ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» Breaking News, ព័ត៌មានជាតិ, ព័ត៌មានអន្តរជាតិ » លោក ហេង សំបូរ បើកដៃឲ្យមេៗគយតាមច្រកព្រំដែន​ជាច្រើនកន្លែងទូទាំងខេត្តស្វាយរៀង ​ធ្វើអ្វីៗតាមអំពើចិត្ត?

លោក ហេង សំបូរ បើកដៃឲ្យមេៗគយតាមច្រកព្រំដែន​ជាច្រើនកន្លែងទូទាំងខេត្តស្វាយរៀង ​ធ្វើអ្វីៗតាមអំពើចិត្ត?

ស្វាយរៀង ៖ ប្រភពពីមន្ត្រីគយនៅក្នុងអង្គភាពសាខាគយខេត្តស្វាយរៀង បានបង្ហើបឲ្យដឹងថា​ ចាប់តាំងពីទទួលបានតំណែងជាប្រធានសាខាគយខេត្តស្វាយរៀង កាលពីថ្ងៃទី០៦ ខែកក្កដា ឆ្នាំ២០២១ រហូតមកដល់ពេលនេះគឺលោក ហេង សំបូរ បើកដៃឲ្យមេៗគយតាមច្រកព្រំដែន​ជាច្រើនកន្លែងទូទាំងខេត្តស្វាយរៀង ​ធ្វើអ្វីៗតាមអំពើចិត្ត។ ជាក់ស្តែងបច្ចុប្បន្នលោក ឃុត សាលីន ប្រធានការិយាល័យគយច្រកព្រំដែនទ្វេភាគីបុសមន ស្រុករំដួល ខេត្តស្វាយ​រៀង នៅតែបើក ដៃឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញ ខុសច្បាប់ តាមអំពើចិត្ត។ រីឯលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បណ្តោយឲ្យ​លោក ហេង សំបូរ ប្រធានសាខាគយខេត្តស្វាយរៀង​ និងលោក ឃុត សាលីន ប្រធានការិយាល័យគយច្រកបុសមន ធ្វើអ្វីៗតាមអំពើចិត្តរបស់ខ្លួន។

ប្រភពស្និទ្ធនឹងលោក ហេង សំបូរ ប្រធានសាខាគយខេត្តស្វាយរៀង​ បានឲ្យដឹងថា​ កាលនៅធ្វើជាមេគយខេត្តកំពត គឺលោក ហេ​ង សំបូរ​ ល្បីល្បាញខាងប្រព្រឹត្តអំពើពុករលួយតាមច្រើនរូបភាពព្រោះអាងមាន​ខ្នងបង្អែករឹងមាំនៅក្នុងអគ្គនាយកដ្ឋានគយនិងរដ្ឋាករកម្ពុជា​។ ឥឡូវនេះលោក ហេង សំបូរ កំពុងយកជំនាញខាងប្រព្រឹត្តអំពើពុករលួយកាលនៅធ្វើជាមេគយខេត្តកំពត មកអនុវត្តន៍ក្នុងខេត្តស្វាយរៀង យ៉ាងត្រជាក់ចិត្តគ្មានញញើតអ្វីទាំងអស់។ ហេតុនេះហើយទើបមានសេចក្តីអំពាវនាវឲ្យលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ពិនិត្យឡើងវិញខ្លះផង ព្រោះលោក ហេង សំបូរ ប្រធានសាខាគយខេត្តស្វាយរៀង​ កំពុងសាងភាពល្បីល្បាញខាងពុករលួយ ដោយគ្មានញញើតអ្វីទាំងអស់។

ប្រភពព័ត៌មានបានឲ្យដឹងថា បច្ចុប្បន្នលោក ឃុត សាលីន ប្រធានការិយាល័យគយច្រកបុសមន ដោយសម្រប​សម្រួលពីសំណាក់លោក គង់ ណារិន្ទ បើកដៃឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងគំហុក។ ការដែលលោក ឃុត សាលីន ហ៊ានធ្វើអ្វីៗតាមអំពើចិត្តរបស់ខ្លួនគឺដោយសារមានការបើកដៃពីសំណាក់លោក ហេង សំបូរ ប្រធានសាខាគយខេត្តស្វាយរៀង​ ទើបអ្វីៗអាចប្រព្រឹត្តទៅដោយរលូនគ្មានឧបសគ្គ ហើយលោក គុណ ញឹម មេគយធំ តែងរក្សាភាពស្ងៀមស្ងាត់។ អំពើពុករលួយពេញទំហឹងរបស់លោក ហេង សំបូរ ប្រធានសាខាគយខេត្តស្វាយរៀង​ និងលោក ឃុត សាលីន ធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ ហេតុនេះថ្នាក់ដឹកនាំក្រសួងហិរញ្ញវត្ថុ មិនគួរបណ្តែតបណ្តោយតទៅទៀតនោះឡើយ៕

Copyright © 2010-2021 · អរិយធម៌ · All Rights Reserved.
Develop by Sek Sathya