ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» Breaking News, ព័ត៌មានជាតិ, ព័ត៌មានអន្តរជាតិ » ល្បី ខាងប្រព្រឹត្តអំពើពុករលួយ ប្រធានសាខាគយខេត្តបាត់ដំបង​ លោក យូ ហេង ?

ល្បី ខាងប្រព្រឹត្តអំពើពុករលួយ ប្រធានសាខាគយខេត្តបាត់ដំបង​ លោក យូ ហេង ?

បាត់ដំបង ៖  ប្រភពស្និទ្ធនឹងលោក យូ ហេង ប្រធានសាខាគយខេត្តបាត់ដំបង បាន ឲ្យដឹងថា ដោយសារមានខ្នងបង្អែករឹងមាំនៅក្នុងអគ្គនាយកដ្ឋានគយនិងរដ្ឋាករកម្ពុជា ទើបលោក យូ ហេង ប្រើតួនាទីនិងអំណាចរបស់ខ្លួនប្រមូលលុយ តាមរបៀបពុករលួយ យ៉ាងសុខស្រួល។ ប្រភពបានឲ្យដឹងទៀតថា ដោយសារលោក យូ ហេង ចំណាយដើមទុនអស់ច្រើនសម្រាប់តំណែងជាប្រធានសាខាគយខេត្តបាត់ដំបង ទើបលោក យូ ហេង បើកដៃឲ្យមេគយប្រចាំច្រកព្រំដែនក្នុងស្រុកកំរៀង ស្រុកភ្នំព្រឹក ស្រុកសំពៅលូននិងស្រុកសំឡូត ធ្វើអ្វីៗតាមអំពើចិត្តរបស់ខ្លួន។ ដូច្នេះហើយទើបមេគយប្រចាំច្រកព្រំដែនក្នុងស្រុកកំរៀង ស្រុកសំឡូត ស្រុកសំពៅលូន និងស្រុកភ្នំព្រឹក ហ៊ានឃុបឃិតឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ ទំនិញខុសច្បាប់ពីទឹកដីសៀមចូលទឹកដីខ្មែរយ៉ាងរលូន។

តាមការបង្ហើបពីមន្ត្រីគយនៅក្នុងអង្គភាពសាខាគយខេត្តបាត់ដំបង មួយចំនួន បាន ឲ្យដឹងថា បើទោះបីរឿងអាស្រូវពុករលួយច្រើនបែបច្រើនយ៉ាងរបស់លោក យូ ហេង ប្រធានសាខាគយខេត្តបាត់ដំបង ត្រូវបានបណ្តាញព័ត៌នានាចុះផ្សាយ ជាបន្តបន្ទាប់ក៏ដោយក៏លោក គុណ ញឹម អគ្គនាយកគយធ្វើមិនដឹងមិនឮអ្វីទាំងអស់។ ប្រភពស្និទ្ធនឹងលោក យូ ហេង ប្រធានសាខាគយខេត្តបាត់ដំបង បានលើកឡើងថា​ ខ្នងបង្អែករបស់លោក យូ ហេង មានឥទ្ធិពលខ្លាំងក្លាជាងលោក គុណ ញឹម

អគ្គនាយកគយ ទៅទៀតទើបលោក គុណ ញឹម បណ្តោយឲ្យលោក យូ ហេង ប្រព្រឹត្តអំពើពុករលួយយ៉ាងរាលដាល។ ដូច្នេះលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មិនគួរបណ្តោយឲ្យលោក យូ ហេង ប្រធានសាខាគយខេត្តបាត់ដំបង និងមន្ត្រីក្រោមឱវាទប្រព្រឹត្តអំពើពុករលួយ យ៉ាងសុខស្រួលតទៅទៀតទេ។

ប្រភពពីមន្ត្រីពាក់ព័ន្ធនៅច្រកទ្វារអន្តរជាតិដូង ស្រុកកំរៀង បានឲ្យដឹងថា ការដែល

លោក អ៊ុំ ចាន់រតនា ប្រធានការិយាល័យគយច្រកទ្វារអន្តរជាតិដូង ហ៊ានសម្រួលឲ្យឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមអំពើចិត្តគឺដោយសារអាងមានលោក យូ ហេង ប្រធានសាខាគយខេត្តបាត់ដំបង ជាបង្អែកដ៏រឹងមាំ។ ជាងនេះទៅទៀតការដែលមេគយប្រចាំច្រកព្រំដែនក្នុងស្រុកសំឡូត ស្រុកសំពៅលូននិងស្រុកភ្នំព្រឹក ប្រព្រឹត្តអំពើពុករលួយយ៉ាងគឃ្លើន ក៏ដោយសារមានការសម្របសម្រួលពីសំណាក់លោក យូ ហេង ប្រធានសាខា គយខេត្តបាត់ដំបង ផងដែរ។ ដូច្នេះហើយទើបមានសេចក្តីអំពាវនាវឲ្យលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ចាត់វិធានការទប់ស្កាត់អំពើពុករលួយរបស់លោក យូ ហេង ប្រធានសាខាគយខេត្តបាត់ដំបង និងមន្ត្រីក្រោមឱវាទខ្លះផង ដើម្បីឲ្យស្របទៅតាមវិធានការកែទម្រង់ស៊ីជម្រៅក្នុងស្ថាប័នគយ៕

Copyright © 2010-2021 · អរិយធម៌ · All Rights Reserved.
Develop by Sek Sathya