ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||     ល្បី! អ្នកមានលុយ អ្នកមានអំណាច ទន្រ្ទានកាន់កាប់ដីចំណីព្រែក ក្នុងស្រុកកំពង់សិលា យ៉ាងរលូន?​  ||   

» Breaking News, ព័ត៌មានជាតិ » លោក ឈាង វុន មាន​សុទិដ្ឋិនិយម ការជួបគ្នា CPP​និង​CNRP ​

លោក ឈាង វុន មាន​សុទិដ្ឋិនិយម ការជួបគ្នា CPP​និង​CNRP ​

ភ្នំពេញ​៖ នៅ​ព្រឹក​ថ្ងៃទី​២៥ ខែកុម្ភៈ ថា ការជួបគ្នា​លើក​នេះ ពិតជា​អាច​ដោះស្រាយបាន ដោយសារ តែ​គណបក្ស ទាំងពីរ​ជា​ខ្មែរ​ដូចគ្នា ហើយ​ពិតជា​លើកយក​បញ្ហា ដែល​ខ្មែរ​ជួបប្រទះ មក​ដោះស្រាយ​ដើម្បី​បញ្ចប់​ជំលោះ ក្រោយ​ការ បោះឆ្នោត​។​
​លោក​បាន​បញ្ជាក់ថា “​បើ​យើង​គិត​មែនទែនទៅ នៅ​កម្ពុជា​យើង​នេះ គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ មិនមែនជា​សត្រូវ​គ្នា​ទេ គឺ​យើង​ខ្មែរ​ដូចគ្នា ហើយ​ខ្ញុំ​នៅតែ​ជឿថា ថ្នាក់ដឹកនាំ​គណបក្ស​ទាំងពីរ អាច​អង្គុយ​ជជែក​គ្នា​បាន រក ដំណោះស្រាយ​ជូន​ប្រជាពលរដ្ឋ ព្រោះ​លោក​មាន​ភារកិច្ច​ដូចគ្នា​បម្រើ​ប្រជាពលរដ្ឋ ចឹ​ង​បានជា​ខ្ញុំ​មានគំនិត​ថា បញ្ហា​ហ្នឹង​អាច ដោះស្រាយ​គ្នា​បាន​”​។​
​លោក​បន្តថា ចំពោះ​ទីតាំង​នៃ​ការជួបគ្នា​នោះ មិនទាន់​បានកំណត់​ឲ្យ​ច្បាស់លាស់​នៅឡើយ​ទេ ព្រោះ​បើតាម​លោក គណបក្ស ប្រជាជន​កម្ពុជា​ចង់ យក​ទីតាំង​រដ្ឋសភា​សម្រាប់​ការជួបគ្នា ប៉ុន្តែ​ត្រូវបាន​គណបក្ស​សង្គ្រោះ​ជាតិ​លើកឡើងថា រដ្ឋសភា​ជា​កន្លែង ប្រមូលផ្តុំ​ទៅ សមាជិក​គណបក្ស​ប្រជាជន​ច្រើន មិន​សមស្រប​ក្នុងការ​ជួបពិភាក្សា​។ ប៉ុន្តែ​លោក​បាន​ឲ្យ​ថា រដ្ឋសភា​មិនមែនជា កន្លែង​ផ្តាច់​មុខរប ស់​គណបក្ស​ប្រជាជន​កម្ពុជា​ទេ​។​
​សូមបញ្ជាក់ថា តាម​ការគ្រោងទុក​ជំនួប​ចរចា​ជាថ្មី​និយាយ​ពី កំណែទម្រង់​បោះឆ្នោត មាន​សមាសភាព​ចូលរួម​ពិភាក្សា​ម្ខាង ៦​នាក់ ក្នុងនោះ​ភាគី​ខាង​គណបក្ស​ប្រជាជន​កម្ពុជា មាន​ឧបនាយករដ្ឋមន្ត្រី ប៊ិន ឈិន​, លោក ជាម យៀប​, លោក ឈាង វ៉ុ​ន​, លោក ប៉ែន បញ្ញា និង​លោក ស៊ិ​ក ប៊ុន​ហុក និង​លោកស្រី គ្រួច សំអាន​។ រីឯ​គណបក្ស​សង្គ្រោះ​ជាតិ រួមមាន លោក សុន ឆ័យ​, លោក យឹម សុវណ្ណ​, លោក គួ​យ ប៊ុន​រឿន​, លោក អេង ឆៃអ៊ាង និង​លោក ម៉ៅ មុន្នី​វណ្ណ និង លោក ហូរ វ៉ាន់​៕

Copyright © 2010-2021 · អរិយធម៌ · All Rights Reserved.
Develop by Sek Sathya