពី​ប្រទេស​ថៃ​នៅតែ​ទិញ​សំបុត្រ​ឡាន​ពី​ក្រុម មេខ្យល់​ទាំងនោះ​ដោយ​ខានមិនបាន ។
​កត្តា​នេះ​លោក​ចង់​ឲ្យ​អាជ្ញាធរ​នៅ​ប៉ោយប៉ែត​ជាពិសេស់​សមត្ថកិច្ច​នៅ តំបន់​ក្រុង​ប៉ោយប៉ែត​មេត្តា​យកចិត្តទុកដាក់​ជួយ​លុបបំបាត់​ក្រុម​មេខ្យល់ ទាំងនោះ ដើម្បី​ការពារ​ផលប្រយោជន៍​ជូន​ប្រជា​ពលករ​ខ្មែរ​ដែល​ទើប​មកពី​ប្រទេស​ថៃ​នេះ ផង ។
​ចំណែក​ប្រជាពលរដ្ឋ​មួយចំនួន​ក៏​ចង់ឃើញ​សមត្ថកិច្ច​មាន​ចំណាត់ការ​លើ រថយន្តក្រុង​ទាំងនោះ​ផងដែរ ព្រោះ​រថយន្ត​ទាំងនោះ​ពិតជា​បាន​បង្ក​ភាពអនាធិបតេយ្យ​ចត​គ្មាន សណ្តាប់ធ្នាប់ ជាពិសេស​ចត​នៅលើ​ដងផ្លូវ​ជាតិ​លេខ​៥​តែម្តង​។ ពលករ​ទាំងឡាយ​សង្ឃឹម​ថាបើ​សមត្ថកិច្ច​ហ៊ាន​លូកដៃ​មែន​នោះ​គឺ​ពួកគេ​បាន​សប្បាយចិត្ត​ជាមិនខាន​៕ ដោយ​៖ បុរី​

Copyright © 2010-2021 · អរិយធម៌ · All Rights Reserved.
Develop by Sek Sathya