ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » ម៉ូតូ​ពីរ​គ្រឿង​បុក​គ្នា បណ្តាល​ឲ្យ​បុរស​២ នាក់​ស្លាប់បាត់​បង់ជីវិត និង​ម្នាក់ទៀត​រងរបួស​ធ្ងន់​

ម៉ូតូ​ពីរ​គ្រឿង​បុក​គ្នា បណ្តាល​ឲ្យ​បុរស​២ នាក់​ស្លាប់បាត់​បង់ជីវិត និង​ម្នាក់ទៀត​រងរបួស​ធ្ងន់​

ភ្នំពេញ៖ បុរស ២​នាក់ បាន​ស្លាប់បាត់​បង់ជីវិត​យ៉ាង​អាណោចអាធ័ម​នៅក្នុង​ថ្លុកឈាម ចំណែក​នារី​ម្នាក់ទៀត ត្រូវ​រងរបួស​ធ្ងន់ធ្ង​រដឹក​បញ្ជូនទៅ​សង្គ្រោះ​នៅ​មន្ទីរពេទ្យ​ភ្លាមៗ ខណៈដែល​អ្នក​ទាំង​៣ ជិះ​ម៉ូតូ​ពីរ​គ្រឿង​បុក គ្នា យ៉ាង​ពេញទំហឹង​នៅតាម​បណ្តោយ​ផ្លូវ​ព្រះសីហនុ កែង​ផ្លូវ​លេខ ១១៣ ក្នុង​សង្កាត់​បឹង​កេងកង​ទី​២  ខណ្ឌ ចំការមន  កាលពី​វេលា​​ម៉ោង ១ និង ៤០ នាទី​យប់​រំលង​អា​ធ្រា​ត្រ​ឈានចូល​ថ្ងៃទី ១១ ខែកក្កដា​ឆ្នាំ ២០១៣ ។

​យោងតាម​សេចក្តីរាយការណ៍​ពី​កន្លែងកើតហេតុ​ពាក់ព័ន្ធ​នឹង​ករណី​គ្រោះថ្នាក់​ចរាចរ​ណ៍​​​ដ៏​រន្ធត់​ខាងលើ នេះ​បាន​ឲ្យ​ដឹងថា នៅ​មុនពេល​កើតហេតុ​គេ​បានឃើញ​បុរស​ម្នាក់​វ័យ​ជាង ៤០ ឆ្នាំ ជិះ​ម៉ូតូ​មួយគ្រឿង​ម៉ាក​គុប​ជ្រុង ធ្វើដំណើរ​តាម​បណ្តោយ​ផ្លូវ​១១៣ ក្នុងទិសដៅ​ពី​ត្បូង​ទៅ​ជើង ដោយបាន​ជិះ​យ៉ាង​លឿន ខណៈ មកដល់​ចំណុច​កែង​ផ្លូវ​ព្រះសីហនុ ក៏ត្រូវ​បុរស​ម្នាក់​ជិះ​ម៉ូតូ​មួយគ្រឿង​ម៉ា​កនិច ពណ៌​ស ពាក់​ស្លាក​លេខ ភ្នំពេញ 1BS-8485 ឌុប​ស្រី​ស្នេហ៍​ម្នាក់ ធ្វើដំណើរ​តាម​បណ្តោយ​ផ្លូវ​ព្រះសីហនុ​ក្នុងទិសដៅ​ពី​លិចទៅ​កើត ដោយបាន​បើកបរ ក្នុង​ល្បឿន​យ៉ាង​លឿន​ដូចគ្នា បាន​ជ្រុល​បុក​ចំពាក់​កណ្តាល​ម៉ូតូ​គុប​ជ្រុង​យ៉ាង​ពេញទំហឹង បណ្តាល​ឲ្យ​ម្ចាស់​ម៉ូតូ​គុប​ជ្រុង ហោះ​ផ្លោង​អូស​ជាប់​ជាមួយ​ម៉ូតូ​បោក​ក្បាល​ហូរឈាម​ស្រោច​ខ្លួន​ស្លាប់​យ៉ាង​អាណោចអាធ័ម​នៅក្នុង​ថ្លុកឈាម ចំណែក​បុរស​ជា​ម្ចាស់​ម៉ូតូ​និ​ច​ក៏ត្រូវ​បោក​ក្បាល​នឹង​ថ្នល់​ស្លាប់បាត់​បង់ជីវិត​ដូចគ្នា ឬ ឯ​នារី​ម្នាក់​ដែល​រួម​ដំណើរ ជាមួយ​បុរស​ជិះ​ម៉ូតូ​និ​ច ត្រូវ​រងរបួស​ធ្ងន់ធ្ង​រ​បាន​រថយន្ត​សាមុយ​មក​ដឹក​យកទៅ​សង្គ្រោះ​នៅ​មន្ទីរពេទ្យ​។

​ពាក់ព័ន្ធ​នឹង​ហេតុការណ៍​គ្រោះថ្នាក់​ចរាចរណ៍​នេះ​ម៉ូតូ​ទាំងពីរ​គ្រឿង​ត្រូវ​រង​នៅ​ការខូច​ខាត​ទាំងស្រុង ចំណែក​សាកសព​នៅ​មិនទាន់បាន​ស្គាល់​អត្តសញ្ញាណ​នៅឡើយ​ទេ ដោយសារ​សមត្ថកិច្ច​បា​ន​នឹង​កំពុង​ព្យាយាម​ទំនាក់ទំនង​ទៅ​ក្រុមគ្រួសារ​របស់​សាកសព​រងគ្រោះ​ឲ្យ​មក​ទទួលយក​ទៅធ្វើ​បុណ្យ​តាម​ប្រពៃណី ។ ហើយ​ម៉ូតូ​របស់​ពួកគេ​ត្រូវបាន​សមត្ថកិច្ច​ចុះ​វាស់វែង​អូស​យកទៅ​រក្សាទុក​នៅ​ការិយាល័យ​ចរាចរណ៍​ជើងគោក រាជ​ធានី​​ភ្នំពេញ រង់ចាំ​ដោះស្រាយ​តាមផ្លូវ​ច្បាប់។​ សមត្ថកិច្ច​បានបញ្ជាក់​ថា ហេតុការណ៍​ដ៏​រន្ធត់​គួរ​ឲ្យ​ញញើត​នេះ បង្កឡើង​ដោយសារ​ម្ចាស់​ម៉ូតូ​ទាំង ២​គ្រឿង​បើកបរ​លឿន​ដូចគ្នា ទើប​បណ្តាល​ឲ្យ​ជ្រុល​បុក​គ្នា​យ៉ាង​ពេញទំហឹង តែម្តងទៅ​៕ ដោយ​៖ ទុយ បញ្ញា

Copyright © 2010-2021 · អរិយធម៌ · All Rights Reserved.
Develop by Sek Sathya