ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » ការដ្ឋាន​បូម​ខ្សាច់​អភិបាលរង​ខណ្ឌមានជ័យ​ ផ្គើន​អនុសាសន៍​សម្តេច​តេ​ជោ​ ​

ការដ្ឋាន​បូម​ខ្សាច់​អភិបាលរង​ខណ្ឌមានជ័យ​ ផ្គើន​អនុសាសន៍​សម្តេច​តេ​ជោ​ ​

កណ្ដាល ៖ សា​ឡង់​បូម​ខ្សាច់​មួយគ្រឿង​ស្ថិតនៅតាម​ទន្លេមេគង្គ ឃុំ​ដីឥដ្ឋ ស្រុក​កៀនស្វាយ នៅតែ​ធ្វើ​សកម្មភាព​បើទោះបីជា​ប្រមុខ​រាជរដ្ឋាភិបាល​សម្តេច​តេ​ជោ​បានចេញ ច្បាប់​ហាមឃាត់​ក៏ដោយ ។
​អាជ្ញាធរ មូលដ្ឋាន​អះអាងថា ខ្លួន​មិន​ហ៊ាន​ក្អក​ជាមួយ​ម្ចាស់​ការដ្ឋាន​នោះទេ បើទោះជា​អាជ្ញាធរ​បាន​ចុះទៅ​ហាមឃាត់​ក៏​ម្ចាស់​ការដ្ឋាន​នោះ​នៅតែ​ធ្វើ មិនដឹងមិនឮ​ដដែល ។​
​មេឃុំ ដីឥដ្ឋ​និយាយថា ខ្លួន​គ្មាន​សមត្ថ​ភាពចុះ​ណែនាំ​ឲ្យ​សា​ឡង់​បូម​ខ្សាច់​ខាងលើនេះ បញ្ឈប់​សកម្មភាព នោះទេ ។​
​លោក ស៊ុត តូ បាន​ឲ្យ​ដឹងថា សា​ឡង់​នោះ​ត្រូវបាន​គេ​ដាក់​បូម​ខ្សាច់​នៅ​ចំណុច​ភូមិ​កោះ​ផុស ។ លោក​ថា ការ​បូម​ខ្សាច់​នោះ​ពុំមាន​ច្បាប់​អនុញាត​ទេ ហើយ​លោក​បាន​ចុះទៅ​ណែនាំ​បញ្ឈប់​ម្ដង​រួចមកហើយ  តែ​ក្រោយមក​ក៏​ឃើញ​ធ្វើ​សកម្មភាព​បូម​ឡើងវិញ ។​
​គួរ បញ្ជាក់ថា ដោយ​មើលឃើញ​ពី​មហន្តរាយ​ទាំង​បរិស្ថាន និង​ជីវចម្រុះ ដែលមាន​នៅក្នុង​ទន្លេ​ក៏ដូចជា​គ្រោះថ្នាក់​ដល់​មនុស្ស ពិសេស​អ្នកមាន​លំនៅឋាន​តាម​ដង​ទន្លេ​កាលពី​ថ្ងៃទី​១៤ ខែតុលា ឆ្នាំ​២០១៣ កន្លងទៅ​រាជរដ្ឋាភិបាល​បានចេញ​បញ្ជា​ឲ្យ​ផ្អាក​ជា​បណ្ដោះអាសន្ន រាល់​ស្ថានីយ​បូម​ខ្សាច់​ទាំងឡាយណា​ដែលមាន​ទីតាំង​នៅតាម​ដង​ទន្លេមេគង្គ​និង ទន្លេសាប ។ ប៉ុន្តែ​បើទោះជា​ដូច្នេះ​ក្ដី​ក៏​គេ​មិនទាន់​ដឹងថា ម្ចាស់​ការដ្ឋាន​បូម​ខ្សាច់​ដែលមាន​ទីតាំង​នៅក្នុង​ឃុំ​ដីឥដ្ឋ​នោះ​មាន ឥទ្ធិពល​អ្វី​ពិសេស​ទេ ទើប​អាច​រំលោភ​បទបញ្ជា​រប​ស់រាជ​រដ្ឋាភិបាល​បាន ។​
​ប្រភព​បាន ឲ្យ​ដឹងថា សា​ឡង់​បូម​ខ្សាច់​និង​គំនរ​ខ្សាច់​កាត់​តាម​បណ្តោយ​ផ្លូវជាតិ​លេខ​១ នោះ​ជា​កម្មសិទ្ធិ​របស់លោក​អភិបាលរង​ខណ្ឌមានជ័យ​ម្នាក់ ។ គាត់​មិន​ខ្លាចញញើត​នឹង​ច្បាប់​ប្រទេស​ដែល​សម្តេច​តេ​ជោ​បានប្រកាស​នោះទេ ។ សម្តេច​តេ​ជោ​ប្រកាស​មិន​ឲ្យ​មាន​សកម្មភាព​បូម​ខ្សាច់​នោះទេ ។ តែ​លោក​អភិបាលរង​ខណ្ឌមានជ័យ​ម្នាក់​នោះ​មិន​យក​ត្រចៀក​ស្តាប់​ឡើយ ៕ ដោយ​៖ នាយ​ក្អែកខ្មៅ​

Copyright © 2010-2021 · អរិយធម៌ · All Rights Reserved.
Develop by Sek Sathya