ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     រោងសិប្បកម្មធំៗ កន្លែងស្ថិតនៅភូមិមេម៉ងឃុំមេម៉ងស្រុកកែវសីមា សង្ស័យមន្ត្រីជំនាញមើលរំលង​  ||   

» ព័ត៌មានជាតិ » អ្នកនាំពាក្យ​រដ្ឋបាល រាជធានី​ភ្នំពេញ ៖ បដិសេធ​ព័ត៌មាន សត្វ​ក្រពើ រួច​ចេញពី​កសិដ្ឋាន​

អ្នកនាំពាក្យ​រដ្ឋបាល រាជធានី​ភ្នំពេញ ៖ បដិសេធ​ព័ត៌មាន សត្វ​ក្រពើ រួច​ចេញពី​កសិដ្ឋាន​

ភ្នំពេញៈ នៅ​ថ្ងៃទី​១៥ ខែតុលា ឆ្នាំ​២០២០ នេះ  អ្នកនាំពាក្យ​រដ្ឋបាល រាជធានី​ភ្នំពេញ បាន​បដិសេធ​ចំពោះ​ព័ត៌មាន ដែលថា មាន​សត្វ​ក្រពើ រួច​ចេញពី​កសិដ្ឋាន នៅ​ភូមិ​ក្រាំងស្វាយ សង្កាត់​ព្រែក​កំ​ពិស ខណ្ឌដង្កោ គឺជា​ព័ត៌មាន​មិន​ពិត​នោះទេ ។​

​ទាក់ទង​ព័ត៌មាន សត្វ​ក្រពើ រួច​ចេញពី​កសិដ្ឋាន​នេះ ត្រូវបាន​អ្នកនាំពាក្យ​រដ្ឋបាល រាជធានី​ភ្នំពេញ បញ្ជាក់ថាៈ ព័ត៌មាន​ដែលថា មាន​សត្វ​ក្រពើ រួច​ចេញពី​កសិដ្ឋាន មក​ខាងក្រៅ គឺ​មិនមែនជា​រឿង ពិតប្រាកដ​ទេ គឺ​គ្រាន់តែ​ចេញពី​ក្នុង​អាង ដែល​ស្ថិតនៅក្នុង​កសិដ្ឋាន តែ​វា​ស្ថិតនៅក្នុង​ការហ៊ុមព័ទ្ធ ដោយ​កសិដ្ឋាន​ដដែល គឺ​មិនមាន​ការចេញ មក​ខាងក្រៅ​ទេ ។ ហើយ​វា​ពុំមាន​អ្វី​ជាការ​ព្រួយបារម្ភ ទៅដល់​ប្រជាពលរដ្ឋ​ទេ​។​

​អ្នកនាំពាក្យ​រដ្ឋបាល រាជធានី​ភ្នំពេញ បានបញ្ជាក់​យ៉ាង​ដូច្នេះ​ថា ” ពិតជា​មាន ប៉ុន្តែ​គ្រាន់តែ​ចេញពី​អាង​មួយ ដែល​នៅក្នុង​កសិដ្ឋាន​ធំ វា​ស្ថិតនៅក្នុង របង​ហ៊ុមព័ទ្ធ​ទីតាំង របស់គេ​ត្រឹមត្រូវ មិនមែនជា​ការបារម្ភ​ទេ ” ។​

​ការបញ្ជាក់​របស់ អ្នកនាំពាក្យ​រដ្ឋបាល រាជធានី​ភ្នំពេញ បានធ្វើ​ឡើង បន្ទាប់ពី​បណ្តាញ​សង្គម​ហ្វេ​ស​ប៊ុ​ក មួយចំនួន និង​សារព័ត៌មាន​ក្នុងស្រុក បាន​ផ្សព្វផ្សាយ​ថា មាន​សត្វ​ក្រពើ រួច​ចេញពី​កសិដ្ឋាន​ចិញ្ចឹម មក​ខាងក្រៅ ខណៈពេលដែល នៅ​ភូមិ​ក្រាំងស្វាយ សង្កាត់​ព្រែក​កំ​ពិស ខណ្ឌដង្កោ កំពុងតែ​រង​នូវ ការ​ជន់​លិច ដោយ​ជំនន់​ទឹកភ្លៀង ដែលជា​ហេតុ​ធ្វើ​ឲ្យ ប្រជាពលរដ្ឋ នៅ​តំបន់​នោះ មានការ​ព្រួយបារម្ភ ពី​សុវត្ថិភាព៕

Copyright © 2010-2021 · អរិយធម៌ · All Rights Reserved.
Develop by Sek Sathya