ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ទស្សនៈ » ធុំក្លិនស្អុយពីគយញ៉េះនិងគយទូត

ធុំក្លិនស្អុយពីគយញ៉េះនិងគយទូត

ភ្នំពេញ៖ នាយមោកនិងម៉ាងយើងបានអង្គុយជិតកន្លែងធ្វើការ របស់មន្រ្តីគយញ៉េះនិងគយទូត ហើយបាន​ឮមន្រ្តីគយនិង អ្នករត់ការនិយាយគ្នាថា មេគយច្រកទ្វារជ្រៃធំ ខេត្តកណ្តាល កំពុងកិបកេងលុយ​រដ្ឋដាក់​ហោ​ប៉ៅសម្បើមដៃ ណាស់ រីឯមេគយខេត្តបន្ទាយមានជ័យ គាត់កំពុងឲ្យប្អូនស្រីរបស់គាត់់ធ្វើជារាជិនី រត់​ការទំនិញខុសច្បាប់និងរត់ ពន្ធទំនិញខុសច្បាប់ចូលមកក្រុងភ្នំពេញ ដោយខ្លួនឯង ដោយមន្រ្តីគយញ៉េះ​និងគយទូត តាមផ្លូវជាតិលេខ៥ គ្រប់ខេត្តមិនហ៊ានប៉ះពាល់ទំនិញរបស់ រាជិនី នោះទេ Sic។

គេនិយាយថា លោកមួង ដារ៉ា មេគយញ៉េះច្រកទ្វារជ្រៃធំ បាននិងកំពុងកិបកេងលុយរដ្ឋដាក់ហោប៉ៅក្រោម រូបភាពក្រូមេឯកសារពីបង់ពន្ធច្រើនមកតិច ហើយទំនិញខ្លះទៀតមិនបាច់បង់ចូលរដ្ឋទេ គឺបង់លុយចូល​ហោប៉ៅ គាត់ គឺចប់។ គេនិយាយទៀតថា ទំនិញត្រូវបង់ពន្ធចូលរដ្ឋគ្រប់សារពើទាំងអស់ ត្រូវបាត់បង់​ចំណូល​ប្រមាណ ៧០%។ លុយ ៣០% ដែលបង់ចូលរដ្ឋគឺបានមកពីឈ្មួញ​តូចតាចនិងមិនស្គាល់ចិត្ត​ថ្លើម​គ្នា​ប៉ុណ្ណោះ។

ការបន្ទាប ពន្ធ ការឃុបឃិតជាមួយឈ្មួញធំគឺជារឿងមួយ តែរឿងមួយទៀត គឺលោកមួង ដារ៉ា នេះឲ្យគេ​នំា​មាន់ ទា ជ្រូក ដែលខូចគុណភាពចូលពិសេសគឺត្រី។ ការនំាចូលទាំងនោះគឺមិនបានយកចំណូលចូលរដ្ឋទេ គឺយកដាក់ហោប៉ៅ ផ្ទាល់ខ្លួន រួចនិយាយប្រាប់កូនចៅថា «អញយកទុកគ្រាន់ចាយវាយពេល​ឃោសនា​បោះ​ឆ្នោត»។ រឿងលោកមួង ដារ៉ា នេះយកទុកម្តុំសិនចុះ ចាំលេខក្រោយបន្តទៀត។

នៅឯខេត្តបន្ទាយមានជ័យ ឯណោះវិញ លោកមេគយទូតឈ្មោះថោង សុខំាភូ បានបណ្តែតបណ្តោយ​ឲ្យ​ប្អូន​ស្រីឈ្មោះថោង គឹមឡេង រកស៊ីទំនិញគេចពន្ធចូលតាមច្រកទ្វារប៉ោយប៉ែត ច្រករបៀងផ្សេងៗទៀត យ៉ាង អនាធិបតេយ្យ គ្មាននរណាហ៊ានចាប់នោះទេ ព្រោះឈ្មួញស្រីរាជិនី ថោង គឹមឡេង យកបងប្រុស​បង្កើតជាមេ គយទូត ប្រចំាខេត្តបន្ទាយមានជ័យ ធ្វើជាខ្នងបង្អែក។

ដូច្នេះហើយមន្រ្តីគយឈរជើងតាមប៉ុស្តិ៍ តាមផ្លូវឲ្យតែ ឃើញក្បាលឡានទំនិញរបស់ រាជិនី ថោង គឹមឡេង គឺនំាគ្នាដកថយអស់ ព្រោះបើហៅឈប់ទៅ ខ្លាចអស់បុណ្យ ស័ក្តិឬខ្លាចលែងបាន​ឈរជើងនៅតាមគោល​ដៅបន្តទៀត។ គេនិយាយថា ទំនិញគេចពន្ធនំាចូលពីប្រទេសថៃ រួចមកបង់ពន្ធខ្យល់នៅកន្លែង​នំាចូលពី​ប្រទេសថៃ រួចមកបង់ពន្ធខ្យល់នៅកន្លែងគយមិនដល់ ៥%ទេ គឺសល់ ៩៥% គេចែកគ្នា ចាយជាមួយ​បង​បង្កើត។

គេនិយាយទៀតថា ថោង គឹមឡេង នេះមិនត្រឹមតែរកស៊ីទំនិញគេចពន្ធខ្លួនឯងទេ គឺមានជំនាញមួយ​ទៀត​គឺរត់ ការឲ្យឈ្មួញដទៃ ព្រោះមេគយជាបងប្រុសស្រាប់ ចង់ជួបម៉ោងណាក៏បានដែរគឺមិនពិបាកទេ។ ដូច្នេះ​ហើយបាន ជាសព្វថ្ងៃនេះ ឈ្មួញភាគច្រើនទៅរណបជាមួយរាជិនី មេឈ្មួញ ថោង គឹមឡេង នោះ ដើម្បី​សុំរស់។ បើនរណា មិនទៅរណបទេ គឺទំនិញនំាចូលច្បាស់ជាត្រូវលោកមេគយទូត ថោង សុខំាភូ ចាប់មិនខានឡើយ។

គេនិយាយថា លោកថោង សុខាំភូ បើអ្នករកស៊ីផ្សេងគឺគាត់ធ្វើតាមច្បាប់ តែសំរាប់ប្អូនស្រី និងបក្សពួក​គាត់​វិញ គឺយល់យោគស្ទើរតែមិនបង់ពន្ធចូលរដ្ឋផង រួចថែមទាំងជួយអន្តរាគមន៍​ជួយសម្រួលគយតាម​ផ្លូវជាតិ​លេខ៥ នានាផងដែរ។

នាយមោកនិងនាយម៉ាងយើងឆ្ងល់ណាស់ តើទង្វើរបស់លោកមួង ដារ៉ា និងលោកថោង សុខំាភូ បណ្ឌិត ប៉ែន ស៊ីម៉ន បានជ្រាបដែរឬអត់? ពិសេសមានរាជិនី ថោង គឹមឡេង ដ៏ល្បីល្បាញម្នាក់ទៀត ដែលឃុប​ឃិតបំបាត់ ពន្ធចូលរដ្ឋក្នុងមួយខែៗរាប់ពាន់លានរៀល។

គេបន្តថា ឈ្មួញរកស៊ីនំាចូលទំនិញខុសច្បាប់បាន គឺមកពីមេគយ ប្រចំាច្រកទ្វារនីមួយៗបើកដៃ។ ចុះ​ប៉ូលិស​សេដ្ឋកិច្ចខេត្ត ក្រសួងបាត់ទៅណាអស់ហើយបានជាមិនឃើញចាប់ ឡានរបស់ ថោង គឹមឡេង នោះផងទៅឬមួយត្រូវដងត្រូវផ្លែគ្នាអស់ហើយ? បើស្រុកខ្មែរយើងមានមន្រ្តីគយ របៀបនេះ​ច្រើនពិតជា​មានមោទនភាពជាតិណាស់ ហេស!ហេ!៕ ដោយ៖ តាបណ្ឌិត

Copyright © 2010-2021 · អរិយធម៌ · All Rights Reserved.
Develop by Sek Sathya