ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » លោក​ កែប ជុតិមា ​វាយ​តម្លៃ​​ចំពោះ​​យុវជន ដែល​​ចូល​រួម​​ជាមួ​យ ​គណ​បក្ស​​ប្រជាជន​កម្ពុជា

លោក​ កែប ជុតិមា ​វាយ​តម្លៃ​​ចំពោះ​​យុវជន ដែល​​ចូល​រួម​​ជាមួ​យ ​គណ​បក្ស​​ប្រជាជន​កម្ពុជា

​ភ្នំពេញ​៖​​ប្រធាន​​គណៈកម្មាធិការ​​គណ​បក្ស​​ប្រជាជន​​កម្ពុជា​រាជធានី​ភ្នំពេញ​បាន​កោតសរសើរ​និង​វាយតម្លៃ​ខ្ពស់​ចំពោះ

​ក្រុមយុវជន​​ដែល​ចូល​រួម​ជា​មួយ​​គណបក្ស​​ប្រជាជន​កម្ពុជា​ក្នុង​យុទ្ធនាការ​ឃោសនាបោះឆ្នោត​និង​បាន​វាយតម្លៃ​អំពី​លទ្ធផល​នៃ​យុទ្ធនាការ ​ឃោសនា បោះឆ្នោត​រយៈពេល​២​សប្តាហ៍​កន្លងមកនេះ​។​

​ប្រធាន​​គណៈ​កម្មាធិការ​គណបក្ស​ប្រជាជន​កម្ពុជា​​រាជធានី​ភ្នំពេញ​លោក​កែប ជុតិមា​បាន​មានប្រសាសន៍​នៅ​ថ្ងៃទី​១២ ​ខែកក្កដា​នេះ ដែល​ត្រូវជា​ថ្ងៃទី​១៥​នៃ​យុទ្ធនាការ​ឃោសនាបោះឆ្នោត​ថា នៅក្នុង​យុទ្ធនាការ​ឃោសនាបោះឆ្នោត​រយៈ ពេល​២​សប្តាហ៍ កន្លងមកនេះ គណបក្ស​ប្រជាជន​កម្ពុជា​រាជធានី​ភ្នំពេញ​បាន​ដំណើរ​ការងារ តាម​កម្មវិធី ​ដែល​បានគ្រោង​ទុក ដោយ​រលូន​ដូចជា​ការហែក្បួន យុទ្ធនា​ការឃោសនា​ ជា​ទ្រង់ទ្រាយ​ធំ​និង​ការចុះ​តាម​ខ្នង​ផ្ទះ​ប្រជាពលរដ្ឋ
បង្រៀន​ប្រជាពលរដ្ឋ​ឲ្យ​យល់​ពី​របៀប​គូស​សន្លឹកឆ្នោត​ជូន​គណបក្ស​ប្រជាជន​កម្ពុជា ដែលមាន​លេខ​រៀង​ទី​៤​និង​រូប​សញ្ញា​ទេវតា ​នៅលើ ​សន្លឹកឆ្នោត ដោយ​សុំ​ឲ្យ​ប្រជាពលរដ្ឋ​អញ្ជើញ​ទៅ​ចូលរួម​បោះឆ្នោត ​ជូន​គណបក្ស​ប្រជាជន​កម្ពុជា​នៅ​ថ្ងៃទី​២៨​ខែកក្កដា​ខាងមុខនេះ ។​

​លោក​បាន​មានប្រសាសន៍ថា​ ​គណបក្ស​ប្រជាជន​កម្ពុជា​រាជធានី​ភ្នំពេញ​មានការ​សប្បាយចិត្ត​ណាស់ នៅពេលដែល​ប្រជាពលរដ្ឋ​នៅ​រាជធានី​ភ្នំពេញ​ទាំងអស់ បាន​គាំទ្រ​គណបក្ស​ប្រជាជន​កម្ពុជា​ជាពិសេស​គឺ​សមាសភាព​យុវជន​ជាច្រើន​នាក់
ដែលជា ​សសរទ្រូង​ប្រទេសជាតិ​ទៅ​ថ្ងៃ​អនាគតបាន​​ចូលរួម​យ៉ាង​សស្រាក់សស្រាំ​ជាមួយនឹង​គណបក្ស​ប្រជាជន​កម្ពុជា ​ចាប់តាំងពី​មុន​ការចាប់ផ្តើម​នៃ​យុទ្ធនាការ​ឃោសនាបោះឆ្នោត​។​

​លោក កែប ជុតិមា បានបញ្ជាក់​អំពី​ផែនការ​យុទ្ធនា​ការឃោសនា​រយៈពេល​២​សប្តាហ៍​ខាងមុខ​ទៀត គឺ​បន្ត​ចុះ​គ្រប់​ខ្នង​ផ្ទះ  របស់​ប្រជាពលរដ្ឋ​តាម​មូល​រដ្ឋា​ន​នៅ​មណ្ឌល​រាជធានី​ភ្នំពេញ​ ដើម្បី​បង្រៀន​ប្រជាពលរដ្ឋ​ពី​របៀប​គូស​សន្លឹកឆ្នោត ជូន
​គណបក្ស​ប្រជាជន​កម្ពុជា មាន​លេខ​រៀង​ទី​៤ នៅលើ​សន្លឹកឆ្នោត​និង​សុំ​ឲ្យ​គាត់​បោះឆ្នោត​ជូន​គណបក្ស​ប្រជា​ជាន​កម្ពុជា នៅ​ថ្ងៃទី​២៨​ខែកក្កដា និង​បន្ត​ផ្សព្វផ្សាយ​សារ​នយោបាយ​ដល់​ប្រជាពលរដ្ឋ​ និង​​កម្មករ​​កម្មការិនី ដែលជា​កំលាំង​យ៉ាង សំខាន់​សម្រាប់​គណបក្សប្រជាជនកម្ពុជា៕

Copyright © 2010-2021 · អរិយធម៌ · All Rights Reserved.
Develop by Sek Sathya