ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ពលករ​៤​នាក់មក ប្ដឹង​ទារលុយ​ពី​ប្រធាន​ក្រុមហ៊ុន​ប៊ូ​រូ​ខេ​ម​បូ​ឌា​ន​នៅ​សមាគមន៍​អាដហុក​

ពលករ​៤​នាក់មក ប្ដឹង​ទារលុយ​ពី​ប្រធាន​ក្រុមហ៊ុន​ប៊ូ​រូ​ខេ​ម​បូ​ឌា​ន​នៅ​សមាគមន៍​អាដហុក​

​ពោធិ៍សាត់៖ ​ពលករ​៤​នាក់​តំណាង​ឲ្យ ២១​នាក់ មកប្ដឹង​សមាគមន៍​អាដហុក​ដើម្បី​ទារ​ប្រាក់​​ដែល​ពួកគាត់​បាន​បង់​ក្នុង​ម្នាក់ៗ​អស់​ទឹកប្រាក់​ចំនួន​១៦១​ដូ​ល្លារ​ដល់ពេល​នេះ​ហើយ​​ពួកគាត់​មិនបាន​ចេញទៅ​ធ្វើការ​នៅឯ​ប្រទេស​ថៃ​។​ពលករ​ទាំងនោះ​មកពី​៦​ស្រុក​ក្នុង​ខេត្តពោធិ៍សាត់ ត្រូវបាន​ក្រុមហ៊ុន​ប៊ូ​រូ​ខេ​ម​ឌា​ន​បោកប្រាស់​យកលុយ​កាលពី​ឆ្នាំ​២០១២​កន្លងមក​។​

​ស្ត្រី​ឈ្មោះ​ប៉ាង ហាង អាយុ ២៥​ឆ្នាំមាន​លំនៅ​ភូមិ​មេទឹក ឃុំ​មេទឹក ស្រុក​បាកាន បាន​រៀប​រាប់​ឲ្យ​ដឹងថា ដោយសារ​តែមាន​ជីវភាព​ខ្វះខាត គ្មាន​មុខរបរ កូន​ក៍​ច្រើន ក៍បាន​នាំ​ប្ដី​ប្រព​ន្ឋ​មក​ដាក់ពាក្យ  នៅ​ក្រុមហ៊ុន​មួយ ដើម្បី​ទៅធ្វើ​ការ​នៅ ប្រទេស​ថៃ​។ ការដែល​ពួកគាត់​នាំ​គ្នា​​មក​ដាក់ពាក្យ​តាម​ក្រុមហ៊ុន​ក៍​ព្រោះតែ​អាច​នឹងមាន​សុវត្ថិភាព​ជាង តាម​ទៅតាម​មេ​ខ្យល់  ព្រោះ​អី​ធ្លាប់តែ​ឮ​គេ​និយាយ​ប្រាប់ថា អ្នក ដែល​ទៅធ្វើ​ការ​នៅ​ប្រទេស​ថៃ​តាម​មេ​ខ្យល់​ជាការ​ងារ​មួយ​ដែល​ខុសច្បាប់ ហើយ​ប្រឈម​នឹង​ជួប​បញ្ហា   គ្រប់បែប​យ៉ាងដូច​ជាកា​រ​រត់​គេ​ពី​កម្លាំង​តម្រួត​ថៃ និង​ពេលធ្វើការ​មួយខែ​ឬ​ពីរ​បី​ខែ ក្រោយ​មកសុំ​គេ​បើក  ប្រាក់​​មិនបាន​ទេ​ដោយ​គេ​ថា មេខ្យល់​បាន​លក់ខ្លួន​ឲ្យ​គេ​ព្រមទាំង​បាន​បើក​លុយ​យកទៅ​បាត់​ហើយ​។​

​ប៉ាង ហាង បន្តថា​ដោយមាន​ការ​ស្មុកស្មាញ​ដូចនេះហើយ​ទើប នាំ​ប្ដី​ប្រព​ន្ឋ​មក​ដាក់ពាក្យ​នៅ​ក្រុមហ៊ុន​នឹង​គេ ព្រោះ​វា​ស្របច្បាប់​និង​មិនមាន​បញ្ហា​។ លុះដល់​ថ្ងៃទី​២៨ ខែកញ្ញា ឆ្នាំ ២០១២​ពីរ​នាក់​ប្ដី ប្រព​ន្ឋ​ក៍​បាននាំគ្នា​មក​ដាក់ពាក្យ​នូវ​ក្រុមហ៊ុន​មួយ​ឈ្មោះ ក្រុមហ៊ុន ប៊ូ​រូ​ខេ​ម​បូ​ឌា​ន  ដែលមាន​ទីតាំង​ទល់មុខ​ព​ន្ឋ​នាគារ​ខេត្ត​ស្ថិតក្នុង ភូមិពាល​ញែក​២ សង្កាត់​ផ្ទះ​ព្រៃ ក្រុង​- ខេត្តពោធិ៍សាត់ ។ នៅក្នុងពេល​នោះដែរ លោក​ប្រធាន​ក្រុម​ឈ្មោះ វណ្ណា  វង្ស​ពិសី  បាន​តម្រូវ​ឲ្យ​ពលករ​ម្នាក់ៗ​បង់ប្រាក់​ជាមុន​ដើម្បី​រត់ការ​ឯកសារ ដោយមាន​ចេញ​ជា​វិក័យ​ប័ត្រ​បញ្ជាក់​យ៉ាងច្បាស់​ថា ១ ;​សេវាកម្ម​ប៉ាស្ព័រ ១៥០​ដូ​ល្លារ ២ ;  ពិន័យ ខ្វះ​ឯកសារ ៥​ដូ​ល្លារ ៣; រូបថត​២១​សន្លឹក​៦​ដូ​ល្លារ សរុប​ទាំងអស់​១៦១​ដូ​ល្លារ​។ ពេលដែល​បង់ប្រាក់​ឲ្យ​ទៅ​លោក​ប្រធាន​ក្រុមហ៊ុន​រួចហើយ​គាត់​ក៍ណាត់​ឲ្យ​ទៅ​ថតរូប​ដើម្បី​បំពេញ​ឯកសារ​នៅ​ភ្នំពេញ រួច​កំណត់ពេល​យ៉ាងយូរ​បី​ខែ​ទៀត ឈ្មោះ​ធ្លាក់​មក​លោក​នឹង​នាំ​ពលករ​ទាំងអស់​ទៅធ្វើ​ការ​នៅ​ប្រទេស​ថៃ​ដោយ​ស្របច្បាប់​។

ស្ដ្រី​ឈ្មោះ​ប៉ាង  ហាង បន្តទៀតថា ដល់ពេល​កំណត់​រយះពេល​បី​ខែ​ក៍បាន​ទូរ​សព្ទ័​ទៅ​លោក​ប្រធាន​ក្រុមហ៊ុន ជាច្រើន​ដង តែ​គាត់​បាន​ឆ្លើយ​ប្រាប់ថា ឈ្មោះ​មិនទាន់​ធា្ល​ក់មក​ទេ ព្រោះ​ឯកសារ​មិនទាន់​គ្រប់គ្រាន់ រងចាំ​បន្តិចទៀត​សិន​ចុះ ដោយមាន​ការ ពន្យា​ពេល​យូរ​ទៅៗ ពី​ខែ​នេះ ថា​ខែ​នោះ មានការ​សង្ស័យថា​ក្រុមហ៊ុន​នេះ ប្រហែលជា​បោកប្រាស់ ក៍​នាំ​ប្តី​ប្រព​ន្ឋ​មក​មើល​នៅ​កន្លែងធ្វើការ​របស់គាត់ ស្រាប់តែ​បាន​រុះរើ ចេញ​ទៅណា​បាត់ទៅ​ហើយ  ក៍មាន​អារម្មណ៍រ​ន្ឋ​ត់​អង្គុយ​យំ​ពីរ​នាក់​ប្តី​ប្រព​ន្ឋ​តែម្ដង ដោយមាន​ការសោកស្ដាយ លុយកាក់​ដែល​ក្រុមហ៊ុន​បោកប្រាស់ ព្រោះ​លុយ​ទាំងអស់នោះ​សុ​ទ្ឋ​តែ​ចងការ​គេ​ទាំង​អស់​​។

​ទាក់ទង​នឹង​រឿងនេះ លោក លី  សុភា  ប្រធាន​មន្ទីរ​ការងារ​និង​បណ្ដុះបណ្ដាល​វិជ្ជាជីវ​: ខេត្តពោធិ៍សាត់ បាន​បំភ្លឺ​ប្រាប់​អ្នកយកព័ត៌មាន​តាម​ទូរ​សព្ទ័​នៅ​ថ្ងៃទី​១៣​ខែកក្កដា​ថា  ក្រុមហ៊ុន​ស្របច្បាប់​ដែលមាន​អាជ្ញា​ប​ណ្ណ័​ត្រឹមត្រូវ​ពី​ក្រសួង​ការងារ នៅក្នុង​ខេត្តពោធិ៍​សាត់​ គឺមាន​ចំនួន បី ១/ ក្រុមហ៊ុន អ៊ឹង​រិ​ទ្ឋី​គ្រុប ២ /  ក្រុមហ៊ុន​អេ​ភី និង ៣/ ក្រុមហ៊ុន ប៊ូ​រូ​ខេ​ម​បូ​ឌា​ន​។​

​លោក​បាន​បន្តថា ចំពោះ​ក្រុមហ៊ុន​ប៊ូ​រូ​ខេ​ម​បូ​ឌា​ន គឺ​បាន​រុះរើ​ចេញពី​ខេត្តពោធិ៍សាត់​យើង​ហើយ​។ ចំណែក​ថា​រឿង​ក្រុមហ៊ុន​បោកប្រាស់​លុយ​ពី​ប្រជាពលរដ្ឋ​នោះ​គឺ​គ្មានទេ វា​ជា​រឿង​របស់​បុគ្គល​ទេ​ដែល​ធ្វើ​ខុសពី​គោលការណ៍​ច្បាប់ ប៉ុន្តែ​រឿងនេះ​សមត្ថកិច្ច​កំពុងតែ​ស៊ើបអង្កេត​ស្រាវជ្រាវ​ហើយ​។

​អ្នកយកព័ត៌មាន បានធ្វើការ​ទំនាក់ទំនង​សុំ​ការបំភ្លឺ​ទៅ​លោក វណ្ណា វង្ស​ពិសី ប្រធាន​ក្រុមហ៊ុន​ប៊ូ​រូ​ខេ​ម​បូ​ឌា​ន​តាម ទូរ​សព្ទ័​ជាច្រើន​ខ្សែរ តែ​ទូរ​សព្ទ័ របស់លោក​មិនអាច​ទាក់ទង​បាន​។​

​មន្ត្រី​សម្របសម្រួល​សមាគមន៍​អាដហុក និង​ការពារ​សិទ្ឋិ​ពលរដ្ឋ​កម្ពុជា​ប្រចាំខេត្ត​ពោធិ៍​សាត់​បាន​និយាយថា ការ​ឆបោក​ប្រជាពលរដ្ឋ​បែបនេះ​វា​ជា​អំពើរ​ខុសច្បាប់  កន្លងមក​អាជ្ញាធរ​សមត្ថកិច្ច និង​ក្រសួង​ការងារ​បានចេញ​ប្រកាស​បិទ​នូវ ក្រុមហ៊ុន​មួយចំនួន ដើម្បី​ទប់ស្កាត់ ការ​ឆបោក​ប្រជាពលរដ្ឋ​។   ប៉ុន្តែ​ពលរដ្ឋ​នៅតែមាន​ការចាញ់បោក​ក្រុមហ៊ុន​ជា​បន្តបន្ទាប់ ដោយសារតែ​ពលរដ្ឋ​នៅមាន​កង្វះខាត​ព័​ត៌  មាន​ជាក់លាក់ ក្នុង​ការបំពេញ​នីតិ​វិធី​សំរាប់​ធ្វើការ​នៅក្រៅ​ប្រទេស​។

​តំណាង​ពលករ​ជាង​២១ នាក់​មកពី​ស្រុក​ទាំង​៦​នៅក្នុង​ខេត្តពោធិ៍សាត់​ដែល​បាន​ចាញ់​បោក​ក្រុមហ៊ុន​ប៊ូ​រូ​ខេ​ម​បូ​ឌា​ន​សូម​អំពាវនាវ​ដល់​ក្រសួង​មាន​សមត្ថកិច្ច ពិសេស​ក្រសួង​ការងា មេត្តាជួយ ចាត់ការ លោក វណ្ណា វង្ស​ពិសី តាមផ្លូវ​ច្បាប់​ផង ដើម្បី​រក​យុត្តិធម៌​ជូន​ដល់​​ពលករ រងគ្រោះ​។​បើ​ពុំ​នោះទេ​ប្រសិនបើ​ទុក​គាត់​ឲ្យ​ធ្វើការ​នៅតាម​ក្រុមហ៊ុន​ទៀត វា​នឹង​អាច​ប៉ះពាល់​ដល់​កិត្តិយស​ក្រុមហ៊ុន ម្យ៉ាងវិញទៀត​អាច​នឹងមាន​ពលរដ្ឋ​ជាច្រើន​នាក់​ទៀត​ដែល​មិនទាន់​ដឹង​ត្រូវ​ចាញ់បោក​បុ​គ្ក​ល​ម្នាក់នេះ​គ្រប់ៗ​គ្នា​៕​ ភ្នំក្រវាញ
​    ​

Copyright © 2010-2021 · អរិយធម៌ · All Rights Reserved.
Develop by Sek Sathya