ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||     មន្ត្រីបរិស្ថាន ក្នុងខេត្តកំពង់ឆ្នាំង បណ្តោយឲ្យពួកក្រុមជនល្មើស ធ្វើសកម្មភាព ចូលកាប់ឆ្ការ ឈូសឆាយ ទន្រ្ទានយកដីគម្រប ព្រៃឈើ ដែលគ្រប់គ្រងដោយមន្ទីរបរិស្ថាន ខេត្តកំពង់ឆ្នាំងវាស់ចែកគ្នា លក់យ៉ាងគគ្រឹកគគ្រេង​  ||     ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||   

» ព័ត៌មានជាតិ » ភ្ញាក់ផ្អើល! សម្រេច​មិន​ឃុំខ្លួន អនុរដ្ឋលេខាធិការ ទីស្តីការគណៈរដ្ឋមន្ត្រី​ម្នាក់ ហើយ​អនុញ្ញាត​ឲ្យ​ត្រប់​ទៅវិញ​

ភ្ញាក់ផ្អើល! សម្រេច​មិន​ឃុំខ្លួន អនុរដ្ឋលេខាធិការ ទីស្តីការគណៈរដ្ឋមន្ត្រី​ម្នាក់ ហើយ​អនុញ្ញាត​ឲ្យ​ត្រប់​ទៅវិញ​

ភ្នំពេញៈ  នៅ​រសៀល​ថ្ងៃទី​២៦ ខែមករា ឆ្នាំ​២០២១  លោក ឆែម ពេ​ត អនុរដ្ឋលេខាធិការ ទីស្តីការគណៈរដ្ឋមន្ត្រី បាន​ចូល​តុលាការ ដើម្បី​បំភ្លឺ​ពី ដំណើររឿង​ឆបោក ពាក់ព័ន្ធ​ការទិញ​លក់​ដី ទំហំ ២ ហិកតា នៅ​ភូមិ​ទួល​សង្កែ សង្កាត់​ទួល​សង្កែ ខណ្ឌឫស្សីកែវ រាជធានី​ភ្នំពេញ​។ ក្រោយ​ការសាកសួរ​រួចហើយ លោក ឌុ​ច សុខ​សារិន អនុប្រធាន​សាលាដំបូង រាជធានី​ភ្នំពេញ បានសម្រេច​មិន​ឃុំខ្លួន និង​អនុញ្ញាត​ឲ្យ​លោក ឆែម ពេ​ត ត្រឡប់​ទៅវិញ តែ​នៅ​បន្ត​ចាត់ការ សំណុំ​រឿងនេះ តាម​នីតិវិធី​ដដែល​។​

ចំណែក​លោក មាស សាវឿន អនុរដ្ឋលេខាធិការ ក្រសួងយុត្តិធម៌ ក៍​ត្រូវ​តុលា​ការចេញ​ដីកា​បង្គាប់​ឲ្យ​ចូលខ្លួន នៅ​រសៀល​ថ្ងៃទី​៣ ខែកុម្ភៈ ឆ្នាំ​២០២១ ខាងមុខ​នេះដែរ​។ ការចេញ​ដីកា​បង្គាប់​នេះ បានកើត​ឡើង ក្រោយ​ពេលដែល​លោក សាយ ណូ​រ៉ា ព្រះរាជអាជ្ញារង អម​សាលាដំបូង រាជធានី​ភ្នំពេញ កាលពី​ថ្ងៃទី​១ ខែធ្នូ ឆ្នាំ​២០២០ ថ្មីៗ​នេះ បានសម្រេច​ចោទប្រកាន់ លោក មាស សាវឿន និង លោក ឆែម ពេ​ត ពីបទ «​ឆបោក​» ពាក់ព័ន្ធ​ការទិញ​លក់​ដី ទំហំ ២ ហិកតា នៅ​ភូមិ​ទួល​សង្កែ សង្កាត់​ទួល​សង្កែ ខណ្ឌឫស្សីកែវ រាជធានី​ភ្នំពេញ ។​

​យោងតាម​ដីកា​សន្និដ្ឋាន បញ្ជូន​អោយ​ស៊ើបសួរ ដែល​ទើប​ទទួលបាន នៅ​ថ្ងៃទី​២០ ខែមករា ឆ្នាំ​២០២១ នេះ គឺ​ជន​ត្រូវ​ចោទ​ទាំង ២ នាក់ លោក មាស សាវឿន និង លោក ឆែម ពេ​ត ត្រូវ​ដាក់អោយ​ស្ថិត ក្រោម​ការចោទប្រកាន់ ពីបទ​ឆបោក ដែល​ប្រព្រឹត្ត​កាលពី​ថ្ងៃទី​២១ ខែតុលា ឆ្នាំ​២០១៦ តាម​មាត្រា ៣៧៧ និង មាត្រា ៣៧៨ នៃ​ក្រមព្រហ្មទណ្ឌ ។​

​ជុំវិញ​បញ្ហា​នេះ លោក ជិន ម៉ា​លីន រដ្ឋលេខាធិការ និង​ជា​អ្នកនាំពាក្យ ក្រសួងយុត្តិធម៌ បានបញ្ជាក់​ថា ជា​នីតិវិធី ព្រះរាជអាជ្ញា ត្រូវ​ជូនដំណឹង ស្តីពី​ការ​ការ ចោទប្រកាន់ មកកាន់​ក្រសួងយុត្តិធម៌ ដែលជា​ស្ថាប័ន​សា​ម៉ី ហើយ លោក មាស សាវឿន ត្រូវ​ចូលរួម​នីតិវិធី ដើម្បី​ការពារ​ខ្លួន​តាមផ្លូវ​ច្បាប់ ដូច​គេ​ដូច​ឯង ជាធម្មតា ។​

​បើតាម​លោក ជិន ម៉ា​លីន គឺ​ពេលនេះ លោក មាស សាវឿន អនុរដ្ឋលេខាធិការ ក្រសួងយុត្តិធម៌ កំពុង​បំពេញ​មុខងារ និង​តួនាទី ជាធម្មតា ដោយសារ​លោក ត្រឹម​ជា​ជនសង្ស័យ ដោយ​ពុំទាន់​មាន​សាលក្រម​ផ្តន្ទាទោស នៅឡើយ​ទេ ។​

​លោក មាស សាវឿន ដែលជា​អតីត​អភិបាលរង ខេត្តព្រះវិហារ ផង​នោះ ក៏​ធ្លាប់បាន​រង​ការចោទប្រកាន់ ថា​បាន​រំលោភ​យក​ដី ស្របច្បាប់​របស់លោក​ស្រី លឹម វណ្ណា ស្ថិតនៅក្នុង​តំបន់​អភិវឌ្ឍន៍​ឫស្សីកែវ ភូមិ​ទួល​ពពែ សង្កាត់​ទួល​សង្កែ​ទី​២ ខណ្ឌឫស្សីកែវ រាជធានី​ភ្នំពេញ ផងដែរ ៕

Copyright © 2010-2021 · អរិយធម៌ · All Rights Reserved.
Develop by Sek Sathya