ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ » សម្រេច​ឃុំខ្លួន បុរស​ម្នាក់ ពីបទរំលោភ​សេពសន្ថវៈ​លើ​ក្មេងស្រី​អនីតិជន នៅបាត់ដំបង

សម្រេច​ឃុំខ្លួន បុរស​ម្នាក់ ពីបទរំលោភ​សេពសន្ថវៈ​លើ​ក្មេងស្រី​អនីតិជន នៅបាត់ដំបង

បាត់ដំបងៈ  កាលពី​ថ្ងៃទី​២៦ ខែកុម្ភៈ ឆ្នាំ​២០២១ ចៅក្រម​ស៊ើបសួរ នៃ​សាលាដំបូង ខេត្តបាត់ដំបង បាន សម្រេច​ឃុំខ្លួន យុវជន​សង្ស័យ​ម្នាក់ ដាក់ពន្ធនាគារ ជា​បណ្តោះអាសន្ន ក្រោយពេល​កម្លាំង​នគរបាល​ការិយាល័យ ប្រឆាំង​ការជួញដូរ​មនុស្ស និង​ការពារ​អនីតិជន ឃាត់ខ្លួន​បាន កាលពី​ថ្ងៃទី​២៤ ខែកុម្ភៈ នៅ​ភូមិ​អូរ​ខ្ជាយ ឃុំ​អូរ​ដំបង​១ ស្រុក​សង្កែ ខេត្តបាត់ដំបង ដោយ​ចោទ​ពីបទ រំលោភ​សេពសន្ថវៈ លើ​ក្មេងស្រី​អនីតិជន​។

ក្មេងស្រី​រងគ្រោះ ឈ្មោះ ស វ ល អាយុ ១៣ ឆ្នាំ រស់នៅ​ឃុំ​អូរ​ដំបង​១ ស្រុក​សង្កែ​។ ចំណែក​ជនសង្ស័យ ឈ្មោះ ជុន ជួន ភេទ​ប្រុស អាយុ ២១ ឆ្នាំ រស់នៅ​ភូមិ​អូរ​ខ្ជាយ ឃុំ​អូរ​ដំបង​១ ស្រុក​សង្កែ​។​

យោងតាម​ពាក្យបណ្តឹង របស់​លោកយាយ ឈ្មោះ រឿន ញ៉ អាយុ ៦០ ឆ្នាំ បានមក​ដាក់ពាក្យ​បណ្តឹង​ថា ឈ្មោះ ជុន ជួន បាន​ចាប់ រំលោភ​ចៅស្រី របស់គាត់ អាយុ ១៣ ឆ្នាំ កាលពី​ថ្ងៃទី​៣១ ខែមករា ឆ្នាំ​២០២១ នៅ​ម៉ោង ៨​និង​៣០​នាទី​ព្រឹក នៅក្នុង​ចំការ​ក្រូច ក្បែរ​ផ្ទះ​របស់គាត់​។​

​ក្រោយពេល​ទទួលបាន​ពាក្យបណ្តឹង​រួច កម្លាំង​ជំនាញ នៃ​អធិការដ្ឋាន នគរបាល​ស្រុក បាន​ចុះ​ស៊ើបអង្កេត ស្រាវជ្រាវ រក​ជនសង្ស័យ និង​ឃាត់ខ្លួន ឈ្មោះ ជុន ជួន នៅវេលា​ម៉ោង ១​និង​៣០ នាទី រសៀល​ថ្ងៃទី​២៤ ខែកុម្ភៈ ឆ្នាំ​២០២១ នៅផ្ទះ​ជនសង្ស័យ​។​

​ ជនសង្ស័យ ត្រូវបាន​ចៅក្រម​ស៊ើបសួរ សម្រេច​ឃុំខ្លួន ហើយ​បញ្ជូនទៅ​ពន្ធនាគារ ខេត្ត រង់ចាំ​ការបើក​សវនាការ នៅពេល​ក្រោយ​៕

 

Copyright © 2010-2021 · អរិយធម៌ · All Rights Reserved.
Develop by Sek Sathya