ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||   

» Breaking News, ព័ត៌មានជាតិ, ព័ត៌មានអន្តរជាតិ » អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?

អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?

ឧត្តរមានជ័យ ៖ ប្រភពដែលស្និទ្ធនឹងលោក ឈុន សុភមង្គល​ ប្រធានសាខាគយខេត្ត

ឧត្តរមានជ័យ បានឲ្យដឹងថា នៅដើមឆ្នាំ២០២១នេះ លោក ឈុន សុភមង្គល ប្រើតួនាទីនិងអំណាចរបស់ខ្លួនប្រព្រឹត្តអំពើពុករលួយយ៉ាងគំហុក ​ព្រោះអាងមានខ្នងបង្អែករឹងមាំនៅក្នុង​អគ្គនាយកដ្ឋានគយនិងរដ្ឋាករកម្ពុជា។ ប្រភពបានឲ្យដឹងទៀតថា ការដែលលោក វ៉ាន់ ក្តេ ​ប្រធានការិយាល័យគយច្រកទ្វារអន្តរជាតិ

អូរស្មាច់ ហ៊ានប្រើដៃឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់និង ទំនិញខុសច្បាប់តាមអំពើចិត្ត គឺមានការបើកដៃពីសំណាក់លោក គួន សុភាព មេគយចល័ត ខេត្តឧត្តរមានជ័យ និងលោក ឈុន សុភមង្គល​ ប្រធានសាខាគយខេត្តឧត្តរមានជ័យ ដែលល្បីល្បាញខាងពុករលួយ។ ​

ថ្មីៗនេះ ឈ្មួញមានងារជាជំទាវម្នាក់ នាំចូលទំនិញគេចពន្ធ​តាមច្រករបៀងក្បែរច្រក ទ្វារ អន្តរជាតិអូរស្មាច់ ដឹកជញ្ជូនចូលទៅរាជធានីភ្នំពេញ ហើយត្រូវក្រឡាប់រថយន្តនៅផ្លូវជាតិលេខ៦ ភូមិក្បិល ឃុំសាន់គ ស្រុកកំពង់ស្វាយ ខេត្តកំពង់ធំ។

ចំណែកប្រភពស្និទ្ធនឹងលោក កែវ សារ៉ាត់ ប្រធានការិយាល័យគយច្រកទ្វារអន្តរជាតិជាំ ស្រុកអន្ល​ង់វែង ខេត្តឧត្តរមានជ័យ បានឲ្យដឹងថា ការដែលលោក កែវ សារ៉ាត់ ហ៊ានបើកដៃឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់ យ៉ាងគំហុកគឺមានការបើកដៃពីសំណាក់លោក គួន សុភាព មេគយចល័តខេត្តឧត្តរមានជ័យ និងលោក ឈុន សុភមង្គល​ ប្រធានសាខាគយខេត្តឧត្តរមានជ័យ ផងដែរ។ លើសនេះទៅទៀតគឺមានការសម្របសម្រួលពីសំណាក់ក្រុមគយចល័តនៃអគ្គនាយកដ្ឋាន

គយនិងរដ្ឋាករកម្ពុជា ឈរជើងប្រចាំស្នាក់ការនៅភូមិជើងភ្នំ ​ឃុំត្រពាំងប្រីយ៍ ស្រុកអន្លង់វែង ទើបឈ្មួញអាចដឹកជញ្ជូនទំនិញទៅដល់គោលដៅយ៉ាងរលូន។ មានន័យថា​ អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធហើយលោក គុណ ញឺម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជាសម្ងំស្ងាត់ឈឹង។

ប្រភពពីសមត្ថកិច្ចពាក់ព័ន្ធក្នុងខេត្តឧត្តរមានជ័យ បានឲ្យដឹងថា ចាប់តាំងពីទទួលបាន តំណែងជាប្រធានសាខាគយខេត្តឧត្តរមានជ័យ ​រហូតមកដល់ពេលនេះ​គឺលោក ឈុន សុភមង្គល ​ប្រព្រឹត្តអំពើពុករលួយខ្លាំងក្លាជាងកាលនៅធ្វើជាប្រធានសាខាគយខេត្តបាត់ដំបង ទៅទៀត។ ប្រភពបានឲ្យដឹងទៀតថានៅច្រកទ្វារអន្តរជាតិអូរស្មាច់​ ក្រុងសំរោង ក៏ដូចជានៅច្រកទ្វារអន្តរជាតិជាំ ស្រុកអន្លង់វែង និងច្រកជប់គគីរ ស្រុកបន្ទាយអំពិល ឈ្មួញធំៗសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់យ៉ាង​ពេញបន្ទុក​។ ហេតុនេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មិនគួរបណ្តែតបណ្តោយតទៅទៀតទេ ព្រោះអំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ និងមេៗគយតាមច្រកព្រំដែននៃខេត្តឧត្តរមានជ័យ ធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ៕

Copyright © 2010-2021 · អរិយធម៌ · All Rights Reserved.
Develop by Sek Sathya