ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » អ្នក​បឹងកក់​ក្តៅក្រហាយ​ព្រោះ​ក្រុមហ៊ុន​ស៊ីន​ទ្រី​មិន​កើប​សំរាម​ ​

អ្នក​បឹងកក់​ក្តៅក្រហាយ​ព្រោះ​ក្រុមហ៊ុន​ស៊ីន​ទ្រី​មិន​កើប​សំរាម​ ​

ភ្នំពេញ ៖ អ្នករស់នៅ​ម្តុំ​បឹងកក់ សង្កាត់​ស្រះចក ខណ្ឌដូនពេញ នាំគ្នា​ប្រតិកម្ម​ក្តៅ ក្រហាយ​ទៅលើ​ក្រុមហ៊ុន ស៊ីន​ទ្រី ដែល​ជាង​១០​ថ្ងៃ​ហើយ​មិនឃើញ​ទៅ​កើប​ឬ​ប្រមូល​សំរាម​ទុក​ឲ្យ​គរ​ស្អុយ​លើ​អ្នកដំណើរ​និង​អ្នករស់នៅ​ម្តុំនោះ​។

គេ​និយាយថា ករណី​ក្រុមហ៊ុន​ស៊ីន​ទ្រី​នេះ​មិនមែន​មានតែ​ប្រជាពលរដ្ឋ​សង្កាត់​ស្រះចក​ប៉ុណ្ណឹង​ទេ គឺ​ប្រជាពលរដ្ឋ ស្ទើរ​ម៉ា​ទីក្រុង​ទៅហើយ ដែល​មិន​សប្បាយ​ចិត្តនឹង​ក្រុមហ៊ុន​ហ្នឹង​។ គេ​និយាយទៀតថា បើ​លុយ​វិញ​ចុះទៅ​ប្រមូល និង​ទូទាត់​លឿន​ណាស់ តែ​ការ​កើប​សំរាម​យឺត​ដូច​ស្ករ​កៅស៊ូ​អ៊ីចឹង​។​

បញ្ហា​អសកម្ម​ឬ​គ្មាន​សមត្ថភាព​ប្រមូល​និង​កើប​សំរាម​របស់​ក្រុមហ៊ុន​ស៊ីន​ទ្រី​នេះ វា​កើតមានឡើង​តាំងពី​សម័យ លោក​កែប ជុតិមា នៅ​ជា​ចៅហ្វាយក្រុង​ម្ល៉េះ​។ ឥឡូវនេះ​អសកម្ម​មកដល់​សម័យ​លោកប៉ា សុជាតិ​វង្ស ធ្វើជា ចៅហ្វាយក្រុង​ទៀតហើយ​។ សព្វថ្ងៃនេះ​គេ​ចាំមើល​ជំហរ​របស់​ចៅហ្វាយក្រុង​ថ្មី​មួយ​នេះ​ថា តើ​នឹងមាន​វិធានការ យ៉ាងណា​ចំពោះ​ក្រុមហ៊ុន​ដែល​គ្មាន​គុណភាព​បែបនេះ​? ប្រជា ពលរដ្ឋ​ក្នុង​ក្រុងភ្នំពេញ​ភាគច្រើន​នាំគ្នា​និយាយថា«​ធម្មតា​ទេអ្នករកស៊ី​សុខចិត្ត​ធ្វើ​ថោក ធ្វើគ ធ្វើ​ថ្លង់ បើ​គេ​ស្តីបន្ទោស​ក៏​មិន​តបត​ដែរ ធ្វើយ៉ាងណា​ឲ្យ​តែ​ប្រមូលលុយ​ដាក់​ក្រុមហ៊ុន​គេ​បាន​ច្រើន​គឺ​ចប់ Sic​។ ប៉ុន្តែ​អ្វីដែល​ត្រូវ​ស្តីបន្ទោស​និង​ខឹងសម្បា​នោះ គឺ​ខាង​សាលាក្រុង ដែល​គ្មាន​សមត្ថភាព​មើល​ការខុសត្រូវ​លើ​ក្រុមហ៊ុន​ស៊ីន​ទ្រី​ទៅវិញ​ទេ​។ បើ​ខាង​សាលាក្រុង​តឹងរ៉ឹង ម៉ឺងម៉ាត់​ក៏ ក្រុមហ៊ុន​នោះ​មិន​ហ៊ាន​ជិះ សេះ​លែងដៃ​ដែរ​។​

គេ​បាន​ប្រៀបធៀប​របៀប​អប់រំ​វិញ​ថា «​បើ​ឪពុកម្តាយ​ខ្សោយ ខ្វះ​ការអប់រំ​ប្រៀន ប្រដៅ​កូនៗ​នោះ កូនៗ​ច្បាស់​ជា មិន​ស្តាប់​ឬ​មិន​ខ្លាច​ឪពុកម្តាយ​នោះឡើយ តែបើ​ឪពុកម្តាយ​ចេះ​ទូន្មាន​កូនចៅ​ឲ្យ​ដើរ​ផ្លូវ​ល្អ នោះ​កូនៗ​នឹង​ដើរ​តាម គន្លង ដែល​ល្អ​នោះ​មិនខានឡើយ​»​។ យ៉ាងណាមិញ​ដូច​ក្រុមហ៊ុន​ស៊ីន​ទ្រី ស្ពឹក​ស្រពន់​ក្នុងការ​ចុះទៅ​ប្រមូល​សំរាម គ្មាន​កម្មវិធី​ច្បាស់លាស់ គរ​សំរាម​ទុក​បួនដប់​ថ្ងៃ​មិនទាន់​ចុះ ទៅ​ប្រមូល ក៏​មកពី​អ្នកធំ​គ្រប់គ្រង​ស៊ីន​ទ្រី​ស្ពឹក​ស្រពន់​ក្នុង​ការងារ​យ៉ាង​នោះដែរ​។ គេ​ថា​ការដើរ​ប្រមូល​សំរាម​ប្រជែង​គ្នា​ជាមួយ​មន្ត្រី រាជការ​ចេញទៅ​ធ្វើការនេះ​មកពី​ខាង​សាលាក្រុង​ខ្សោយ មិនមាន​សមត្ថភាព​គ្រប់គ្រាន់​ក្នុងការ​គ្រប់គ្រង​ក្រុមហ៊ុន​ស៊ីន​ទ្រី ទើប​ក្រុមហ៊ុន​នេះ​ហ៊ាន​បណ្តែតបណ្តោយ​និង​ព្រងើយកន្តើយ​បែប​ហ្នឹង​។ ករណីនេះ​បើ​ខាង​សាលា ក្រុង​ខ្លាំង ម៉ឺងម៉ាត់​ប្រាកដជា​ក្រុមហ៊ុន​ស៊ីន​ទ្រី​នេះ​ភ្ញាក់ ខ្លួន​ដូច​ខ្មោច​៧​ថ្ងៃ​អ៊ីចឹង​។​

គេ​បានលើកឡើង​ទៀតថា ខ្វះ​អី​ក្រុមហ៊ុន​ដែល​ចូលទៅ​ដេញថ្លៃ​ប្រមូល​សំរាម​ក្នុង​ក្រុង​នោះ ហើយ​ខ្វះ​អី​ក្រុមហ៊ុន​ដែល មាន​សមត្ថភាព​គ្រប់គ្រាន់​នោះ អី​ក៏​ស្រឡាញ់​ក្រុមហ៊ុន​ដែល​ប្រើ​ឧបករណ៍​ចាស់ៗ ឡាន​ទ្រុឌទ្រោម​និង​អន់​ខាង សមត្ថភាព​បែបនេះ​ទៅវិញ​? គេ​សង្ឃឹមថា លោក​ចៅហ្វាយក្រុង​នឹងមាន​វិធានការ​ស្របច្បាប់​ណាមួយ​ចំពោះ ក្រុមហ៊ុន​ស៊ីន​ទ្រី ឲ្យ​ចេះ​ភ្ញាក់រលឹក​ឡើងវិញ ព្រោះ​ទីក្រុង​ស្អាត​គ្មាន​សំរាម ទើប​មាន​បរិស្ថាន​ល្អ​បរិសុទ្ធ​៕

​ដោយ​៖ តា​បណ្ឌិត


Copyright © 2010-2021 · អរិយធម៌ · All Rights Reserved.
Develop by Sek Sathya