ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||     ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||     លោក ឈួន សោភា ទៅកាន់តំណែងជាប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ , ធ្វើបាបនាយទាហាន ចាប់ឡានស្លាក(ខម) ដែលមានឯកសារពីក្រសួងការពារជាតិទៀត បង្កការភ្ញាក់ផ្អើល  នៅបន្ទាយមានជ័យ​  ||   

» Breaking News, ព័ត៌មានជាតិ » ប្រវត្តិសាស្ត្រ​បង្ហាញថា អាមេរិក​ធ្លាប់​ខុស​យ៉ាងធ្ងន់ធ្ងរ​ធ្វើ​ឲ្យ​កម្ពុជា​បរាជ័យ​ដ៏​ឈឺចាប់ និង​រួមចំណែក​បង្កើត របប​ប៉ុលពត​

ប្រវត្តិសាស្ត្រ​បង្ហាញថា អាមេរិក​ធ្លាប់​ខុស​យ៉ាងធ្ងន់ធ្ងរ​ធ្វើ​ឲ្យ​កម្ពុជា​បរាជ័យ​ដ៏​ឈឺចាប់ និង​រួមចំណែក​បង្កើត របប​ប៉ុលពត​

ភ្នំពេញ​៖​ សមាជិកសភា​តំណាងរាស្ត្រ របស់​អាមេរិក បាន​លើក​ថា​ប្រវត្តិសាស្ត្រ​របស់​អាមេរិក បានធ្វើ​ឲ្យ​កម្ពុជា បរាជ័យ ដ៏​ឈឺចាប់ និង​នាំ​ឲ្យ​កម្ពុជា​ធ្លាក់ចូល ក្នុង​របប​ប៉ុលពត តែ​មក​ដល់ពេល បច្ចុប្បន្ន​អាមេរិក​បាន​ផ្តល់ជំនួយ តិចតួច បំផុត សម្រាប់​ស្រោចស្រង់​ប្រទេស​ក្នុង​តំបន់​អាស៊ី​មួយ​នេះ​។​

​នេះ​ជាការ​លើកឡើង​របស់លោក Faleomavaega សមាជិកសភា​តំណាងរាស្ត្រ​សហរដ្ឋអាមេរិក នៅក្នុង​សវ​នា ការ​មួយ​មាន​ឈ្មោះថា «​កម្ពុជា​កំពុង​លេចឡើង​នូវ​វិបត្តិ​សង្គម និង​នយោបាយ​» ដែល​រៀបចំឡើង កាលពី​ថ្ងៃ ទី​០៩ ខែកក្កដា​ឆ្នាំ​២០១៣​។ ការលើកឡើង​នេះ ក៏​ស្រប​ពេលដែល​សមាជិក សភា​អាមេរិក លោក ដា​ណា​រ៉ូ​រ៉ា​បា​ឃើ លើកឡើង​ពី​ភាពអវិជ្ជមាន មួយចំនួន​នៅ​កម្ពុជា ដោយ​គ្រាន់តែ​ស្តាប់​របាយការណ៍​របស់​ក្រុម អង្គការ សង្គម ស៊ីវិល មួយ​ក្តាប់​តូច ដោយ​មិន​ឈរលើ​ទិដ្ឋភាព​ជាក់ស្តែង និង​ពិនិត្យ​ឲ្យ​បាន​គ្រប់ ជ្រុងជ្រោយ ដែល កំពុង​កើត​មាននៅ​កម្ពុជា​។​សមាជិកសភា​តំណាងរាស្ត្រ អាមេរិក​រូបនេះ បាន​ថ្លែងបន្តថា «​ប្រវត្តិសាស្ត្រ​បង្ហាញថា សហរដ្ឋអាមេរិក បានធ្វើ​ឲ្យ កម្ពុជា​បរាជ័យ​ដ៏​ឈឺចាប់ ហើយ​សវនាការ​ថ្ងៃនេះ សន្និដ្ឋាន​ទុកជាមុន​ថា កម្ពុជា មាន​កំហុស​ដោយសារ​មិនមាន លទ្ធិប្រជាធិបតេយ្យ​គ្រប់គ្រាន់ ដូចដែល​យើង​ចង់បាន​»​។ «​គួរ​ឲ្យ​សង្វេគ​ណាស់ ដែល​ប្រវត្តិសាស្ត្រ បង្ហាញថា សហរដ្ឋអាមេរិក​មាន​ចំណែក​ធ្វើ​ឲ្យ កើតមាន​របប​ប៉ុលពត ហើយ​សព្វថ្ងៃនេះ បែរ​ជា​ប្រទេស​ចិន​ជា​ប្រទេស​ផ្តល់ជំនួយ ដ៏ ច្រើន​ដល់​កម្ពុជា មាន​ចំនួន ៨០០​លាន​ដុល្លារ ពី​ឆ្នាំ ២០០៧ ដល់​​២០០៨​។ រីឯ​សហរដ្ឋអាមេរិក បាន​ផ្តល់ជំនួយ តែ​ជាង ១០០​លាន​ដុល្លារ​ប៉ុណ្ណោះ​ក្នុង​រយៈពេល​ដូចគ្នានេះ​»​។​

​លោក Faleomavaega បានលើកឡើង​ជា​អនុសាសន៍​ជាច្រើន​ដើម្បី​ឲ្យ​អង្គ​សវនាការ​ពិចារណា​ឡើងវិញ ពី​កិច្ចសហប្រតិបត្តិការ​រ​វាង​អាមេរិក​ជាមួយ​បណ្តា ប្រទេស​ក្នុង​តំបន់​អាស៊ី​ប៉ាស៊ីហ្វិក​ជាពិសេស​ជាមួយ​ប្រទេស​កម្ពុជា​ដែល​អាមេរិក​ធ្លាប់​បានធ្វើ​ខុស​យ៉ាងធ្ងន់ធ្ងរ​ជាមួយ​នោះ​។​

​លោក បាន​លើកឡើងថា «​នាពេល​ថ្មីៗ​នេះ សហរដ្ឋអាមេរិក​ហាក់បីដូច​ជាមាន​បេសកកម្ម​បង្ក​ភាព​ច្របូក ច្របល់ នៅទីនេះ នៅ​ទីនោះ​និង​នៅ​គ្រប់​ទីកន្លែង​ជុំវិញ​ពិភពលោក ដែល​យើង​អាច​ប្រើប្រាស់​សម្ព័ន្ធមិត្ត និង​ដៃគូ​ទាំងនេះ បាន​។ ខ្ញុំ​សង្ឃឹមថា ករណី​របស់​កម្ពុជា​យើង​នឹង​ដំណើរការ​ដោយ​ភាព​ប្រុងប្រយ័ត្ន​»​។

​លោក Faleomavaega បានលើកឡើង​ផងដែរ​ថា​ប្រសិនបើ​អាមេរិក​យកចិត្តទុកដាក់​ខ្លាំង​អំពី​សិទ្ធិមនុស្ស​នៅ កម្ពុជា​ដែល​អាមេរិក​ធ្លាប់​បរាជ័យ ដ៏​ឈឺចាប់​នោះ អាមេរិក គួរតែ​ពិចារណា​ពាក្យពេចន៍​របស់​សមាជិក សភា ពាណិជ្ជ កម្ម​អាមេរិកាំង ដែល​ទើបនឹង​លើកឡើង​ថ្មីៗ​នេះ​ថា «​មធ្យោបាយ​មួយ ដើម្បី​ដោះស្រាយ​បញ្ហា​សិទ្ធិ មនុស្ស គឺ​ត្រូវ​ជំរុញ​ឲ្យ​មានការ​វិនិយោគ​ដើមទុន​ប្រកបដោយ​ការទទួលខុសត្រូវ​»​។​

​លោក Daniel Mitchell នាយក​ប្រតិបត្តិ SRP International Group និង​ជា​សមាជិក​ក្រុមប្រឹក្សាភិបាល ធុរកិច្ច អាមេរិកាំង​-​កម្ពុជា​ក៏បាន​ធ្វើ​សេចក្តីសន្និដ្ឋាន នៅក្នុង​អង្គ​សវនាការ​នោះ​ផងដែរ ថា​បរិយាកាស​ដំណើរការ ឃោសនា​បោះ ឆ្នោត ក៏ដូចជា​បញ្ហា​សិទ្ធិមនុស្ស​នៅ​កម្ពុជា​កំពុង​តែមាន​ភាពល្អប្រសើ​រ​ច្រើន មិន​ដូចជា​ការលើក ឡើង​របស់​ក្រុម​អង្គ​សង្គម​ស៊ីវិល​មួយចំនួន​តូច​នោះទេ​។​

​លោក Daniel Mitchell បាន​ថ្លែងថា «​បរិយាកាស​ដំណើរការ​ឃោសនាបោះឆ្នោត​ពេលនេះ​មាន​លក្ខណៈ​ស្ងប់ ស្ងាត់​ល្អ​ជាង​ពេលមុនៗ​។ អំពើហិង្សា​ផ្នែក​នយោបាយ​ស្ទើរតែ​គ្មាន​ចាប់តាំងពី​ថ្ងៃ​ដំបូង នៃ​យុទ្ធនា​ការឃោសនា បោះឆ្នោត​ដែល​ចាប់ផ្តើម​កាលពី​ចុងខែ​មុន​។ គណបក្ស​ធំៗ ចំនួន​ពីរបាន​ដង្ហែ​ក្បួន​ឃោសនា​លើ​ដងផ្លូវ​តែមួយ ប៉ុន្តែ​មិនមាន​ឧបទ្ទវហេតុ​នោះទេ​។​»

​សមាជិក​ក្រុមប្រឹក្សាភិបាល​ធុរកិច្ច​អាមេរិកាំង​-​កម្ពុជា រូបនេះ បន្តថា​ប្រទេស​កម្ពុ​ជាមាន​អង្គការ និង​សង្គម​ស៊ីវិល ជាង ៣.០០០​កំពុង​បំពេញការងារ​យ៉ាងសកម្ម និង​ស្វាហាប់​ហើយ​មាន​សហគមន៍​អ្នកផ្តល់ជំនួយ​អន្តរជាតិ​ទៀត ផង​។ ជាងនេះទៅទៀត​កម្ពុ​ជាមាន​អង្គការ​សា​ព័ត៌មាន ដែល​បោះពុម្ពផ្សាយ​ជា​សេរី ដោយ​មិនមាន​ការដាក់​កម្រិត​អ្វី​ឡើយ​។ សារព័ត៌មាន​ទាំងនោះ បាន​សរសេរ​អត្ថបទ​រិះគន់​រដ្ឋាភិបាល​ជា​រៀង​រាល់​ថ្ងៃ​។​

​លោក Daniel Mitchell បញ្ជាក់ថា «​ការធ្វើ​ឲ្យ​សេដ្ឋកិច្ច​រីកចម្រើន​គឺជា​មធ្យោបាយ​ដ៏​មាន ប្រសិទ្ធភាព​មួយ​ក្នុងការ ដោះស្រាយ​បញ្ហា​សិទ្ធិមនុស្ស​។​ដូចនេះ រដ្ឋាភិបាល និង​ធុរកិច្ច​សហរដ្ឋអាមេរិក មិនគួរ​ឲ្យ​បាត់បង់​ឱកាស​នេះ នៅក្នុង​ប្រទេស​កម្ពុជា​ឡើយ​។ បរិយាកាស​ធុរកិច្ច​នៅក្នុង​ប្រទេស​កម្ពុជា​បានផ្តល់​ឱកាស​ចូល​រួម​ធ្វើ​ឲ្យ សេដ្ឋកិច្ច​រីក ចម្រើន​ដែល​អាចជួយ​ប្រជាជន​កម្ពុ​ជាមាន​ជីវភាព​កាន់តែ​ប្រសើរ​។ ការបន្ត​ផ្តល់​ជំនួយ​បរទេស​និង​ការលើកស្ទួយ កិច្ចសហប្រតិបត្តិការ ពាណិជ្ជកម្ម វិនិយោគ​សេដ្ឋកិច្ច​គឺជា​ការផ្តល់​ឱកាស​ដ៏​ល្អ​បំផុត​មួយ​ក្រោយ​ការបោះឆ្នោត​»​។​

​ការលើកឡើង​នូវ​ទិដ្ឋភាព​ជាក់ស្តែង និង​បច្ចុប្បន្នភាព​កម្ពុជា ដែល​កំពុង​តែមាន​ពី​សំណាក់​មន្ត្រីជាន់ខ្ពស់​អាមេរិក ទាំង ២​រូប​ខាងលើ​ត្រូវបាន​ប្រជាពលរដ្ឋ​កម្ពុជា សម្តែង​នូវ​ការ​សាទរ​ហើយ​រំពឹង​យ៉ាង​មុតមាំ​ថា​រដ្ឋាភិបាល​អាមេរិក របស់លោក បា​រ៉ា​ក់ អូ​បា​ម៉ា​នឹង​បន្ត​នូវ​កិច្ចសហប្រតិបត្តិការ​ល្អ​ជាមួយ​កម្ពុជា ដូចដែល​បានធ្វើ​នាពេល​កន្លងមក​។​

​ព្រម​គ្នា​នេះ ពលរដ្ឋ​កម្ពុជា ក៏​អរគុណ​ទុកជាមុន​ផងដែរ​ចំពោះ​រដ្ឋាភិបាល​អាមេរិក ដែល​នឹង​ធ្វើការ វិនិច្ឆ័យ​ដ៏ ត្រឹមត្រូវ​ក្នុង​ការជួយ​រក្សា​ស្ថិរភាព នយោបាយ​នៅ​កម្ពុជា ព្រមទាំង​បន្ត​ផ្តល់ជំនួយ​ស្តារ​និង​អភិវឌ្ឍ​ប្រទេស ក្នុង​តំបន់​អាស៊ី ដែល​រង​នូវ​ភ្លើងសង្គ្រាម ដ៏​សែន​ឈឺចាប់​និង​គួរឱ្យ​រន្ធត់ មួយ​នេះ​។​

​ក្រុមអ្នកតាមដាន​សភា​ព​ការណ៍​ចុងក្រោយ​អំពី​បញ្ហា​កម្ពុជា​និង​អាមេរិក បានធ្វើ​ការវិភាគ​ដោយបាន​លើក​ឡើងថា ស្ថានភាព​ផុយស្រួយ​នៃ​ទំនាក់ទំនង​ប្រទេស​ទាំងពីរ តម្រូវ​ឲ្យ​អាមេរិក​ស្វែងយល់​ឲ្យ​ច្បាស់​អំពី​កម្ពុជា​​។

អ្នក វិភាគ​បានលើកឡើង​ទៀតថា ទំនាក់ទំនង​កម្ពុជា​និង​អាមេរិក​បានមក​ដល់​ចំណុច​របត់​មួយ​ដែល​តម្រូវ​អោយ រដ្ឋាភិបាល​នៃ​ប្រទេស​ទាំងពីរ​ធ្វើការ​ជាមួយគ្នា​យ៉ាង​ជិតស្និទ្ធ​ដើម្បី ធានាថា​របត់​ចុងក្រោយ​នឹងមិន​រុញច្រាន​ទំនាក់ទំនង​ប្រទេស​ទាំងពីរ​អោយ​កាន់តែ​ធ្លាក់​យ៉ាប់យ៉ឺន​ជាង​នេះ​។​

រហូតមកទល់​ពេលនេះ អាមេរិក​មិនទាន់មាន​ការសម្រេចចិត្ត​ជា​ផ្លូវការ​ណាមួយ​នៅឡើយ​ទេ​អំពី​ថា​តើ ខ្លួន​ត្រូវ​បន្ត​ជួយ​កម្ពុជា​ឬក៏​សម្រេចចិត្ត​កាត់បន្ថយ​ជំនួយ​សម្រាប់ ប្រទេស​អាស៊ីអាគ្នេយ៍​មួយ​នេះ​។​អ្នកវិភាគ​នយោបាយ​និយាយថា នៅក្នុង​ស្ថានភាព​ដ៏​ផុយស្រួយ​នៃ​ទំនាក់ទំនង​រវាង​ប្រទេស​ទាំងពីរ វា​តម្រូវអោយ​មាន​ការ​ពិភាក្សា​ដ៏​បើកចំហ​និង​យោគយល់​គ្នា​ដើម្បីអោយ​មានការ យល់ច្បាស់​អំពី​ស្ថានការណ៍​ដែល​កំពុង​កើត​មាននៅ​កម្ពុជា​។​

​អ្នកវិភាគ​និយាយទៀតថា ការពិត​ដ៏​គ្រប់​ជ្រុងជ្រោយ​មួយ​ត្រូវតែ​ផ្តល់អោយ​អ្នកច្បាប់​និង​រដ្ឋាភិបាល​នៅ​ក្រុង​វ៉ាស៊ីនតោន​។

​វាជា​កិច្ចការ​របស់​អ្នកការទូត​អាមេរិក​នៅ​កម្ពុជា​ដែល​ត្រូវធ្វើ ការសម្របសម្រួល​ដើម្បី​ធានា​នូវ​ទំនាក់ទំនង​រវាង​ប្រទេស​ទាំងពីរ​តាមរយៈ ការធ្វើការ​យ៉ាង​ជិតស្និទ្ធ​ជាមួយ​រដ្ឋាភិបាល​កម្ពុជា​និង​អ្នកនយោបាយ ដើម្បី​ប្រមូល​ព័ត៌មាន​ដ៏​គ្រប់​ជ្រុងជ្រោយ​បំផុត​សម្រាប់​ឈានដល់ ការសន្និដ្ឋាន​អំពី​ស្ថានភាព​នយោបាយ​នៅ​កម្ពុជា​៕ ​ដោយ​៖ ហង្ស​ទេព​

Copyright © 2010-2021 · អរិយធម៌ · All Rights Reserved.
Develop by Sek Sathya