កំពត ៖ ទាក់ទិននឹង ព័ត៌មានឪពុកជនដៃដល់ ចង់បញ្ចប់រឿងក្រៅច្បាប់នេះលោកម៉េង សួន អតីតអភិបាលរងខេត្ដកំពតហើយ ក្រោយមកជាអភិបាលរងខេត្ដកំពង់ចាម នៅថ្ងៃទី២០ ខែមីនា ថា រូបលោកពុំបានរត់ការអ្វី នៅតុលាការនោះទេ ប៉ុន្ដែលោកបាន ព្យាយាមជួបក្រុមគ្រួសារសាច់ញាតិជន រងគ្រោះដើម្បីបញ្ចប់រឿងក្នុងនាមរូប លោកជាចាស់ទុំ មិនចង់ឱ្យមានបញ្ហា វែងឆ្ងាយ ។
ការលើកឡើងរបស់ លោកម៉េង សួន ឪពុកបង្កើតជនដៃដល់នេះត្រូវបានប្រជា ពលរដ្ឋនៅក្នុងខេត្ដកំពតរិះគន់លោកថា លោក ម៉េង សួន អតីតជាអភិបាលរង ខេត្ដគួរតែដឹងពីច្បាប់ទម្លាប់បើទោះការ បញ្ចប់បញ្ហាក្រៅច្បាប់ក៏ដោយជនដៃ ដល់ក៏នៅតែមិនអាចគេចផុតពីការ ផ្ដន្ទាទោសតាមច្បាប់នោះដែរ ព្រោះ បទល្មើសបានប្រព្រឹត្ដជាក់ស្ដែង ។
សំណុំរឿងនេះលោកបានបញ្ជូនទៅតុលា ការរួចហើយ ដើម្បីសុំដីកាតាមចាប់ ខ្លួនជនដៃដល់ ហើយដីកាតាមចាប់ខ្លួន វាមានសុពលភាពរាប់សិបឆ្នាំ ទោះជា ជនសង្ស័យគេចទៅជ្រកដល់ទីណាក៏ ដោយ ឱ្យតែឃើញនោះយើងនឹងអាច ចាប់ខ្លួនបាន ។
តាមប្រភពព័ត៌មាន អ្នកស្និទ្ធនឹងជន ដៃដល់បង្ហើបឱ្យដឹងថា ជនដៃដល់បច្ចុ ប្បន្នកំពុងគេចខ្លួននៅក្នុងរាជធានីភ្នំ ពេញ ។ ការដែលគេដឹងច្បាស់បែបនេះ ព្រោះគេបានទំនាក់ទំនងគ្នាតាមទូរស័ព្ទ ហើយបានឮសំឡេងជនដៃដល់និយាយ ថា បើសមត្ថកិច្ចសឿងបឿងអញ្ជើញ មកចាប់ខ្លួនរូបគេនៅភ្នំពេញទៅ ។
គួររំលឹកថា កាលពីថ្ងៃទី១០ ខែមីនា វេលាម៉ោង១០និង៤០នាទីយប់នៅក្នុង ភូមិអន្លង់គគីរ ឃុំកណ្ដោល ស្រុកទឹកឈូ ខេត្ដកំពត មានករណីបាញ់មនុស្សកើត ឡើងនៅក្នុងរោងការ បង្កដោយជនដៃ ដល់ដែលគេដឹងថាជាភ្ញៀវខាងកូន កំលោះបណ្ដាលឱ្យអ្នកចាក់ធុងបាស់មួយ គ្រួសារមាន៤នាក់រងរបួសធ្ងន់ស្រាល ។
ក្រោយកើតហេតុជន បង្កនិងបក្ខពួក បាននាំគ្នាគេចខ្លួនចេញពីកន្លែងកើតហេតុ ដោយបន្សល់ទុកជនរងគ្រោះខ្លះហូរឈាម និងខ្លះទៀតគ្រាប់បៀមនៅក្នុងសាច់ ។
ជនរងគ្រោះដែល ត្រូវជនដៃដល់ បាញ់ប៉ងសម្លាប់ដូចបាញ់សត្វធាតុនេះ ត្រូវបានគេស្គាល់ឈ្មោះទី១-ស្វាយ អៀង អាយុ៥៨ឆ្នាំ, ទី២-ឈ្មោះចាប ទាង ភេទប្រុស អាយុ២១ឆ្នាំ, ទី៣-ឈ្មោះ ចាប តូ អាយុ២៨ឆ្នាំ អ្នកទាំង២ជាកូន បង្កើតឈ្មោះស្វាយ អៀង និងទី៤-ឈ្មោះ ឆន ង៉ែត អាយុ២៣ឆ្នាំ ជាប្រពន្ធឈ្មោះ ចាប តូ ។
លោកស្នងការរង ធ្លាប់ឱ្យដឹងថា ជន ដៃដល់ក្នុងអំពើបាញ់ប្រហារនេះឈ្មោះ សួន វណ្ណារ៉េត រស់នៅភូមិទី១ឧសភា សង្កាត់កំពង់កណ្ដាល ក្រុង-ខេត្ដកំពត ជាកូនបង្កើតលោក ម៉េង សួន អតីត អភិបាលរងខេត្ដកំពតដែលបានចូល និវត្ដន៍ ។
ចំពោះ ករណីបាញ់ប្រហារទៅលើ គ្រួសារអ្នកចាក់ធុងបាស់ខាងលើនេះ ប្រជាពលរដ្ឋនៅក្នុងខេត្ដកំពត ក៏ដូចជា ក្រុមគ្រួសារសាច់ញាតិជនរងគ្រោះ សុំ ឱ្យសមត្ថកិច្ចពន្លឿនស្វែងរកចាប់ខ្លួនជន ដៃដល់យកមកផ្ដន្ទាទោស ហើយខាង តុលាការខេត្ដ ប្រជាពលរដ្ឋសង្ឃឹមថា នឹងផ្ដល់ភាពយុត្ដិធម៌ឱ្យជនរងគ្រោះ ជាអ្នកទន់ខ្សោយត្រូវជនកំណាចមាន ប្រាក់បាញ់ប្រហារតាមអំពើចិត្ដ ៕ ពៅ
