ខេត្ដត្បូងឃ្មុំ៖ ទីតាំងសង្វៀនជល់មាន់ ដែលស្ថិតនៅក្នុងភូមិឈើទាលជ្រុំ ឃុំអញ្ចឹម ស្រុកត្បូងឃ្មុំ ខេត្តត្បូងឃ្មុំ មួយកន្លែងកំពុងបើកលេងយ៉ាងរំភើយ មិនរំខានដល់អាជ្ញាធរ និង សមត្ថកិច្ច ស្រុកត្បូងឃ្មុំនោះឡើយ។

ដោយម្ចាស់សង្វៀនមាន់ ឈ្មោះ ថុន នឹង ប្រុស ដែលកំពុងកៀងគរក្រុមអ្នកញៀនល្បែង ស៊ីសងគ្រប់ទិសទីាចូលទៅលេងជារៀងរាល់ថ្ងៃ និងចាញ់ឈ្នះរាប់សែន រាប់លានរៀលផងដែរ។ នេះបើយោងតាមប្រភពច្បាស់ការ ពីអ្នកចេញចូលលេងល្បែង នៅទីតាំងខាងលើ។ ហើយអ្វីដែលសំខាន់ទៀតនោះចោរឆក់ ចោរលួច ចោរប្លន់ គាស់ផ្ទះយកទ្រព្យសម្បតិរបស់បងប្អូនប្រជាពលរដ្ឋជាដើម គឺអាចកើតចេញពីល្បែងស៊ីសងទាំងនេះឯង។

រដ្ឋសភាបានអនុម័តកាលពីឆ្នាំ ១៩៩៦ដែលបានចែងផ្ដន្ទាទោស (អ្នកញៀនល្បែងស៊ីសង)ផ្អែកតាមមាត្រាទី ៤ ៖ ជនណាលេងល្បែងស៊ីសង ជននោះត្រូវផ្ដន្ទាទោស ពិន័យជាប្រាក់ពី ១០០០០រៀល(មួយម៉ឺនរៀល)ដល់ ៥០០០០រៀល (ប្រាំម៉ឺនរៀល) ឬ ដាក់គុកពីមួយសប្តាហ៍ ដល់មួយខែ ក្នុងករណីដែលមិនរាងចាល ត្រូវផ្ដន្ទាទោសពិន័យជាប្រាក់នឹងដាក់គុកជាអតិបរមា។

សូមជម្រាបថា សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ បានបញ្ជាឲ្យអាជ្ញាធរបង្កើនការ ការពារភូមិឃុំ គ្មានគ្រឿងញៀនគ្មានបទល្មើសគ្រប់ប្រភេទ និងធានាឲ្យបានជូនប្រជាពលរដ្ឋនៅភូមិឃុំមានសុវត្ថិភាព មិនតែប៉ុណ្ណោះសម្ដេច ស ខេងបានជំរុញឲ្យអាជ្ញាធរបង្កើនការសហការគ្នាដើម្បីពង្រឹង ភូមិ ឃុំ មានសុវត្ថិភាពគ្មានសកម្មភាពលួច ឆក់ ប្លន់ គ្រប់ប្រភេទគ្មានការដាំដុះ គ្មានការផលិត គ្មានការចរាចរណ៍ គ្មានការជួញដូរនិងចែកចាយគ្រឿងញៀនខុសច្បាប់ គ្មានអំពើអាណាចារ្យ គ្មានការជួញដូរស្ត្រីនិងកុមារនិងគ្មានអំពើហិង្សាក្នុងគ្រួសារ គ្មានក្មេងទំនើង គ្មានការលេងល្បែងស៊ីសងខុសច្បាប់ និងគ្មានការប្រើប្រាស់អាវុធ យុទ្ធភ័ណ្ឌមិនទាន់ផ្ទុះខុសច្បាប់ហើយគ្មានគ្រោះថ្នាក់ចរាចរណ៍នឹងមានវិធានការទប់ស្កាត់គ្រប់

គ្រងត្រួតពិនិត្យដើម្បីឆ្លើយតបចំពោះគ្រោះមហន្តរាយប្រកបដោយប្រសិទ្ធភាពខ្ពស់ ដើម្បីធានារក្សាសន្តិសុខ សុវត្ថិភាព ភូមិ ឃុំ ជូនប្រជាពលរដ្ឋប្រកបដោយភាពកក់ក្ដៅនិង មិនមានការភ័យខ្លាចអំពី អំពើអសន្តិសុខក្នុងមូលដ្ឋានរបស់ខ្លួន។

ការថ្លែងបស់ សម្ដេចក្រឡាហោម ស ខេង ក្នុងពិធីបិទសន្និបាតបូកសរុបការងារត្រួត ពិនិត្យគ្រឿងញៀនឆ្នាំ ២០១៩ និងកិច្ចប្រជុំបូកសរុបលទ្ធផលនៃការអនុវត្តផែនការ ប្រយុទ្ធប្រឆាំងគ្រឿងញៀនខុសច្បាប់លើកទី ៤ កាលពីរសៀលថ្ងៃទី ១៧មីនានៅទីស្ដីការក្រសួងមហាផ្ទៃ។

ពាក់ព័ន្ធនឹងករណីនេះ ប្រជាពលរដ្ឋបានសំណូមពរដល់អាជ្ញាធរពាក់ព័ន្ធទាំងអស់ជាពិសេស

លោក ប៉ែន រត្ន័ ស្នងការខេត្ដត្បូងឃ្មុំ ត្រួតពិនិត្យមន្ន្រីក្រោមឱវាទផងទាន និង មេត្តាចុះ បង្ក្រាបទីតាំងដែលបើកបង្កប់នូវល្បែងអាប៉ោងនេះផង ដើម្បីឲ្យស្របតាមគោលនយោបាយភូមិ សង្កាត់ មានសុវត្ថិភាពទាំង៩ ចំណុចរបស់រាជរដ្ឋាភិបាលដែលបានដាក់ចេញ។

ពាក់ព័ន្ធនឹងករណីនេះ សារព័ត៌មានយើងមិនអាចសុំការបំភ្លឺពីលោកអធិការស្រុកត្បូងឃ្មុំ បានទេដោយទូរសព្ទ័តេមិនចូល ៕