ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» Breaking News, ព័ត៌មានជាតិ » សហព័ន្ធ​សហជីព​ជួបពិភាក្សា​ជាមួយ​សាលាក្រុង រឿង​ធ្វើ​វេទិកាសាធារណៈ​ថ្ងៃទី​៨​មីនា ​

សហព័ន្ធ​សហជីព​ជួបពិភាក្សា​ជាមួយ​សាលាក្រុង រឿង​ធ្វើ​វេទិកាសាធារណៈ​ថ្ងៃទី​៨​មីនា ​

ភ្នំពេញ​៖   នៅ​ព្រឹក​ថ្ងៃទី​៤​ខែមីនា​ឆ្នាំ​២០១៤​នេះ សាលា​រាជធានី​ភ្នំពេញ​ស្តីពី​ការធ្វើ​វេទិកាសាធារណៈ​នៅ​ទីលាន​ប្រជាធិបតេយ្យ នៅ​ថ្ងៃទី​៨ ខែមីនា​ខាងមុខនេះ ដើម្បី​ឲ្យ​កម្មករ កម្មការិនី និង​ប្រជាពលរដ្ឋ ជួប​ជាមួយ​តំណាង​រាជរដ្ឋាភិបាល ដើម្បី​ឆ្លើយបំភ្លឺ​រឿង​ដំឡើង​ប្រាក់ខែ ករណី​បង្ក្រាប និង​ចាប់ខ្លួន​សកម្មជន​ការពារ​សិទ្ធិមនុស្ស ដីធ្លី និង​កម្មករ​នាពេល​កន្លងមក​។​
ការជួបប្រជុំ​ពិភាក្សា​នេះ បាន​ធ្វើឡើង​បន្ទាប់ពី​តំណាង​សហព័ន្ធ​សហជីព និង​សមាគម​ទាំង​១៨ បានធ្វើ​លិខិត​ជូនដំណឹង​ទៅ​លោកប៉ា សុជាតិ​វង្ស អភិបាល​សាលា​រាជធានី​ភ្នំពេញ កាលពី​ថ្ងៃទី​២៦ ខែកុម្ភៈ  ស្តីពី​ការធ្វើ​វេទិកាសាធារណៈ​នៅ​ទីលាន​ប្រជា ធិបតេយ្យ នៅ​ថ្ងៃទី​៨ ខែមីនា  ខាងមុខ​មុខ​នេះ ដើម្បី​ឲ្យ​កម្មករ កម្មការិនី និង​ប្រជាពលរដ្ឋ ជួប​ជាមួយ​តំណាង​រាជរដ្ឋាភិបាល ដើម្បី​ឆ្លើយបំភ្លឺ​រឿង​ដំឡើង​ប្រាក់ខែ ករណី​បង្ក្រាប និង​ចាប់ខ្លួន​សកម្មជន​ការពារ​សិទ្ធិមនុស្ស ដីធ្លី និង​កម្មករ​នាពេល​កន្លងមក​។​
នៅក្នុង​លិខិត​ចុះ​ថ្ងៃទី​២៦ ខែកុម្ភៈ  ផ្ញើជូន​លោក​អភិបាល​សាលា​រាជធានី​ភ្នំពេញ តំណាង​សហព័ន្ធ​សហជីព និង​សមាគម បាន​រៀបរាប់ថា ដោយសារ​កូដ​កម្មត​តវ៉ា​កន្លងមក​មានការ​បង្ក្រាប​ពី​អាជ្ញាធរ រហូតដល់​មាន​អ្នកស្លាប់ និង​របួស រួមទាំង​ការចាប់ខ្លួន ។ កូដកម្ម​ទាម​តារ​ប្រាក់បៀវត្ស​កម្មករ​មិនទាន់បាន​ដោះស្រាយ​ឡើងវិញ រួមទាំង​ចំណុច​មួយចំនួនទៀត មិនទាន់​ត្រូវបាន​ដោះស្រាយ​ទេ​។ ហើយ​សហព័ន្ធ​សហជីព និង​សមាគម​រៀបចំ​វេទិកា​នេះ ដើម្បី​ផ្តល់ឱកាស​ឲ្យ​កម្មករនិយោជិត និង​ប​ប្រជាពលរដ្ឋ រួមជាមួយ​តំណាង​សំខាន់ៗ ដូចជា លោក​ឧបនាយករដ្ឋមន្ត្រី គាត ឈន់ ប្រធាន​គណៈកម្មការ​ស្រាវជ្រាវ​ប្រាក់​ឈ្នួល លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួងមហាផ្ទៃ លោក​អ៊ិត សំហេង រដ្ឋមន្ត្រីក្រសួង​ការងារ និង​លោក​ជីវ  កេង ប្រធាន​តុលាការ​ក្រុងភ្នំពេញ ដើម្បី​មក​ឆ្លើយបំភ្លឺ​នៅមុខ​ម​មហាជន អំពី​ការបង្ក្រាប​ការចាប់ខ្លួន និង​ដំឡើង​ប្រាក់​ឈ្នួល​ជាដើម​។​
តំណាង​សហព័ន្ធ​សហជីព និង​សមាគម បាន​បញ្ជាក់ថា វេទិកា​នេះ​នឹងធ្វើ​នៅ​ថ្ងៃទី​៨ ខែមីនា ឆ្នាំ​២០១៤ វេលា​ម៉ោង​៨​ព្រឹក នៅ​ទីលាន​ប្រជា​ធិ​តេ​យ្យ មាន​កម្មករនិយោជិត មន្ត្រីរាជការ និង​ប្រជាពលរដ្ឋ​ប្រមាណ​ជាង​៣​ម៉ឺន​នាក់​ចូលរួម​៕

Copyright © 2010-2021 · អរិយធម៌ · All Rights Reserved.
Develop by Sek Sathya