ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ប៉ូលិស​បង្ក្រាប​ករណី​ចែកចាយ​គ្រឿងញៀន ឃាត់ខ្លួន​បាន​ជនសង្ស័យ​៤​នាក់​ ​

ប៉ូលិស​បង្ក្រាប​ករណី​ចែកចាយ​គ្រឿងញៀន ឃាត់ខ្លួន​បាន​ជនសង្ស័យ​៤​នាក់​ ​

កណ្តាល ៖ កាលពី​ថ្ងៃទី​២៦ ខែកុម្ភៈ ឆ្នាំ​២០១៤ ឃាត់ខ្លួន​បាន​ជនសង្ស័យ​៤​នាក់ និង​វត្ថុតាង​ថ្នាំញៀន​ប្រភេទ​ម៉ា​ទឹកកក​ចំនួន​២៥​កញ្ចប់​ផងដែរ ។​
​ក្រោយពី​ធ្វើការ​ឃាត់ខ្លួន​បាន​ជនសង្ស័យ និង​វត្ថុតាង​រួចមក​កម្លាំង​នគរបាល​ស្រុក​បាន​បញ្ជូន​ខ្លួន​ជនសង្ស័យ​ទៅកាន់​អធិការដ្ឋាន​នគរបាល​ស្រុក ធ្វើការ​សាកសួរ ដើម្បី​ឈានទៅដល់​ធ្វើការ​ឆែកឆេរ​បន្ទប់​ស្នាក់នៅ​របស់​ក្រុម​ជនសង្ស័យ​រក​វត្ថុតាង​បន្ថែម កសាង​សំណុំរឿង​ចាត់ការ​តាម​នីតិវិធី​ច្បាប់ ។​
​ជនសង្ស័យ​ដែល​ត្រូវបាន​ឃាត់ខ្លួន​នោះ​ទី​១-​ឈ្មោះ ឆន វិចិត្រ ភេទ​ប្រុស អាយុ​២១​ឆ្នាំ មាន​ទីលំនៅ​ក្នុងភូមិ​ឃ្លាំង​លិច ឃុំ​លើកដែក ស្រុក​កោះធំ ទី​២-​ឈ្មោះ ខ្លូត ពន្លឺ អាយុ​១៩​ឆ្នាំ មាន​ទីលំនៅ​ក្នុងភូមិ​ឃ្លាំង​លិច ឃុំ​លើកដែក ស្រុក​កោះធំ ទី​៣-​ឈ្មោះ សាយ សុខ​លីម ភេទ​ប្រុស អាត​យុ​១៩​ឆ្នាំ មាន​ទីលំនៅ​ក្នុងភូមិ​ពាម​ផ្ទោល​លិច ឃុំ​លើកដែក ស្រុក​កោះធំ និង​ទី​៤​ឈ្មោះ សុង រ៉ានី ភេទ​ប្រុស អាយុ​១៩​ឆ្នាំ មាន​ទីលំនៅ​ក្នុងភូមិ​ឃ្លាំង​កើត ឃុំ​លើកដែក ស្រុក​កោះធំ ។ ជនសង្ស័យ​ទាំង​៤​នាក់ បច្ចុប្បន្ន​ស្នាក់់នៅ​បន្ទប់​ផ្ទះជួល​នៅក្នុង​ភូមិ​/​ឃុំ​កើតហេតុ ដើម្បី​សិក្សា​នៅ​សាលា​វិទ្យាល័យ​ស្រុក​កោះធំ ។​
​ក្រោយពី​ធ្វើការ​ឃាត់ខ្លួន​ជនសង្ស័យ រួចមក​សមត្ថកិច្ច​បា​ន​ធ្វើការ​ដកហូត​បាន​វត្ថុតាង​ថ្នាំញៀន​ប្រភេទ​ម៉ា​ទឹកកក​ចំនួន​២៥​កញ្ចប់ ម៉ូតូ​២​គ្រឿង​មួយគ្រឿង​ម៉ាក​ហុងដា​ឌ្រី​ម ធុន​សេ​១២៥ និង​មួយគ្រឿង​ទៀត​ម៉ាក​ហុងដា​ស្គុ​ប​ពី ។​
​លោក មុយ ចាន់​ពេជ្រ បាន​បន្តទៀតថា រហូតមកដល់​ល្ងាច​ថ្ងៃទី​២៦ ខែកុម្ភៈ ឆ្នាំ​២០១៤ នេះ​សមត្ថកិច្ច​កំពុងធ្វើការ​ស្រាវជ្រាវ​បន្តទៀត ដើម្បី​កសាង​សំណុំរឿង​ចាត់ការ​តាម​នីតិវិធី​ច្បាប ៕

Copyright © 2010-2021 · អរិយធម៌ · All Rights Reserved.
Develop by Sek Sathya