ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» Breaking News, ព័ត៌មានជាតិ » ប្រធាន​មន្ទីរ​ប្រៃសណីយ៍​ខេត្តកំពត ប្រឈម​នឹង​ការដកហូត​តំណែង​ ​

ប្រធាន​មន្ទីរ​ប្រៃសណីយ៍​ខេត្តកំពត ប្រឈម​នឹង​ការដកហូត​តំណែង​ ​

កំពត​៖ គណៈប្រតិភូ​មួយក្រុម​របស់​ក្រសួង​ប្រៃសណីយ៍ និង​ទូរគមនាគមន៍​ដឹកនាំ​ដោយ លោក អគ្គាធិការ អ៊ូ បូរ៉ាត់ នៅ​ព្រឹក​ថ្ងៃទី ៧ មិនា​ឆ្នាំ​២០១៤ បាន​ចុះ​ធ្វើការ​ស្រាវជ្រាវ​ករណី​អំពើពុករលួយ​របស់លោក អ៊ុក ភា​រុណ ប្រធាន​មន្ទីរ​ប្រៃសណីយ៍ និង​ទូរគមនាគមន៍​ខេត្តកំពត ក្រោយពី  អរិយធម៌​បាន​ចុះផ្សាយ​អំពី​រឿងអាស្រូវ​របស់​ប្រធាន​មន្ទីរ​មួយ​នេះ​ជា​បន្ត បន្ទាប់​នោះ​។​
​មន្ត្រី​មន្ទីរ​ប្រៃសណីយ៍​បានអោយដឹងថា​ក្នុងពេល​ចុះ​ស្រាវជ្រាវ​ករណី អំពើពុករលួយ​នៅ ក្នុង​មន្ទីរ​នោះ គណៈប្រតិភូ​របស់​ក្រសួង​បាន​ហៅ​មន្ត្រី​នៅក្នុង​មន្ទីរ​សួរ​ម្តងម្នាក់ៗ ដើម្បី​សាកសួរ​រក​ការពិត ។  ហើយ​មាន​មន្ត្រី​មួយចំនួន​បាន​ឆ្លើយបំភ្លឺ​ប្រាប់​គណៈប្រតិភូ​តាម​អ្វីដែល កើតមាន​នៅក្នុង​មន្ទីរ និង មន្ត្រី​ខ្លះ​ក៏បាន​ឆ្លើយ​បង្វែរ​ការពិត​ដែរ​។​
​លោកស្រី អ៊ិន សា​រិ អនុប្រធាន​មន្ទីរ​ប្រៃសណីយ៍​ខេត្តកំពត​បាន​ថ្លែងអោយដឹងថា ក្នុងពេល  ដែល​គណៈប្រតិភូ​សាកសួ​រ​អ្នកស្រី​អំពី​រឿង​កាសែត​ចុះផ្សាយ​នោះ ថា​ពិត​ឬ​មិន​ពិត អ្នកស្រី បាន​បំភ្លឺថា​ការចុះផ្សាយ​របស់​កាសែត​ទាំងនោះ​គឺជា​ការពិត​ទាំងស្រុង មិនមែន​ចេះតែ​ផ្សាយ​តាម  ការនឹកឃើញ​ទេ​។ លោកស្រី​ក៏មាន​សំណូមពរ​អោយ​ថ្នាក់ដឹកនាំ​ក្រសួង​ចាត់ការ​ករណីនេះ ទៅតាម​នីតិវិធី​ច្បាប់​ដែរ​។​
​សម្រាប់​មន្ត្រីរាជការ​ជាច្រើន​នៅក្នុង​មន្ទីរ​ប្រៃសណីយ៍​ខេត្តកំពត​ពេល ឃើញ​គណៈប្រតិភូ របស់​ក្រសួង​ប្រៃសណីយ៍​ចុះទៅ​ដល់​មន្ទីរ​នោះ ពួកគាត់​បាន​សម្តែង​នូវ​ការស្វាគមន៍​ចំពោះ​ការចុះ​ស្រាវ ជ្រាវ​ករណី​អំពើពុករលួយ​ខាងលើ ហើយ​បាន​សំណូមពរ​អោយ​ក្រុម​គណៈប្រតិភូ​ស្វែងរក​ការពិត អោយបាន​ច្រើន ជៀសវាង​ការគិត​អំពី​ផលប្រយោជន៍​ផ្ទាល់ខ្លួន​ជាធំ​អោយ​នោះ​។ អំពើពុករលួយ នេះ​បាន​កើតមានឡើង​អស់​រយៈពេល​១០​ឆ្នាំ​មកហើយ និង​បានធ្វើអោយ​មន្ត្រីរាជការ​ជា​ច្រី​ន​នៅ ក្នុង​មន្ទីរ​អស់​ទឹកចិត្ត​ក្នុងការ​បំពេញភារកិច្ច​។​
​ប្រភព​បាន​បញ្ជាក់ថា អំពើពុករលួយ​របស់​លោក អ៊ុក ភា​រុណ គឺ​បាន​រក្សា​ឈ្មោះ​មន្ត្រី​ខ្មោច ម្នាក់ ឈ្មោះ​លាប់ ចេស្តា តាំងពី​អង្គការ​ស៊ីម៉ាក់​បង្កើត​ដំបូង​រហូតដល់​សព្វថ្ងៃ ដោយ​លោក​លាប ចេស្តា នេះ​បាន​ចូល បំរើការ​ងារ​នៅ​អង្គការ​ស៊ីម៉ាក់​តាំងពី​នោះមក​។​ចំណែក​ឈ្មោះ​លោកស្រី​ហុង ចាន់​ដេ​ត ក៏​មិនបាន​បំរើ ការងារ​នៅក្នុង​មន្ទីរ​ទេ ប៉ុន្តែ​ប្រាក់ខែ​របស់លោក​លាប់ ចេស្តា និង​លោកស្រី​ហុង ចាន់​ដេ​ត ត្រូវ លោក​ប្រធាន​មន្ទីរ អ៊ុក ភា​រុណ បើក​យក ហើយ​នៅពេល​មានការ​ត្រួតពិនិត្យ​មន្ត្រីរាជការ​ម្តងៗ លោក​អ៊ុក ភា​រុណ តែងតែ​ទូរស័ព្ទ​ហៅ​អ្នក​ទាំងពីរ​មក​បង្ហាញ​វត្តមាន​ជានិច្ច ហើយ​បាន​ស៊ីប្រាក់ខែ​របស់​អនុ ប្រធាន​មន្ទីរ​ម្នាក់ទៀត​ឈ្មោះ​ណុប ប៉ុណ្ណា​រ៉េត ខណៈពេល​អនុប្រធាន​មន្ទីរ​រូបនេះ​បាន​ចូល​បំរើ​ការងារ ជា​ប្រធាន​សាខា​ក្រុមហ៊ុន​ខាំ​មែន​តែ​ល​ខេត្តកំពត​នោះ​។​
​ក្រៅពីនេះ បាន​កិបកេង​លើ​ការចំណាយ​សំរាប់​ការងាររដ្ឋបាល​នៅក្នុង​មន្ទីរ​ដូចជា​លុយ បេសកកម្ម លុយ​សំរាប់​ទិញ​សំភារៈ​ផ្សេងៗ​ដែល​លុយ​ជំពូក​នេះ​ក្នុង​១​ឆ្នាំ​គឺ​រដ្ឋ បានផ្តល់​ឲ្យ​ចំនួន​៨​លើក​ដោយ​ក្នុង​១​លើក​លោក​ប្រធាន​មន្ទីរ​អ៊ុក ភា​រុណ អាច​កិបកេង​បាន​ប្រាក់​ពី ២​លាន​កន្លះ​ទៅ​៣​លាន​រៀល និង​បាន​កិបកេង​លុយ​សំរាប់​ក្រាល​ឥដ្ឋ​កូ​រូ​ឡា​និង​ថែទាំ​ជុំវិញ​មន្ទីរ រយៈពេល​៣​ឆ្នាំ​ជាប់​គ្នា​ដោយនៅ​ឆ្នាំ​២០១១​រដ្ឋ​បានផ្តល់​លុយ​ឲ្យ​៥០​លាន រៀល ឆ្នាំ​២០១២-២០១៣ រដ្ឋ​បានផ្តល់​លុយ​ឲ្យ​ក្នុង​១​ឆ្នាំៗ​៤៧​លាន​រៀល ហើយ​នៅពេល​លុយ​នេះ​ធ្លាក់​មក​ម្តងៗ​គឺ​លោក​ប្រធាន​មន្ទីរ​ទៅ​បើក​ដោយ ស្ងាត់ៗ​តែម្នាក់ឯង ហើយ​ការចំណាយ​យ៉ាងណា​នោះ​ក៏​លោក​ប្រធាន​មិន​ឲ្យ​មន្ត្រី​នៅក្នុង​មន្ទីរ​ដឹង នោះទេ​។​
​ទន្ទឹមនេះ លោក​ប្រធាន​មន្ទីរ​បាន​ជួល​ទីធ្លា​ជុំវិញ​បរិវេណ​របង​មន្ទីរ​ទៅ​ឲ្យ ក្រុមអាជីវករ​លក់ដូ​រ​ចំនួន​១០​នាក់​ក្នុងនោះ​មាន​មន្ត្រី​របស់​មន្ទីរ ម្នាក់​ប៉ុណ្ណោះ ជាមួយគ្នា​នោះ​លោក​ប្រធាន​មន្ទីរ​បានអនុញ្ញាត​ឲ្យ​ក្រុមអាជីវករ​ទាំងនោះ ប្រើប្រាស់​ទឹក​ភ្លើង​របស់​មន្ទីរ​រួម​និង​យក​សំភារៈ​មក​ទុក​ក្នុង​មន្ទីរ ថែមទៀត ចំណែក​ចំណូល​ពី​ការជួល​នេះ​លោក​ប្រធាន​មន្ទីរ​យកតែ​ម្នាក់ឯង​។​
​ដោយសារ​ការប្រព្រឹត្ត​អំពើពុករលួយ​គ្រប់​រូបភាព​របស់លោក​ប្រធាន​មន្ទីរ អ៊ុក ភា​រុណ នោះបាន ធ្វើ​ឲ្យ​រូបលោក​ទទួលបាន​ផលប្រយោជន៍​យ៉ាងតិច​ក្នុង​១​ខែ​៤​លាន​រៀល​។​ហើយ បញ្ហា​នេះ​បានធ្វើ​ឲ្យ​មន្ត្រី​ជាច្រើន​មាន​ការមិន​ពេញចិត្ត​លើ​ការដឹកនាំ របស់​ប្រធាន​មន្ទីរ​រូបនេះ​។ មន្ត្រី​បញ្ជាក់ថា ករណីនេះ​បើសិនជា ក្រុមអធិការកិច្ច​ស្រាវជ្រាវ​រកឃើញ​អំពើពុករលួយ​ដូច​ការ ចោទប្រកាន់​មែន​នោះ គាត់​អាច​ប្រឈមមុខ​នឹង​ការដកហូត​តំណែង ឬក៏​អាច​ចាប់ខ្លួន​បញ្ជូនទៅ​អង្គភាព​ប្រឆាំង​អំពើពុករលួយ​ផងដែរ​៕

Copyright © 2010-2021 · អរិយធម៌ · All Rights Reserved.
Develop by Sek Sathya