ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» ព័ត៌មានជាតិ » នេះជាអំពើដ៏អយុត្តិធម៌មួយ!  ប្តីលោកស្រីបានស្លាប់ហើយ ដោយសារតែទទួលរងនូវអំពើហិង្សា ពីលោក គឹម សារិទ្ធ ខណៈមកទល់ពេលនេះ មិនទាន់ទទួលបានសំណងសូម្បីមួយរៀល  នៅតាកែវ

នេះជាអំពើដ៏អយុត្តិធម៌មួយ!  ប្តីលោកស្រីបានស្លាប់ហើយ ដោយសារតែទទួលរងនូវអំពើហិង្សា ពីលោក គឹម សារិទ្ធ ខណៈមកទល់ពេលនេះ មិនទាន់ទទួលបានសំណងសូម្បីមួយរៀល  នៅតាកែវ

ខេត្តតាកែវ៖ លោកស្រី យឹម ជ្រឿន ភរិយានៃសព ថ្លែងប្រាប់សារព័ត៌មាន ថា  ប្តីលោកស្រីបានស្លាប់ហើយ ដោយសារតែទទួលរងនូវអំពើហិង្សាពីលោក គឹម សារិទ្ធ ខណៈមកទល់ពេលនេះ មិនទាន់ទទួលបានសំណងសូម្បីមួយរៀល ។ ភរិយានៃសព កំពុងរង់ចាំនូវយុត្តិធម៌ពីស្ថាប័នមានសមត្ថកិច្ច ជាពិសេសពីលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ តែម្តង។

នៅថ្ងៃទី២១ ខែមករា ឆ្នាំ២០២១  នេះ ជាអំពើដ៏អយុត្តិធម៌មួយ កើតមាននៅក្នុងសង្គម ខណៈមន្ត្រីនគរបាលយុត្តិធម៌ និងតំណាងអយ្យការ ហាក់ស្ទាក់ស្ទើរក្នុងការបំពេញ តួនាទី ភារកិច្ចរបស់ខ្លួន។ ពេលនេះ ជនរងគ្រោះឈ្មោះ ភឹម វី រស់នៅភូមិព្រៃផ្គាំ ឃុំព្រៃផ្គាំ ស្រុកអង្គរបុរី ខេត្តតាកែវ ដែលទទួលរងនូវអំពើហិង្សាពីលោក គឹម សារិទ្ធ នាយរងអធិការកិច្ចចតុមុខនិង បក្ខពួក បានស្លាប់បាត់ហើយ ក្រុមជនបង្កកំពុងបន្តរស់នៅក្រៅសំណាញ់ច្បាប់។

ដោយឡែក លោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ ថ្លែងប្រាប់សារព័ត៌មាន នៅល្ងាចថ្ងៃទី២១ ខែមករា ឆ្នាំ២០២១ ថា  លោកបានបញ្ជាអោយនគរបាលព្រហ្មទណ្ឌកម្រិតធ្ងន់ ស្រាវជ្រាវករណីនេះហើយ ។

ទោះជាអំពើហិង្សានេះត្រូវបានប្រព្រឹត្តដោយលោក គឹម សារិទ្ធ ក៏ជនបង្កព្យាយាម បដិសេធ ចំពោះសកម្មភាពដែលខ្លួនប្រព្រឹត្ត។ ក្នុងនោះថ្មីៗនេះ លោក គឹម សារិទ្ធ បានបកស្រាយ ថា លោកមិនបានប្រើអំពើហិង្សាលើជនរងគ្រោះ នោះទេ ពោលគឺ នេះជាឧបទ្ទហេតុនៃទូកបុកគ្នា ។

ករណីនេះ កើតឡើងកាលពីយប់ថ្ងៃទី៦ ខែមករា ឆ្នាំ២០២១ កន្លងទៅ នៅចំណុចកោះ អញ្ចាញ ក្នុងឃុំទ្រា ស្រុកសំរោង ខេត្តតាកែវ។ ក្រុមគ្រួសារជនរងគ្រោះ សង្ឃឹមថា តំណាងអយ្យការ និងចាត់ការក្នុងរឿងបទឧក្រិដ្ឋនេះ ផ្ដល់ភាពយុត្តិធម៌ជូនប្រជាពលរដ្ឋ៕

Copyright © 2010-2021 · អរិយធម៌ · All Rights Reserved.
Develop by Sek Sathya