ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||   

» ព័ត៌មានជាតិ » ប៉េអឹម​ឃាត់ខ្លួន​ជនសង្ស័យ​២​នាក់ ពាក់ព័ន្ធ​ប្រើប្រាស់​និង​ចែកចាយ​ថ្នាំញៀន​ ​

ប៉េអឹម​ឃាត់ខ្លួន​ជនសង្ស័យ​២​នាក់ ពាក់ព័ន្ធ​ប្រើប្រាស់​និង​ចែកចាយ​ថ្នាំញៀន​ ​

ភ្នំពេញ ៖ កាលពី​វេលា​ម៉ោង ១០​និង​១៥​នាទី​យប់​ថ្ងៃទី​២៨ ខែកុម្ភៈ ឆ្នាំ ២០១៤ នៅតាម​បណ្ដោយ​ផ្លូវ​២១៧ ក្នុងភូមិ​បា​គូ សង្កាត់​ដង្កោ ខណ្ឌដង្កោ ខណៈ ដែល​សមត្ថកិច្ច​ជិះ​ម៉ូតូ​ល្បាត ។​
ដោយមាន​ការដឹកនាំ និង​បញ្ជា​ផ្ទាល់​ពី​មេបញ្ជាការ​កង​រាជ អាវុធហត្ថ​មូលដ្ឋាន​ខណ្ឌដង្កោ​លោក ស សុ​ភ័​ណ្ឌ បាន​បញ្ជា​ឱ្យ​រូបលោក​ដឹកនាំ កម្លាំង​ចុះ​ល្បាត​ក្នុង​មូលដ្ឋាន​តាមផ្លូវ ២១៧​ក៏បាន​ប្រទះឃើញ​បុរស​ម្នាក់​ឈ្មោះ យ៉ុង ភស្ដុភា អាយុ​២៤​ឆ្នាំ ស្រុកកំណើត នៅ​ភូមិ​ត្រញំង​ទឹម ឃុំ​ត្រញំងសាប ស្រុក បាទី ខេត្ដ​តាកែវ ជិះ​ម៉ូតូ​មួយគ្រឿង​ម៉ាក គុប​ចង្កៀង​មូល​គ្មាន​ស្លាក​លេខ​ធ្វើដំណើរ​ពី​ត្បូង​មកដល់​សមត្ថកិច្ច​លោក សង្ស័យ​ក៏​ហៅ​ឱ្យ​ឈប់​ឆែកឆេរ​សួរនាំ​គេ​ក៏​ប្រាប់ថា រូបគេ​ស្គមស្គាំង​ព្រោះ​គេ​ប្រើប្រាស់ ថ្នាំញៀន​៣​ខែ​មកហើយ ។​
ពេល​សួ​នាំ​ហើយ​ជន សង្ស័យ​រូបនេះ​ក៏បាន​ប្រាប់ថា​គេ​ធ្លាប់​ទៅ​ទិញ​ថ្នាំញៀន​នៅ​ម្ដុំ​ទួល ពង្រ ។ ពេលនោះ គេ​ក៏បាន​ជូន​សមត្ថកិច្ច​យើង​ទៅ​កន្លែង ដែល​គេ​ទិញ​ហើយ​សមត្ថកិច្ច​យើង​ក៏ ឈានដល់​ឃាត់ខ្លួន​ជនសង្ស័យ​ម្នាក់ទៀត​ឈ្មោះ សុខ ឃឿន ភេទ​ប្រុស អាយុ​២៨​ឆ្នាំ នៅវេលា​ម៉ោងជាង​១​រំលង​អា​ធ្រា​ត្រ​ឈាន ចូល​ថ្ងៃទី​១ ខែមីនា ឆ្នាំ​២០១៤ នៅក្នុង ភូមិ​ទួល​ពង្រ សង្កាត់​ចោមចៅ ខណ្ឌ ពោធិ៍​សែន​ជ័យ​ពាក់ព័ន្ធ​ករណី​ចែកចាយ​គ្រឿងញៀន ។​
មេបញ្ជាការរង​ដដែល​លោក ជា ផល្លា បាន​បន្ដទៀតថា ក្រោយមក​ក៏​នាំ ខ្លួន​ជនសង្ស័យ​នេះ​មក​ទីបញ្ជាការដ្ឋាន កងរាជអាវុធហត្ថ​មូលដ្ឋាន​ខណ្ឌដង្កោ ដើម្បី​សាកសួរ​និង​ដកហូត​វត្ថុតាង​មាន​ថ្នាំញៀន​ប្រភេទ​ម៉ា​ទឹកកក​បីកូន ថង់​តូច ទូរស័ព្ទ​២​គ្រឿង ស៊ីម​កាត​ទូរស័ព្ទ​៥ និង ថវិកា​ចំនួន​៦.៣០០​រៀល ។ ជនសង្ស័យ ឈ្មោះ សុខ ឃឿន មាន​ស្រុកកំណើត​នៅ ភូមិ​ព្រឹក្សា ឃុំ​កំចាយមា ស្រុក​មេសាង ខេត្ដ​ព្រៃវែង បច្ចុប្បន្ន​គេ​ជួល​ផ្ទះ​ស្នាក់នៅ ភូមិ​ទួល​ពង្រ សង្កាត់​ចោមចៅ ខណ្ឌ​ពោធិ៍ សែន​ជ័យ ។ ចំណែក​ឈ្មោះ យ៉ុង ភស្ដុភា នេះ​វិញ​មានមុខ​របរ​ជាង​ពី​ដាន​ជួល​ផ្ទះ នៅ​ភូមិ​ទួល​ពង្រ​នេះដែរ ៕

Copyright © 2010-2021 · អរិយធម៌ · All Rights Reserved.
Develop by Sek Sathya