ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» Breaking News, ព័ត៌មានជាតិ, ព័ត៌មានអន្តរជាតិ » ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច

ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច

ព្រះវិហារ ៖ ប្រភពពីមន្ត្រីអង្គការក្រៅរដ្ឋាភិបាល ដែលឃ្លាំមើលបទល្មើសព្រៃឈើក្នុង

ខេត្តព្រះវិហារ បានឲ្យដឹងថា ​រយៈពេលប៉ុន្មានថ្ងៃកន្លងទៅនេះឈ្មួញឈ្មោះ ភ័ក្រ្ត កំពុងបង្កើនសកម្មភាពដឹកជញ្ជូនឈើពីខេត្តព្រះវិហារ ចូលខេត្តកំពង់ធំ យ៉ាងគំហុកព្រោះ មានការឃុបឃិតពីមន្ត្រីរដ្ឋបាលព្រៃឈើនិ​ងសមត្ថកិច្ចពាក់ព័ន្ធជាច្រើនស្ថាប័ន។ ​ចំណែកលោក

ពឹង ទ្រីដា ប្រធានមន្ទីរកសិកម្មខេត្តព្រះវិហារ និងលោក នួន សុខុម ​នាយខណ្ឌរដ្ឋបាល ព្រៃឈើខេត្តព្រះវិហារ​ មិនចាត់វិធានការបង្ក្រាប​ឈ្មួញឈ្មោះ ភ័ក្រ្ត​ ដែលធ្វើសកម្មភាពដឹក

ជញ្ជូនឈើ​ខុសច្បាប់យ៉ាងគឃ្លើននោះឡើយ។ ហេតុនេះហើយទើបលោក ស៊ុំ ស៊ីវុត្ថា ​

ហៅតាវ៉ែនតា ​នាយផ្នែករដ្ឋបាលព្រៃឈើរវៀង ហ៊ានសម្រួលឲ្យឈ្មួញឈ្មោះ ភ័ក្រ្ត ដឹកជញ្ជូនឈើឆ្លងកាត់ផ្លូវជាតិលេខ៦២ ស្រុករវៀង​ ខេត្តព្រះវិហារ ចូលទៅខេត្តកំពង់ធំ យ៉ាងសុខស្រួល។

ប្រភពស្និទ្ធនឹងឈ្មួញឈ្មោះ ភ័ក្រ្ត បានឲ្យដឹងថា នៅតាមបណ្តោយផ្លូវជាតិ​លេខ៦២

ពីខេត្តព្រះវិហារ ចូលខេត្តកំពង់ធំ មានស្នាក់ការរដ្ឋបាលព្រៃឈើ ស្នាក់ការបរិស្ថាននិងស្នាក់ការត្រួតពិនិត្យរបស់​សមត្ថកិច្ចពាក់ព័ន្ធជាច្រើនកន្លែង។ ប៉ុន្តែ​មន្ត្រីជំនាញនិងសមត្ថកិច្ចទាំងនោះមិនចាត់វិធានការបង្ក្រាបសកម្មភាព​ដឹកជញ្ជូន​ឈើខុស ច្បាប់របស់ឈ្មួញឈ្មោះ ភ័ក្រ្ត នោះទេហើយ​ទុកឲ្យឈ្មួញម្នាក់នេះប្រើប្រាស់រថយន្ត៥គ្រឿង​ដឹកជញ្ជូនឈើពីខេត្តព្រះវិហា​រ ចូលខេត្តកំពង់ធំ យ៉ាងពេញបន្ទុកតែម្តង។ សូម្បីតែលោក ប្រាក់ សុវណ្ណ អភិបាលខេត្តព្រះវិហារ ក៏បណ្តោយឲ្យឈ្មួញឈ្មោះ ភ័ក្រ្ត ប្រើប្រាស់រថយន្តជា ច្រើនគ្រឿងដឹកជញ្ជូនឈើធ្នង់ ឈើក្រញូង ចេញពីខេត្តព្រះវិហារ ចូលខេត្តកំពង់ធំ ដោយមិនខ្វល់ពីការរិះគន់អ្វីទាំងអស់។

បើតាមការអះអាងរបស់មន្ត្រីរាជការក្នុងមន្ទីរកសិកម្មខេត្តព្រះវិហារ បានឲ្យដឹងថា បើ​លោក ពឹង ទ្រីដា ប្រធានមន្ទីរកសិកម្មខេត្តព្រះវិហារ និងលោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ មានឆន្ទៈក្នុងការបង្ក្រាបបទល្មើសព្រៃឈើគឺឈ្មួញឈ្មោះ ភ័ក្រ្ត មិនអាចបន្តសកម្មភាពដឹក ជញ្ជូន ឈើខុសច្បាប់បានឡើយ។ បញ្ហានេះគឺជារឿងដែលលោក វេង សាខុន រដ្ឋមន្ត្រីក្រសួងកសិកម្ម និងលោក កែវ អូម៉ាលីស្ស ប្រធានរដ្ឋបាលព្រៃឈើនៃក្រសួងកសិកម្ម មិនគួរបណ្តែតបណ្តោយ តទៅទៀតនោះទេ។ ដោយហេតុថា បច្ចុប្បន្នលោក ពឹង ទ្រីដា​ និងលោក នួន សុខុម បណ្តោយឲ្យឈ្មួញឈ្មោះ ភ័ក្រ្ត និងឈ្មួញច្រើននាក់ទៀតដឹកជញ្ជូនឈើពីខេត្តព្រះវិហារ ចូលខេត្តកំពង់ធំ ​យ៉ាងពេញបន្ទុកដើម្បីជាថ្នូរនឹងផលប្រយោជន៍៕

Copyright © 2010-2021 · អរិយធម៌ · All Rights Reserved.
Develop by Sek Sathya