ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» ព័ត៌មានជាតិ » លួច​ម៉ូតូ​បានសម្រេច​ជិះ​គេចខ្លួន ម្ចាស់​ឃើញ​ស្គាល់​ស្រែក​ចោរៗ​ត្រូវ​ចាប់បាន​

លួច​ម៉ូតូ​បានសម្រេច​ជិះ​គេចខ្លួន ម្ចាស់​ឃើញ​ស្គាល់​ស្រែក​ចោរៗ​ត្រូវ​ចាប់បាន​

​កណ្តាលៈ ជនសង្ស័យ​ម្នាក់​ត្រូវបាន នគរបាល​ឃាត់ខ្លួន និង​ម្នាក់ទៀត​រត់គេចខ្លួន​រួច ពេលធ្វើ​សកម្មភាព កាច់​សោរ ក​ម៉ូតូ បាន​ហើយ​ជិះ​គេចខ្លួន​នោះ ត្រូវ​ម្ចាស់​ម៉ូតូ​ឃើញ​ក៏​ស្រែកថា ចោរៗ​ធ្វើ​ឲ្យ​ជនសង្ស័យ ភ័យ​ស្លន់ស្លោ​រត់​យកតែ​រៀងខ្លួន ប៉ុន្តែ​ដោយសារតែ​ជនសង្ស័យ​ម្នាក់ រត់ឡើង​ម៉ូតូ​មិនទាន់ ក៏ត្រូវ​នគរបាល ឃាត់ខ្លួន​បាន​តែម្តងទៅ ។ ហេតុ​ការភ្ញាក់ផ្អើល​នេះ កើតឡើង​កាលពី​វេលា​ម៉ោង​១៤ និង​៤០​នាទី​ល្ងាច ថ្ងៃទី​១៩ ខែមីនា ឆ្នាំ​២០១៤ ស្ថិតនៅ​ភូមិ​ព្រែក​តា​ឯក ឃុំ​ត្រើយ​ស្លា ស្រុក​ស្អាង ខេត្តកណ្តាល​។​
​ជនរងគ្រោះ ឈ្មោះ មាន ជ្រុ​ន ភេទ​ស្រី អាយុ​៥៦​ឆ្នាំ រស់នៅ​ភូមិ​ឃុំ​កើតហេតុ ខាងលើ មុខរបរ​កសិករ ជិះ​ម៉ូតូ​មួយគ្រឿង​ម៉ាក​ហុងដា​សេ ១២៥ ពណ៌​ខ្មៅ ស៊េរី​ឆ្នាំ​២០០៩ ពាក់​ស្លាក់​លេខ​ភ្នំពេញ 1AV-0740
​រីឯ​ជនសង្ស័យ​វិញ​មាន​គ្នា​២​នាក់ ទី​១​ឈ្មោះ ឈ្មោះ​ទិ​ត ប៊ុ​យ ភេទ​ប្រុស អាយុ​៣២​ឆ្នាំ មុខរបរ​មិន​ពិតប្រាកដ រស់នៅ​ភូមិ​ខ្នារ ឃុំ​ក្រាំង​ឆ្នង់ ស្រុក​បាទី​ខេត្តតាកែវ និង ទី​២​ឈ្មោះ ហន ភេទ​ប្រុស អាយុ​ជាង​៣០​ឆ្នាំ នៅ​ភូមិ​ទ្រា ឃុំ​ទ្រា ស្រុក​កណ្តាលស្ទឹង ខេត្តកណ្តាល​។​
​នគរបាល​បាន​ឲ្យ​ដឹងថា មុនពេល​កើតហេតុ​ជនរងគ្រោះ បាន​ជិះ​ម៉ូតូ​ទៅ​ទុកចោល នៅ​កន្លែងកើតហេតុ ដោយ​ចាក់សោ​រក ត្រឹមត្រូវ នៅ​ក្បាលដី​ចំការ​របស់​ឈ្មោះ ច្រាយ តាំង​សេង ខាងត្បូង​ព្រែ​កតា​ឯក ទៅ​ជួយ ដក​សណ្តែកដី អោយ​កូន​បន្តិចក្រោយមក​ជន​សង្ស័យ​បាន​ជិះ​ម៉ូតូ​មួយគ្រឿង​ឌុប​គ្នា ពី​ភ្នំពេញ​ទៅដល់​ដោយ ឃើញ​សភាព​ស្ងាត់ ជា​ឱកាសល្អ​ជនសង្ស័យ​ម្នាក់​បាន​ដើរ កាច់​សោ​រក​ម៉ូតូ រួចហើយ​ជិះ​ម៉ូតូ​ឆ្លង​ព្រែ​កមក ផ្លូវលំ​ខាងជើង​សំដៅទៅ​ផ្លូវជាតិ​លេខ​១១០ ពេលនោះ ជនរងគ្រោះ​ក៏បាន​ឃើញ​ម៉ូតូ​ស្គាល់​ថា ជា​របស់ខ្លួន ក៏​ស្រែកថា​ចោរៗ អោយ​អ្នកជិតខាង​ជួយ​ដេញចាប់ ពេលនោះ​ប្រជាពលរដ្ឋ​នៅ ដែលជា​អ្នកធ្វើ​ចំការ​ក៏បាន​នាំគ្នា ចេញ​មកជួយ​ដេញចាប់ ធ្វើ​ឲ្យ​ជនសង្ស័យ​កំពុងតែ​ជិះ​ម៉ូតូ ជនរងគ្រោះ​ភ័យ​ស្លន់ស្លោ​ទុក​ម៉ូតូ​ជនរងគ្រោះ​ចោល រួចហើយ​រត់ឡើង ជិះ​ម៉ូតូ​របស់​បក្ខ​ពួកគេ ប៉ុន្តែ​ដោយ​រត់ឡើង​ជិះ​មិនទាន់ ក៏ត្រូវ​នគរបាល​ចាប់ខ្លួនបាន​តែម្តងទៅ រីឯ​បក្ខពួក​របស់គេ​ជិះ​ម៉ូតូ​រត់​គេចខ្លួនបាត់
​ក្រោយមក​នគរបាល​នាំខ្លួន​ជនសង្ស័យ​យកមក​សាកសួរ ជនសង្ស័យ បាន​សារភាពថា ខ្លួន​ពិតជា បានធ្វើ​សកម្មភាព​កាច់​សោ​រក​ម៉ូតូ​ជនរងគ្រោះ​ពិតប្រាកដ​មែន ៕

Copyright © 2010-2021 · អរិយធម៌ · All Rights Reserved.
Develop by Sek Sathya