ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||   

» Breaking News, ព័ត៌មានជាតិ » សម្តេច​​តេ​​ជោ​​ហ៊ុន​សែន​​ស៊ី​​ញ៉េ​​សុំ​​ព្រះ​មហា​ក្ស​ត្រ​​ព្រះ​រាជ​ទាន​​លើក​លែង​​ទោស​​លោក​​សម​រ​ង្ស៊ី​​ ​តេ​​ជោ​​សែន​​សុខ​ចិត្ត​​យល់​​ព្រម​យក​​ចាញ់​​ដើម្បី​​ឈ្នះ​​ឬ​​លោក​​សម​រង្ស៊ី​​យល់​ព្រម​​យក​ឈ្នះ​​ដើម្បី​​ចាញ់​​?​​

សម្តេច​​តេ​​ជោ​​ហ៊ុន​សែន​​ស៊ី​​ញ៉េ​​សុំ​​ព្រះ​មហា​ក្ស​ត្រ​​ព្រះ​រាជ​ទាន​​លើក​លែង​​ទោស​​លោក​​សម​រ​ង្ស៊ី​​ ​តេ​​ជោ​​សែន​​សុខ​ចិត្ត​​យល់​​ព្រម​យក​​ចាញ់​​ដើម្បី​​ឈ្នះ​​ឬ​​លោក​​សម​រង្ស៊ី​​យល់​ព្រម​​យក​ឈ្នះ​​ដើម្បី​​ចាញ់​​?​​

ភ្នំពេញ៖ បើសិនជា​អាចធ្វើ​បាន​ដោយ​ដេក​យក​ជើង​គង​ថ្ងាស ប្រាកដជា​ត្រូវគេ​លួច​សើច​ម្នាក់ឯង ជាពុំខាន​នៅពេលដែល​បាន​ពិចារណា​ដល់​ឆាកល្ខោន​នយោបាយ​នៅ​កម្ពុជា​។ ព្រោះ​ហេតុអ្វី​? ចំលើយ​ប្រាកដ​ណាស់​​គឺ​នៅពេលដែល​លោក​សមរង្ស៊ី បានធ្វើ​សកម្មភាព​ប្រឆាំង​ខ្លាំង​ជាមួយ​រាជរដ្ឋាភិបាល​កម្ពុជា ដែល​មាន​សម្តេច​តេ​ជោ ហ៊ុន សែន ជា​នាយករដ្ឋមន្ត្រី ដូចជា​ករណី​ថ្លើមធំ​ហ៊ាន​ដក​បង្គោល​ត្រុយ​ព្រំដែន​កម្ពុជា​-​វៀតណាម និង​ថ្លើមធំ ហ៊ាន​បញ្ចេញ​ផែនទី​កាឡៃ ធ្វើ​ឲ្យ​សម្តេច​តេ​ជោ ហ៊ុន សែន ឆេះដុំ​យ៉ាងខ្លាំង រហូត​ដល់​​ត្រូវបាន​តុលាការ​កោះហៅ លោក​សមរង្ស៊ី ជាច្រើន​ដង ទើប​បណ្តាល​ឲ្យ​លោក​សមរង្ស៊ី​ភ័យ​ខ្លួន ខ្លាច​ចូលដេក​គុក​ព្រៃ​ស​លួច​រត់​ចេញទៅ​រស់ នៅ​សម្ងំ​យ៉ាង​ត្រជាក់​មេជើង​ឯ​ប្រទេស​បារាំង​។

ស្ថិតក្នុង​រយៈកាល​មិនទាន់​ដល់ពេល​ដែល​ត្រូវ​ដោះស្រាយ លោក​សមរង្ស៊ី ក្អេងក្អាង​ដូច​សត្វ​ក្អាត់​ក្នុង​ក្អម​នៅឯ​ក្រៅ ប្រទេស​។ រីឯ​នៅក្នុង​ប្រទេស​វិញ សម្តេច​តេ​ជោ ហ៊ុន សែន ក៏​បញ្ចេញ​វោហា​សាស្ត្រ​ខ្លាំងៗ​មិន​ធម្មតា​នោះទេ សំរាប់​ពិរុទ្ធជន​សមរង្ស៊ី ដែល​កំពុងស្ថិត​នៅឯ​ក្រៅប្រទេស​។ ស្រាប់តែ​មកដល់ពេលនេះ គឺ​ជា​​ពេលវេលា​ជិត​កៀក នឹង​ថ្ងៃ​ត្រូវ​បោះឆ្នោត​ទៅហើយ ក៏ត្រូវ​លេច​ធ្លាយ​ព័ត៌មាន​ថា លោក​សមរង្ស៊ី​យល់​ព្រម​បន្ទន់ខ្លួន​លុតជង្គង់​អង្វរ​សុំ សម្តេច​ហ៊ុន សែន មេត្តា​អនុគ្រោះ​សណ្តោស​កំហុស​ដែល​បាន​កើតឡើង​កន្លងទៅ​។ សម្តេច​ហ៊ុន សែន បាន​យល់ ព្រម​នៅពេលដែល​លោក​សមរង្ស៊ី លុតជង្គង់​យល់ព្រម​សុំ​ចាញ់​«​នេះ​ជា​សកម្មភាព​ភាសា​អ្នកនយោបាយ​។ នៅ ពេលនេះ ប្រាកដ​ណាស់​គឺ​ព្រះមហាក្សត្រ​ព្រះអង្គ​យល់ព្រម​ឡាយព្រះហស្តលេខា ដើម្បី​លើកលែងទោស​លោក សមរង្ស៊ី តាម​សំណើសុំ​របស់​សម្តេច​តេ​ជោ ហ៊ុន សែន នាយករដ្ឋមន្ត្រី​។

មជ្ឈដ្ឋាន​អ្នកនយោបាយ​ដែល​បាន​តាមដាន​សកម្មភាព​សាច់រឿង​ល្ខោន​នយោបាយ​នេះ តាំង​ពីថ្ងៃ​ចាប់ផ្តើម រហូតមកដល់​ពេលនេះ​បាន​លើក​ជា​សំណួរ​ថា តើ​លោក​សមរង្ស៊ី សុខចិត្ត​លុត​ជ​ង្គ​ង​សុំ​ចុះចាញ់​ពេលនេះ​ដើម្បី​អ្វី​? ចំលើយ​យ៉ាងខ្លី គឺ​សុខចិត្ត​ចាញ់​ដើម្បី​បានឈ្នះ​។ ស៊ូទ្រាំ​សុខចិត្ត​ធ្វើ​មារយាទ​ថោកទាប​គឺ​ដើម្បី​ឈ្នះ​! ព្រោះ​ពេល វេលា​នេះ​គឺជា​ចុង​ទឹក​ចុងក្រោយ​សំរាប់​លោក​សមរង្ស៊ី ដែល​ត្រូវអស់​ក្រឡា​លោត​។

មជ្ឈដ្ឋាន​អ្នកនយោបាយ​បាន​លើកឡើងថា ពីមុន​ដំបូង​លោក​សមរង្ស៊ី​មិន​សុខចិត្ត​ចាញ់​សម្តេច​តេ​ជោ សែន ព្រោះ​លោក​សមរង្ស៊ី អាង​និង​មាន​អំនួត​សង្ឃឹមថា អន្តរជាតិ​ពិសេស​សហគមន៍​អឺរ៉ុប​ចេញមុខ​ជួយ​អន្តរា​គមន៍​។ ប៉ុន្តែ​ដោយ​ការ​ដេក​យក​ជើង​គង​ថ្ងាស​សង្ឃឹម​រង់ចាំ​យូរពេក កៀក​នឹង​ថ្ងៃ​បោះឆ្នោត​ទៅហើយ នៅ​តែ​ពុំមាន​អន្តរ ជាតិ​ណាមួយ​ប្រទេស​ណាមួយ​ហ៊ាន​ចេញ​មុខមក​អន្តរាគមន៍​ជួយ ទើប​លោក​សមរង្ស៊ី ត្រូវតែ​លុតជង្គង់​សំពះ​ចុះចាញ់​។ នៅពេលដែល​លោក​សមរង្ស៊ី​ចុះចាញ់ តើ​សម្តេច​តេ​ជោ​សែន ដែលជា​បុរស​ខ្លាំង​​បំផុត​នៅ​កម្ពុជា ជា​អ្នក ទទួលបាន​ពិន្ទុ​ឈ្នះ​មែនឬ​? សំណួរ​នេះ​ត្រូវបាន​មជ្ឈដ្ឋាន​អ្នកតាមដាន​ព្រឹត្តិ​ការណ៍​ព័ត៌មាន​នយោបាយ នៅ​កម្ពុជា លើកឡើងថា នៅ​ចំពោះមុខ​ការពិត​សម្តេច​តេ​ជោ ហ៊ុន សែន ពិតជា​បុរស​ខ្លាំង​បានទទួល​ពិន្ទុ​ពី​អាជ្ញាកណ្តាលលើកដៃ​ថា​ឈ្នះ​ប្រាកដ​មែន​។

លើ​ឆាកនយោបាយ ដែលមាន​វាំងនន​ខ្មៅ​និង​មតិ​អន្តរជាតិ រួមទាំង​ម្ចាស់ជំនួយ​ផង អាច​ត្រូវ​មើលឃើញ​យ៉ាងច្បាស់​ថា សម្តេច​តេ​ជោ ហ៊ុនសែន ជា​នាយករដ្ឋមន្ត្រី​ខ្មែរ​មួយរូប​មាន​ព្រហ្ម​វិហារធម៌ ហ៊ាន​លេងល្បែង​នយោបាយ​បើកចំហ​។ ប៉ុន្តែ​សំរាប់​ថ្នាក់មូលដ្ឋាន​ខាងក្រោម ដែលមាន​សកម្មជន​គាំទ្រ​សម្តេច ហ៊ុន សែន សកម្មជន​គាំទ្រ​គណបក្ស​ប្រជាជន​កម្ពុជា គឺ​សម្តេច​តេ​ជោ ហ៊ុន សែន ជា​អ្នកចាញ់​។ គឺ​ចាញ់​ក្នុង​រយៈ ពេល​ដែល​សម្តេច ហ៊ុន សែន គ្មាន​ឱកាស​និង​មិនអាច​ចេញមុខ​ធ្វើការ​បកស្រាយ​ឲ្យ​មជ្ឈដ្ឋាន​ដែល​គាំទ្រ​នៅថ្នាក់​ក្រោម​យល់ដឹង​និង​មជ្ឈដ្ឋាន​ក្រុមប្រឆាំង​បានដឹង​ការពិត​។ ព្រោះតែ​ហេតុផល​នេះហើយ​ទើប​ក្រុម​មជ្ឈដ្ឋាន អ្នកវិភាគ​លើកឡើងថា សម្តេច​ហ៊ុន សែន យកឈ្នះ ដើម្បី​ចាញ់ ឯ សមរង្ស៊ី​យល់ព្រម​ថោកទាប​ដើម្បី​ឈ្នះ​។​

ហេតុផល គឺ​សកម្មជន គណបក្ស​សង្គ្រោះ​ជាតិ ដែលមាន​លោក​សមរង្ស៊ី និង កឹម សុខា ជា​ប្រធាន​នោះបាន ផុសផុល​សន្ទុះ​ទឹកចិត្ត​ឡើងវិញ ហើយ​ទ្វេដង​ទៀត នៅពេល​ដែលមាន​ពាក្យឃោសនា​ថា លោក​ហ៊ុន សែន ត្រូវ អន្តរជាតិ​គាបសង្កត់​ឲ្យ​លោក​សមរង្ស៊ី​ចូល​ស្រុក​។ លោក​ហ៊ុនសែន មិន​ហ៊ាន​ក្អក​ជាមួយ​បរទេស​ទេ ខ្លាំង​បានតែជាមួយ​ខ្មែរ​គ្នាឯង​។

លទ្ធផល​មុន​ប្រកួត​ផ្តាច់ព្រ័ត្រ ត្រូវបាន​គ្រប់​មជ្ឈដ្ឋាន​ផ្តល់​ពិន្ទុ​ថា គណបក្ស​ប្រជាជន​កម្ពុជា មិនអាច​កើន​លើ​៩០ អាសនៈ​ទេ គឺ​ត្រូវ​ធ្លាក់​ចុះក្រោម​។ ឯ​គណបក្ស​សង្គ្រោះ​ជាតិ​មាន​សមរង្ស៊ី​បូក​និង កឹម សុខា គឺអាច​កើន​ឡើង​ដែល នឹកស្មាន​មិន​ដល់​គួរ​ឲ្យ​ញាក់សាច់​។ ប៉ុន្តែ​គណបក្ស​សង្គ្រោះ​ជាតិ ទោះបី​ជាមាន​វត្តមាន​លោក​សមរង្ស៊ី ចូល​ស្រុក ក្តី ក៏​មិនអាច​ក្លាយទៅជា​គណបក្សប្រឆាំង​ឈ្នះឆ្នោត​បានធ្វើ​ជានា​យករ​ដ្ឋ​មន្ត្រី​ដែរ គឺ​ចាញ់​​នៅតែ​ចាញ់ ឯ​អ្នកឈ្នះ នៅតែ​ឈ្នះ គ្រាន់តែ​ជា​អ្នកឈ្នះ​មិន​ជិះសេះ​លែងដៃ​ម្នាក់ឯង​តែប៉ុណ្ណោះ​។ នេះ​ហើយ​ដែល​គេ​ហៅថា នយោបាយ បាយឡុកបាយឡ​នៅ​កម្ពុជា សំរាប់​មេគណបក្ស​ប្រឆាំង​យកមកប្រើ​ចំពោះ​សកម្មជន​គាំទ្រ​ឲ្យ​បាន​យល់ច្បាស់​ថា កម្ពុជា​ដ៏​កំសត់់​របស់​យើង គឺ​ត្រូវតែមាន​សែន​មាន​ស៊ី លេង​ល្បែង​​នយោបាយ​សប្បាយ​នឹង​គ្នា​៕ ​ដោយ​៖ ស្ងួន ពិមល់​

Copyright © 2010-2021 · អរិយធម៌ · All Rights Reserved.
Develop by Sek Sathya