ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ពិតជាកក្រើកពេកហើយ រាជរដ្ឋាភិបាល កម្ពុជា ខិតខំប្រឹងប្រែងទប់ស្កាត់ កូវីត ១៩ តែមន្ត្រីថ្នាក់ក្រោមជាតិ ក្នុងខេត្តកំពង់ឆ្នាំង ឆ្លៀតឱកាសឲ្យជនខិលខូចទន្រ្ទានយកដីរដ្ឋ​  ||     អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?​  ||     ដីគម្របព្រៃឈើឃុំត្រងិល ស្រុកកំពុងលែង ខេត្តកំពង់ឆ្នាំង កំពុងរងការទន្ទ្រានកាន់កាប់យ៉ាងអនាធិបតេយ្យ​  ||     ភ្ញាក់ផ្អើល! រោងសិប្បកម្មធំៗកែច្នៃឈើខុសច្បាប់ កើតឡើងពេញបន្ទុក ឃុំក្បាលដំរី ស្រុកសំបូរ លោក វ៉ា ថន អភិបាលខេត្តក្រចេះរក្សាភាពស្ងៀមស្ងាត់​  ||     ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||   

» Breaking News, ព័ត៌មានជាតិ, ព័ត៌មានអន្តរជាតិ » ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ

ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ

ត្បូងឃ្មុំ ÷ ពលរដ្ឋ​រស់នៅក្នុង ឃុំ​កំពង់ទ្រាស ស្រុក​ក្រូចឆ្មារ ចាំមើល លោក​ម៉ុន មា​គ៌ា ស្នងការដ្ឋាន​នគរបាល ខេត្ត​ត្បូងឃ្មុំ ឡើងកាន់តំណែង​ថ្មីៗ​នេះ មាន​ចំណាត់​យ៉ាងណា ចំពោះ​តា​ជ័រ ម្ចាស់​សង្វៀន​ប្រជល់មាន់ ប្រចាំ​ភូមិ​កំពង់​ទ្រាស​២ បាន​អះអាង នឹង​គ្រៀងគ​រពួក​ញៀន​ល្បែង អោយ​ចូល​លេង ម៉ា​សុខ​ស្រួល ចុះ ព្រោះ​តា​ជ័រ​បាន​រត់​ការ​បែងចែក ពី​ថ្នាក់​ក្រោម រហូត​ដល់​ថ្នាក់លើ អស់ហើយ កុំ​អោយ​អាតិថិជន របស់​ខ្លួន​ព្រួយបារម្ភ​។​

​ប្រជាពលរដ្ឋ បាន​កត់សម្គាល់​ថា តាំងពី​មាន សង្វៀន​បញ្ជល់មាន់ វង់​បៀរ អាប៉ោង ក្នុងភូមិ​កំពង់ទ្រាស ២ ឃុំ​កំពង់ទ្រាស ស្រុក​ក្រូចឆ្មារ ក្រុម​អ្នក​ញៀន​ល្បែង លេង​ក្នុង​ពុម្ព​ព្រៃ​ឬ​ស្សី រហូតមកដល់​ពេលនេះ​គឺ​មិនដែល​ឃើញ លោក អធិការដ្ឋាន​ស្រុក​ក្រូចឆ្មារ នឹង​សមត្ថកិច្ច​ពាក់ព័ន្ធ​ក្នុង​ខេត្ត​ត្បូងឃ្មុំ ចាត់វិធានការ​បង្ក្រាប ទីតាំង​ជល់​មាន់​របស់​តា​ជ័រ​នៅឡើយ​ទេ​។​

​ ពលរដ្ឋ រស់នៅ​ជិត សង្វៀន​ប្រជល់មាន់ បាន​បន្ត​រិះគន់ថា ល្បែងស៊ីសង​ខុសច្បាប់ ក្នុង​ឃុំ​កំពង់​ទ្រាស ស្រុក​ក្រូចឆ្មារ បើក​លេង​យូរ​ខែ យូរ​ឆ្នាំ​មកហើយ អ្នកខ្លះ​ចាញ់​អស់​លុយ រាប់​លាន​រៀល រាប់ពាន់​ដុល្លារ​នឹង​ឈាន​ដល់​ប្រចាំ​ទ្រព្យសម្បត្តិ​ផ្សេងៗ ដូចជា រថយន្ត ម៉ូតូ ប្លង់ដី គ្រឿងអលង្ការ​ជាដើម ។​

​ម្យ៉ាង​វិញ ធ្វើឲ្យ​ប៉ះពាល់​យ៉ាងខ្លាំង ដល់​សន្តិសុខ​សណ្តាប់ធ្នាប់ ប៉ុន្តែ​មន្ត្រី​អាជ្ញាធរ​មូលដ្ឋាន និង​សមត្ថកិច្ច គ្រប់​លំដាប់ថ្នាក់ រក្សា​ភាព​ស្ងៀមស្ងាត់ ឬមួយ សម្ងំ​ទទួល​ផលប្រយោជន៍ ពី​ម្ចាស់​បន​ល្បែង បាន​ជា​មិន​មាន​វិធានការណ៍ ចុះបង្ក្រាប​សោះ​។​

ប្រជាពលរដ្ឋ​អំពាវនាវ ជាថ្មី​ម្តង​ទៀត​ឲ្យ លោក​ម៉ុន មា​គ៌ា ស្នងការដ្ឋាន​នគរបាល ខេត្ត​ត្បូងឃ្មុំ ទេីប​កាន់តំណែង​ថ្មី និង​លោក ជាម​ច័ន្ទ សោភ័ណ្ឌ អភិបាលខេត្ត​ត្បូងឃ្មុំ មេតា្ត​ចាត់វិធានការ បង្ក្រាប​ល្បែងស៊ីសង​ខុសច្បាប់ ក្នុងភូមិ​កំពង់ទ្រាស​២ ស្រុក​ក្រូចឆ្មារ របស់​តា​ជ័រ ជាបន្ទាន់​។

​ប្រជាពលរដ្ឋ ក្នុង​មូលដ្ឋាន បាន​លើកឡើង​ថា ផ្តើមចេញ ពី​ល្បែងស៊ីសង​ខុសច្បាប់ ទើប​បច្ចុប្បន្ន ក្នុង​ឃុំ​កំពង់​ទ្រាស កើតមាន​អំពើ​ចោរកម្ម និង​អំពើហឹង្សា ក្នុង​គ្រូ​សារ បទល្មើស​កើតមាន​ផ្សេងៗ ធ្វើឲ្យប៉ះពាល់​ដល់ សន្តិសុខ​សង្គម​និង​គ្រឿងញៀន រីក​រាលដាល​គូរ​អោយ​កត់សម្គាល់ ៕

Copyright © 2010-2021 · អរិយធម៌ · All Rights Reserved.
Develop by Sek Sathya