ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » មុខសញ្ញា​លួច​និង​ប្លន់​ដ៏សកម្ម​ម្នាក់ ​ នគរបាលឃាត់ខ្លួន នៅត្បូងឃ្មុំ

មុខសញ្ញា​លួច​និង​ប្លន់​ដ៏សកម្ម​ម្នាក់ ​ នគរបាលឃាត់ខ្លួន នៅត្បូងឃ្មុំ

ខេត​ត្បូងឃ្មុំ ៖ ការ​ចាប់​ឃាត់ខ្លួន​នេះ គឺ​យោង​តាម​ដីកា​លេខ៦៧៣(​គ​) ចុះ​ថ្ងៃ​ទី​២៨ ខែកញ្ញា ឆ្នាំ​២០២០
ចេញ​ដោយ​លោក សាយ សម្ផស្ស​សេរី ចៅក្រម​ស៊ើបសួរ​នៃ​សាលាដំបូង​ខេ​ត្ក​កំពង់ចាម បង្គាប់​ឱ្យ​ចាប់ខ្លួន​ឈ្មោះ ចិន សា​រក្ស ភេទ​ប្រុស អាយុ​២៤​ឆ្នាំ នៅ​ភូមិ​ត្រពាំង​ផ្លុ​ង​ទី​១ ឃុំ​ត្រពាំង​ផ្លុ​ង ស្រុក​ពញាក្រែក ពី​បទ​លួច​មាន​ស្ថាន​ទម្ងន់ទោស ប្រព្រឹត្ត​នៅ​ភូមិ​ថ្នល់​បែក​កើត ឃុំ​ស្វាយ​ទាប ស្រុក​ចំការលើ ខេត្តកំពង់ចាម ។

មុខសញ្ញា​លួច​និង​ប្លន់​ដ៏សកម្ម​ម្នាក់ បាន​ត្រូវ​នគរបាល​ការិយាល័យ​ព្រហ្មទណ្ឌ​កម្រិត​ធ្ងន់​ខេត្ត សហការ​ជាមួយនគរបាល​ស្រុក​ពញាក្រែក ចាប់​ឃាត់ខ្លួន​កាលពីវេលា​ម៉ោង​ប្រមាណ​៧​និង​៣០​នាទី​ព្រឹក​ថ្ងៃ​ទី​២២ ខែវិច្ឆិកា ឆ្នាំ​២០២០ ។

ក្រោយពី​ទទួល​បាន​ដីកា​​នេះ លោក​ឧត្តមស្នងការ​នគរបាល​ខេត្ត បាន​ចាត់​ឱ្យ​កម្លាំង​នគរបាល​ការិយាល័យ​ព្រហ្មទណ្ឌ​កម្រិត​ធ្ងន់​ខេត្ត ធ្វើការ​ស្រាវជ្រាវ​ជា​បន្ទាន់ ដោយ​សហការ​ជាមួយនឹង​អធិការដ្ឋាន​នគរបាល​ស្រុក​ពញាក្រែក ។ មុខសញ្ញា​នេះ ​លួច​ចូល​លំនៅ​ឋាន​នៅ​ភូមិ​ត្រពាំង​ផ្លុ​ង​ទី​១ ហើយ​កម្លាំង​សមត្ថកិច្ច​ឃើញ​ជន​នេះ​ជិះ​ម៉ូតូ​តាម​ដងផ្លូវ​ក៏​ចាប់​ឃាត់ខ្លួន​តែ​ម្ដង ។ អធិការ​នគរបាល​ស្រុក​ពញាក្រែក​រំលឹក​ថា ជន​ឈ្មោះ​សា​រក្ស គឺជា​មុខសញ្ញា​លួច​និង​ប្លន់ដ៏​សកម្ម តាំងពី​គ្រា​ដែល​មិន​ទាន់​បំបែក​ខេត្ត​កំពង់ចាម​ម្ល៉េះ ហើយ​ក៏​ធ្លាប់​ត្រូវ​បាន​កម្លាំង​នគរបាល​ចាប់ខ្លួន​នៅ​ចុងឆ្នាំ​២០១៤​ ដាក់​ពន្ធនាគារ​ខេត្ត​រហូត​ដល់​២០១៨ ទើបត្រូវ​បាន​ដោះ​លែង​តែ​ជន​នេះ​មិន​បាន​កែខ្លួន​នោះ​ទេ ពេល​ចេញ​មក​វិញ​បាន​ដើរ​តាម​គន្លង​ចាស់​ដដែល ។ ថ្វី​ដ្បិត​ជន​នេះ​មាន​ទីលំនៅ​ក្នុង​ឃុំ​ត្រពាំង​ផ្លុ​ង ស្រុក​ពញាក្រែក ក៏​ពិតមែន តែ​មិន​បាន​នៅ​ជា​អចិន្ត្រៃយ៍​ទេ គេ​តែងតែ​លួច​ចូល​លំនៅ​ឋាន​ដោយ​ស្ងាត់​ៗ​ដូច​អំពិលអំពែ​ក ។

ដោយឡែក នៅ​​ថ្ងៃ​ទី​២២ ខែវិច្ឆិកា ឆ្នាំ២០២០ ពេល​ទទួល​បាន​ដីកា​បង្គាប់​ឲ្យ​នាំ​ខ្លួនកម្លាំង​នគរបាល​ការិយាល័យ​ព្រហ្មទណ្ឌ​កម្រិត​ធ្ងន់​ខេត្ត បាន​សហការ​ជាមួយនឹង​អធិការដ្ឋាននគរបាល​ស្រុក​ពញាក្រែក តាម​ឃ្លាំ​មើលឃើញជន​នេះ​ជិះ​ម៉ូតូ​តាម​ដងផ្លូវ ក៏​ចាប់ខ្លួន​តែ​ម្ដង ។ ជន​នេះ​ត្រូវ​បាន​ប្រគល់ឲ្យ​នគរបាល​ព្រហ្ម​ទណ្ឌ​​កម្រិត​ធ្ងន់​ខេត្តកំពង់ចាម មក​ទទួល ដើម្បី​ចាត់ការ​បន្ត  ៕

Copyright © 2010-2021 · អរិយធម៌ · All Rights Reserved.
Develop by Sek Sathya