ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ក្លឹប​ហា​នី​ឌី​ស្កូ បំពង​សំឡេង​រំខាន​ដល់​អ្នកជិតខាង​ ​

ក្លឹប​ហា​នី​ឌី​ស្កូ បំពង​សំឡេង​រំខាន​ដល់​អ្នកជិតខាង​ ​

ភ្នំពេញ ៖ ប្រជាពលរដ្ឋ​និយាយថា ចាប់ពី​ម៉ោង ៩​យប់​រហូតដល់​ម៉ោង​៣-៤​ទៀបភ្លឺ សំឡេង​មនុស្ស​អ៊ូអរ​ស្រែក​ហ៊ោកញ្ជ្រៀវ រួមទាំង​ការ​បំពង​សំឡេង​ក្នុង​ក្លឹប បាន រំខាន​ដល់​ការរស់នៅ​របស់​ពួកគាត់ ប៉ុន្ដែ​ករណីនេះ​អាជ្ញាធរ និង​សមត្ថកិច្ច មូលដ្ឋាន​មិនបាន​គិតគូរ​មាន​វិធានការ ណាមួយ​ណែនាំ ខណៈ​ម្ចាស់​ក្លឹប​ហាក់​មាន អំណាច​នេះ  ។​
​ប្រជាពលរដ្ឋ​ដែល​រស់នៅ ជិត​ក្លឹប​កម្សាន្ដ​យីហោ ហា​នី​ឌី​ស្កូ មាន ទីតាំង​ស្ថិតនៅ​ផ្លូវ​លេខ​៥១(​ប៉ាស្ទ័រ​) សង្កាត់​ចតុមុខ ខណ្ឌដូនពេញ បាន​លើក ឡើង​ពី​ភាពអនាធិបតេយ្យ​របស់​ភ្ញៀវ ដែល​ចូល​រាំ​កម្សាន្ដ​ក្នុង​ក្លឹប​ខាងលើ បង្ក សំឡេង​ឡូឡា និង​ភ្លេង​បំពង​សំឡេង​ខ្លាំង រំខាន​ដល់​ការ​ដេក​ពួន​របស់​ពួកគាត់ ដែល ជា​មន្ដ្រីរាជការ ប្រជាពលរដ្ឋ អ្នករកស៊ី ជាដើម ។​
​អាជ្ញាធរ​មូលដ្ឋាន​ដែល​សុំ​មិន​បញ្ចេញ  ឈ្មោះ​និយាយថា ពិបាក​ណាស់​ណែនាំ ក្រុម​អស់លោក​ទាំងនេះ ពីព្រោះ​ម្នាក់ៗ មិនដឹង​ជា​អាង​អ្វី​ទេ យកឈ្មោះ​អ្នកនេះ អ្នក​នោះមក​ប្រើ សូម្បីតែ​សមត្ថកិច្ច​ក៏ ពួកគេ​មិន​ខ្លាច ពិសេស​ត្រូវការ​ពេល ដែលមាន​បញ្ហា​ឈ្លោះប្រកែក​រំខាន​ដល់ មុខរបរ​ក្លឹប​គេ​ប៉ុណ្ណោះ ទើប​គេ​មក​ហៅ សមត្ថកិច្ច​ទៅ​ជួយ​អន្ដរាគមន៍ ។​
​កន្លងទៅ​លោក​សុខ សម្បត្ដិ អភិបាល នៃ​គណៈ​អភិបាលខណ្ឌ​ដូនពេញ បាន​ពង្រឹង បញ្ហា​នេះ ក្នុងនោះ​ឱ្យ​អាជ្ញាធរ​មន្ដ្រី​ពាក់ ព័ន្ធ​ណែនាំ​ចំពោះ​ក្លឹប ឬ​ភោជណីយដ្ឋាន តន្ដ្រី ដែល​បំពង​សំឡេង​ប៉ះពាល់​អ្នក ដទៃ ដូច្នេះ​អាជ្ញាធរ​គួរតែ​ចូលរួម​អនុវត្ដ តាម​ការណែនាំ​របស់លោក​អភិបាលខណ្ឌ ដែល​តែងតែបាន​គិតពី​សុខទុក្ខ និង​ការ រស់នៅ​របស់​ប្រជាពលរដ្ឋ​ក្នុង​មូលដ្ឋាន​៕    

Copyright © 2010-2021 · អរិយធម៌ · All Rights Reserved.
Develop by Sek Sathya