ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» ព័ត៌មានជាតិ » បុរសម្នាក់ បើករថយន្តព្រូសបោះពួយបុកទម្លុះចូលផ្ទះប្រជាពលរដ្ឋ រងការខូចខាតសម្ភារៈមួយចំនួនធំ  នៅភ្នំពេញ

បុរសម្នាក់ បើករថយន្តព្រូសបោះពួយបុកទម្លុះចូលផ្ទះប្រជាពលរដ្ឋ រងការខូចខាតសម្ភារៈមួយចំនួនធំ  នៅភ្នំពេញ

ភ្នំពេញៈ  ហេតុការណ៍​នេះ បានកើត​ឡើង កាលពី​វេលា​ម៉ោង ១ រំលងអធ្រាត្រ ឈានចូល​ថ្ងៃទី​២៨ ខែមករា ឆ្នាំ​២០២១ ស្ថិតនៅតាម បណ្តោយ​ផ្លូវ ១៩៨៦ កែង​នឹង​ផ្លូវ ១០០៧ ក្នុង​សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ​។​

បុរស​ម្នាក់ រួម​ដំណើរ​ជាមួយ​ស្ត្រី​ម្នាក់ទៀត បាន​បើករថយន្ត តូយ៉ូតា ព្រូស ហើយ​ទំនងជា​ស្រវឹងស្រា​ផង បាន​បោះពួយ ក្នុង​ល្បឿន​លឿន ជ្រុល​ទៅបុក ទម្លុះ​ចូល​ផ្ទះ អ្នកលក់​អីវ៉ាន់​ចាប់ហួយ មួយកន្លែង បណ្ដាល​ឲ្យ​ខូចខាត​សម្ភារ​មួយចំនួនធំ ប៉ុន្តែ​មិន​បង្ក​ឲ្យ​មាន​អ្នករងរបួស ឬ​បាត់​បង់ជីវិត​នោះទេ​។

មុន​កើតហេតុ គេ​ឃើញ​បុរស​ម្នាក់ រួម​ដំណើរ​នឹង​នារី​ម្នាក់ទៀត បើករថយន្ត តូយ៉ូតា ព្រូស ពណ៌​ទឹកសមុទ្រ ពាក់​ផ្លាកលេខ ភ្នំពេញ 2BH-4500 ធ្វើដំណើរ​តាម​បណ្ដោយ​ផ្លូវ ១០០៧ ទិសដៅ​ពី​ខាងជើង ទៅខាង​ត្បូង ក្នុង​ល្បឿន​លឿន លុះ​មកដល់​ចំណុចកើតហេតុ ខាងលើ​កែង​នឹង​ផ្លូវ ១៩៨៦ រថយន្ត​មិន បាន​បត់​នោះទេ បែរជា​ជ្រុល​ទៅ​ត្រង់ បុក​ទម្លុះ​ចូល​ផ្ទះ​អ្នកលក់​អីវ៉ាន់​ចាប់ហួយ​បណ្ដាល ឲ្យ​រង​ការខូចខាត​សម្ភារ​មួយ​ចំនូ​ន​ធំ ។ ចំណែក​រថយន្ត​បង្ក ទៅមុខ​លែងរួច​។​ សមត្ថកិច្ច​មូលដ្ឋាន បាន​ចុះ​មកដល់ ឲ្យ​ភាគី​ទាំងសងខាង​សម្របសម្រួល គ្នា​អស់​រយៈពេល​ជិត​កន្លះ​ម៉ោង ដោយ​មិនត្រូវ​គ្នា ទើប​សមត្ថកិច្ច​ទំនាក់ទំនង​ទៅ​ផ្នែក ជំនាញ ចុះមក​វាស់វែង យក​រថយន្ត​បង្ក ទៅ​រក្សាទុក​នៅ​អធិការដ្ឋាន​នគរបាល ខណ្ឌ​សែន​សុខ រង់ចាំ​ដោះស្រាយ​គ្នា នៅពេល​ក្រោយ​៕

Copyright © 2010-2021 · អរិយធម៌ · All Rights Reserved.
Develop by Sek Sathya