ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ, ព័ត៌មានអន្តរជាតិ » ជិះ​ម៉ូតូ​ឆ្លងផ្លូវ​មិន​ប្រយ័ត្ន​ត្រូវ​រថយន្ត បុក​បណ្តាល​ឲ្យ​ស្លាប់​ទាំង​៣​នាក់​ ​

ជិះ​ម៉ូតូ​ឆ្លងផ្លូវ​មិន​ប្រយ័ត្ន​ត្រូវ​រថយន្ត បុក​បណ្តាល​ឲ្យ​ស្លាប់​ទាំង​៣​នាក់​ ​

ខេត្តកំពត​៖ មនុស្ស​៣​នាក់​ដែលជា​ក្រុមគ្រួសារ​តែមួយ​បាន​ស្លាប់​ភ្លាមៗ​នៅ​កន្លែងកើតហេតុ ដោយសារ​ជួប​ហេតុ​ការគ្រោះថ្នាក់​ចរាចរ ខ​ណះ​ពេល​ជិះ​ម៉ូតូ​ឆ្លងផ្លូវ​មិន​ប្រយ័ត្ន​ក៏ត្រូវ​រថយន្ត​ម៉ាក​លុច​ស៊ី​ស​បុក​យ៉ាង​ពេញទំហឹង​។ ចំពោះ​បេ​តុ​ការណ៍​នេះ ក្រោយពី​ប៉ះទង្គិច​គ្នា រថយន្ត​បាន​ព្យាយាម​បើក​គេច​ទៅមុខ​ចំងាយ​ពី​កន្លែងកើតហេតុ​ប្រមាណ​ជាង​១០​គីឡូម៉ែត្រ​ទើប​សមត្ថកិច្ច​តាម​ឃាត់​រថយន្ត​បង្ក​បាន​។​
គ្រោះថ្នាក់​ដ៏​រន្ធត់​នេះ​បាន​កើតឡើង​នៅត្រង់ចំណុច​មុខ​ខ្លោងទ្វារវត្ត​ដំបង​ដែក ស្ថិតក្នុង​ភូមិ​កំពូល​មាស ឃុំ​ឫស្សីស្រុក​ខាងលិច ស្រុក​កំពង់ត្រាច ខេត្តកំពត កាលពី​វេលា​ម៉ោង​៩​និង​៣៥​នាទី​យប់ ថ្ងៃទី​១៣​ខែ​មិនា ឆ្នាំ​២០១៤​។​
តាម​ប្រភព​នៅ​កន្លែងកើតហេតុ​បាន​និយាយថា មុនពេល​ជួប​ហេតុការណ៍​អកុសល​គេ​ឃើញ​ជនរងគ្រោះ​៣​នាក់​ខាងលើ​ដែលជា​ក្រុមគ្រួសារ​តែមួយ ក្នុងនោះ​មាន​បុរស​ជា​ឪពុក កូនស្រី និង​ចៅប្រុស​ម្នាក់​ផងដែរ បាន​ជិះ​ម៉ូតូ​១​គ្រឿង​ឌុប​គ្នា​ចេញ​មកពី​ចូលរួម​ក្នុង​ពិធីមង្គលការ​អ្នកភូមិ​មួយកន្លែង​ស្ថិត​ម្តុំ​ខាងកើត​នៃ​កន្លែងកើតហេតុ លុះ​មកដល់​ចំណុច​ខ្លោងទ្វារវត្ត​ដំបង​ដែក​ម៉ូតូ​ក៏បាន​ជិះ​ឆ្លងផ្លូវ​បំណង​ចូល​ផ្ទះ​ដោយ​ពុំបាន​ពិនិត្យមើល​ឆ្វេង ស្តាំ​នោះទេ ស្របពេល​មាន​រថយន្ត​ម៉ាក​លុច​ស៊ី​ស​RX300 ពណ៌​ខ្មៅ​បោះពួយ​មកពី​ជើង​ទើប​វ៉ា​ក់​អើ​គ្នា​គេច​មិន​ផុត​ក៏​បុក​ម៉ូតូ​ពេញទំហឹង​បណ្តាល​ឲ្យ​មនុស្ស​ក្មេង ចាស់ ប្រុស​ស្រី​៣​នាក់​ខ្ទាត​ផ្លោង​ទៅមុខ​ប្រហែល​២០​ម៉ែត្រ ហើយ​បាន​ដាច់ខ្យល់​ស្លាប់​ភ្លាមៗ​គ្មាន​សល់​ម្នាក់​ឡើយ​។​ប្រភព​ដដែល​បាន​បន្តថា បន្ទាប់ពី​បង្ក​គ្រោះថ្នាក់​រថយន្ត​ក៏បាន​បន្ថែម​ល្បឿន​ដាក់​មេ​ប្រូច​ទៅ​ទិស​ខាងត្បូង​បាត់ស្រមោល ទើប​គេ​រាយការណ៍​ប្រាប់​សមត្ថកិច្ច​ឲ្យ​ជួយ​អន្តរាគមន៍​ស្ទាក់​ឃាត់​រថយន្ត​បង្កហេតុ ទីបំផុត​សមត្ថកិច្ច​ក៏​ចាប់​រថយន្ត​នេះ​បាន​ត្រង់ចំណុច​ភូមិ​ភ្នំ​លាវ ឃុំ​ពងទឹក ស្រុក​ដំណាក់​ចង្អើរ ខេត្ត​កែប ដែលមាន​ចំងាយ​ប្រមាណ​ជាង​១០​គីឡូម៉ែត្រ​ពី​កន្លែងកើតហេតុ​។​
ទាក់ទិន​នឹង​ហេតុការណ៍​ដ៏​រន្ធត់​ខាងលើ ប៉ូលិសចរាចរ​ស្រុក​កំពង់ត្រាច​បាន​ឲ្យ​ដឹងថា គ្រោះថ្នាក់​នេះ​កើតឡើង​ដោយសារ​ការបើកបរ​ខ្វះ​ភាព​ប្រុងប្រយ័ត្ន អាច​និយាយបានថា ភាគី​ម៉ូតូ​ពេល​បើកបរ​ឆ្លងកាត់​ទទឹង​ផ្លូវ​មិន​ពិនិត្យមើល​ឆ្វេង​ស្តាំ ទើប​បណ្តាល​ឲ្យ​មាន​សោកនាដកម្ម​កើតឡើង​យ៉ាងធ្ងន់ធ្ងរ​បែបនេះ ម្យ៉ាងទៀត​ដងផ្លូវ​លេខ​៣៣​ជា​ផ្លូវធំ​ទូលាយ​តែងតែមាន​យានយន្ត​គ្រប់​ប្រភេទ​បើកបរ​ទៅមក​ជាប្រចាំ​ថែមទាំង​មាន​ល្បឿន​ខ្លាំងក្លា​ផង ទើប​ពេល​វាក់​អើ​គ្នា​ពិបាក​គេច​ផុតពី​គ្រោះថ្នាក់​ណាស់​។ ដូច្នេះ​សូម​បងប្អូន​ជា​អ្នកដំណើរ​ទាំង​អ្នក​កាន់​ចង្កូតរថយន្ត​ក៏ដូចជា​ម៉ូតូ​គួរ​បង្កើន​ការប្រុងប្រយ័ត្ន​ទាំងអស់គ្នា ទើប​ការពារ​អាយុ​ជិវិត​បាន​។​ប៉ូលិស​បានបញ្ជាក់​ទៀតថា ជនរងគ្រោះ​ដែល​ស្លាប់​ក្នុង​ហេតុការណ៍​នោះ​រួមមាន ទី​១ ឈ្មោះ អូន ដុះ ភេទ​ប្រុស អាយុ​៥៧​ឆ្នាំ ជា​អ្នកបើកបរ​ម៉ូតូ ជា​ឪពុក ទី​២ ឈ្មោះ អូន ធី​ម ភេទ​ស្រី អាយុ​៣០​ឆ្នាំ អ្នករួមដំណើរ​ត្រូវជា​កូន និង​ទី​៣ ឈ្មោ​សាំង ស៊ី​យិ​ញ ភេទ​ប្រុស អាយុ​៧​ឆ្នាំ (​កូន​របស់​ឈ្មោះ អូន ធី​ម​)​ជនរងគ្រោះ​ទាំង​៣​ជា​ក្រុមគ្រួសារ​តែមួយ មាន​ឪពុក កូនស្រី​និង​ចៅ ជិះ​ម៉ូតូ​ម៉ាក​C125​ពណ៌​ខ្មៅ សេរី​០៥​ពាក់​ស្លាក​លេខ តាកែវ 1G-4500​រស់នៅក្នុង​ភូមិ​ដូង ឃុំ​ស្វាយ​ទង​ខាងជើង ស្រុក​កំពង់ត្រាច​។​ដោយឡែក​រថយន្ត​បង្កហេតុ ម៉ាក​លុច​សី​ុ​ស​RX300​ពណ៌​ខ្មៅ ពាក់​ស្លាក​លេខ ភ្នំពេញ 2N-0386​អ្នកបើកបរ​អត់​ស្គាល់​អត្តសញ្ញាណ​។​
ក្រោយពី​វាស់វែង​មធ្យោបាយ​ពាក់ព័ន្ធ​ទាំង​២​គ្រឿង សមត្ថកិច្ច​បាន​អូស​យកមក​រក្សាទុក​នៅ​ក្នុង​អធិការដ្ឋាន​នគរបាល​ស្រុក​កំពង់ត្រាច​សម្រាប់​ធ្វើការ​ដោះស្រាយ​គ្នា​ជា​ក្រោយ​៕ គង់​សម្បត្តិ​

Copyright © 2010-2021 · អរិយធម៌ · All Rights Reserved.
Develop by Sek Sathya