ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» Breaking News, ព័ត៌មានជាតិ » ធុំក្លិន​មិន​ស្រួល​ចេញពី​កន្លែង​ម៉ូតូ​ស​

ធុំក្លិន​មិន​ស្រួល​ចេញពី​កន្លែង​ម៉ូតូ​ស​

ភ្នំពេញៈ មន្ត្រីនគរបាល​ល្អិតល្អោច​អត់​ខ្សែ​ទុយោ​នឹង​គេ បាន​ខ្សឹប​តាម​កាសែត​អរិយធម៌​ថា «​លោក​ង៉ែត សុ​គ័​ន្ធ ប្រធាន ការិយាល័យ​ការពារ​និង​ហែ​អម​នៃ​នាយកដ្ឋានអង្គរក្ស​ក្រសួង​មហាផ្ទៃ កំពុងតែ​ជាន់ក​ដកស្លាប​មន្ត្រី​ថ្នាក់ក្រោម និង​លួច​បញ្ចេញ​កម្លាំង​ទៅ​ការពារ​តាម​រោង​ចក្រ ក្រុមហ៊ុន សហគ្រាស យក​ប្រយោជន៍​ដាក់​ហោប៉ៅ​និង​ធ្វើ​ព្យុះ​ធ្វើ ភ្លៀង​តាម​អំពើ​ចិត្ត​»​។​មន្ត្រី​ទាំង​នោះបាន​បន្តថា ក្រុមមន្ត្រី​ម៉ូតូ​ហែ​អម​(​ម៉ូតូ​ស​) មាន​គ្នា​ប្រមាណ​ជាង​២៣០​នាក់ តែមាន​វត្ត​មានមក ធ្វើការ​មិន​ដល់​១០០​នាក់​ទេ ក្រៅពីនោះ​លោក​ប្រធាន​ង៉ែត សុ​គ័​ន្ធ បញ្ចេ​ញ​ឲ្យ​ទៅ​ការពារ​តាម​បណ្តា​ក្រុមហ៊ុន ឯកជន​យក​ប្រាក់ខែ​ពី​ឈ្មួញ ហើយ​លុយ​ការ​ពារ​ក្រៅផ្លូវការ​ទាំងនោះ លោក​ប្រធាន​គាត់​ដកយក​៤០%​នៃ​ប្រាក់ ខែ រួច​ប្រាក់ខែ​រដ្ឋ​ក៏ត្រូវ​លោក​កាត់​យក​ដែរ គឺ​ក្នុង​១​ខែៗ​លោក​ប្រធាន​ម្នាក់នេះ​គ្រប់ទឹក​តែម្តង​។​

គេ​និយាយទៀតថា បើ​មន្ត្រី​ណា​ជា​ខ្សែ​របស់គាត់​ទើប​បានចេញ​ម៉ូតូ​ទៅ​បើ​កអម​ភ្ញៀវ តែបើ​មិនមែន​គ្នា​គាត់​ទេ​គឺ អង្គុយ​អាន​កាសែត​នៅ​ការិយាល័យ​។ លុយ​ដែល​បាន​ពី​ភ្ញៀវ​ឬ​ពី​គណៈ​ប្រតិភូ​នានា គឺ​លោក​ប្រមូលយក​អស់ ដោយ​ចែក​មកវិញ​បាន​តិចតួច​បំផុត​។ គេ​បន្ត​ថា ម៉ូតូ​សអម​ភ្ញៀវ​មាន​៨២​គ្រឿង គឺ​ខូច​អស់​៨​គ្រឿង​ហើយ ដោយ លោក​ប្រធាន​ម្នាក់នេះ​មិន​រវីរវល់​ធ្វើការ​ជួសជុល​ទេ ចង់​ខូច​អី​ខូច​ទៅ ហើយ​ម្យ៉ាងទៀត​ក្រុម​ជួសជុល​ម៉ូតូ​ក៏​គេ​រត់ អស់​ដែរ ព្រោះ​ជួសជុល​ម៉ូតូ​ហើយ​មិន​ឲ្យ​លុយ​គេ​។

មន្ត្រីនគរបាល​នោះបាន​បន្តថា ធម្មតា​លុយ​ដែល​ចេញ​បេសកកម្ម​អម​ភ្ញៀវ​គឺ​គេ​ឲ្យ​ជា​កញ្ចប់​​ទៅតាម​ចំនួន​មន្ត្រី ដែល​ចុះទៅ​ការពារ​និង​ហែ​អម​នោះ តែ​លុយ​កញ្ចប់​ទាំងនោះ​ត្រូវបាន​លោក​ប្រធាន​ដកយក​ស្ទើរ​អស់ ទើប​ទំលាក់ មក​ឲ្យ​កូនចៅ​។​

គេ​និយាយថា លោក​ង៉ែត សុ​គ័​ន្ធ ពិតជា​ស្រួល​ណាស់ ស៊ីលុយ​បេសកកម្ម​កូនចៅ​ផង ស៊ីលុយ​យាម​ខាងក្រៅ ផង និង​ស៊ី​លុយកាក់​ប្រាក់ខែ​ទៀត ពិតជា​គ្រប់ទឹក​ណាស់​។ អ្វី​ដែល​​ត្រូវ​មើល​ជាបន្ទាន់​នោះ គឺ​ការបញ្ចេញ​កម្លាំង ជាង​១០០​នាក់ ឲ្យ​ទៅ​ការពារ​ក្រុមហ៊ុន​ឯកជន ហើយ​លុះដល់​ថ្ងៃ​បើកប្រាក់​ខែ​មក​បើកប្រាក់​ខែ​រដ្ឋ​ចែកជា​មួយ​មេៗ​។

គេនិយាយទៀតថា ទោះបីជា​លោក​ដល់​អាយុ​ចូលនិវត្តន៍​ហើយ ក៏​ពុំ​ព្រម​ចូល​ដែរ ព្រោះ​ជា​កន្លែង​ខ្លាញ់ ហើយ​ថ្នាក់ លើ​ឲ្យ​កាន់ការ​ងារ​ធំ​ជាង​នេះ​ក៏​គាត់​មិន​ទៅ​ដែរ ដោយ​ខ្លាច​ផុត​លុយ ហេស​!​ហេ​! ។ នៅមាន​រឿង​មិន​ប្រក្រតី​ជា ច្រើន​ទៀត ដែល​កាសែត​អរិយធម៌​នឹង​លើក​យកមក​ខ្សឹប​ដាក់​កាសែត​នៅ​លេខ​ក្រោយ​ទៀត​៕​ដោយ​៖ ព្រហ្ម ពៅ

Copyright © 2010-2021 · អរិយធម៌ · All Rights Reserved.
Develop by Sek Sathya