ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ » ប្រទះឃើញ​គ្រោងឆ្អឹង​មនុស្ស​ស្លាប់​ប្រហែល​២​ឆ្នាំ​ នៅជាប់​របង​កាស៊ីណូ​ផ្កាយ​ប្រាំ​ ​

ប្រទះឃើញ​គ្រោងឆ្អឹង​មនុស្ស​ស្លាប់​ប្រហែល​២​ឆ្នាំ​ នៅជាប់​របង​កាស៊ីណូ​ផ្កាយ​ប្រាំ​ ​

ប៉ោយប៉ែត ៖​សមត្ថកិច្ច​ប៉ូលិស​ការពារ​ព្រំដែន​គោក​លេខ​៩១១ បាន​ប្រទះឃើញ គ្រោងឆ្អឹង​សាកសព​ដែល ស្លាប់ ប្រហែល​២​ឆ្នាំ​មកហើយ ខណៈដែល​ដើរល្បាត​តាម​ព្រំដែន​កម្ពុជា ថៃ នៅក្នុង​ព្រៃ​ល្បោះ​ខាងជើង​បរិវេណ របង កាស៊ីណូ​ផ្កាយ​៥ កាលពី​វេលា​ម៉ោង​១១ និង​៣០​នាទី​ព្រឹក​ថ្ងៃទី​១៥ ខែមីនា ឆ្នាំ​២០១៤ ស្ថិត​ក្នុងភូមិ​សាមគ្គី​មានជ័យ សង្កាត់​-​ក្រុង​ប៉ោយប៉ែត ខេត្តបន្ទាយមានជ័យ​។​
​ក្រោយពី​បាន​ប្រទះឃើញ​គ្រោងឆ្អឹង​សព​មនុស្ស នគរបាល​ការពារ​ព្រំដែន​គោក​លេខ​៩១១ និង​សមត្ថកិច្ច​នគរបាល​ក្រុង​ប៉ោយប៉ែត​បាន​សង្ស័យថា ជា​មនុស្ស​ប្រុស មាន​ឆ្អឹង​ដៃ ជើង និង​លលាដ៍ក្បាល​ធំ ហើយ​សាកសព​នេះ​ស្លាប់​ប្រហែល​២​ឆ្នាំ​ហើយ​។​
​ចំពោះ​អត្តសញ្ញាណ​នៃ​សព​ខាងលើ​គេ​ពុំទាន់​ដឹង​នៅឡើយ​ទេ​។ តាម​សំដី​ពី​សមត្ថកិច្ច​រដ្ឋបាល​ប៉ោយប៉ែត គេ​បាន​តាម​ការ​ដឹងថា គ្រោងឆ្អឹង​សាកសព​មនុស្ស​ដែល​ស្លាប់​នេះ មាន​កំពស់​ប្រមាណ ១,៨០​ម៉ែត្រ សន្និដ្ឋាន​អាចជា​ករណី​ឃាតកម្ម​សម្លាប់ រួច​ត្រូវគេ​យកទៅ​បោះចោល ក្នុងព្រៃ​ល្បោះ ជាប់​ស្រះ​ទឹក​ខាងជើង កាស៊ីណូ​ផ្កាយ​៥ នៅ​កន្លែងកើតហេតុ​នោះ​តែម្តង ។​
​សូមបញ្ជាក់ថា ឆ្អឹង​សាកសព​មនុស្ស​ខាងលើនេះ ក្រោយពី​សមត្ថកិច្ច​បាន​ត្រួតពិនិត្យ រួចរាល់​ហើយ ក៏បាន​ចាត់ចែង​ឲ្យ​យកទៅ​រក្សាទុក​នៅ​ទី​អារាម​មួយកន្លែង ក្នុង​ក្រុង​ប៉ោយប៉ែត​ដើម្បី​រង់ចាំ​សាច់ញាតិ​ឬ ក្រុមគ្រួសារ ណាមួយ​ដែល​បាន​បាត់​បងប្អូន ឲ្យ​មក​ពិនិត្យមើល និង​យកទៅ​ធ្វើបុណ្យ​តាម​ប្រពៃណី​៕ ដោយ ខៀវ បូរី​

Copyright © 2010-2021 · អរិយធម៌ · All Rights Reserved.
Develop by Sek Sathya