ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||   

» ព័ត៌មានជាតិ » រថយន្ត​ហ៊ីយ៉ាន់ដាយ​បុក​គាប​ជាប់​គ្នា​ជាមួយ​រថយន្ត​កូរ៉ូឡាបង្ក​ការ​កក​ស្ទុះ​ចរាចរណ៍​រាប់​ម៉ោង

រថយន្ត​ហ៊ីយ៉ាន់ដាយ​បុក​គាប​ជាប់​គ្នា​ជាមួយ​រថយន្ត​កូរ៉ូឡាបង្ក​ការ​កក​ស្ទុះ​ចរាចរណ៍​រាប់​ម៉ោង

ភ្នំពេញ​៖ រថយន្ត​ពីរ​គ្រឿង​បុក​គ្នា បង្ក​ឲ្យ​មានកក​ស្ទុះ​ចរាចរណ៍​រាប់​ម៉ោង នៅ​ចំណុច​មុខ​វត្ត​នន​មុនី តាម​បណ្តោយ​ផ្លូវ​ព្រះ​មុនី​រ៉េត សង្កាត់​ស្ទឹងមានជ័យ​ខណ្ឌមានជ័យ កាលពី​វេលា​ម៉ោង ១៧ និង ០០ នាទី​ល្ងាច ថ្ងៃទី ១០ ខែកក្កដា ឆ្នាំ​២០១៣។

​សមត្ថកិច្ច​មូលដ្ឋាន​បាន​ឲ្យ​ដឹងថា គ្រោះថ្នាក់​នេះ​នៅ​មុនពេល​កើតហេតុ​គេ​បានឃើញ​រថយន្ត​១​គ្រឿង ម៉ាក ហ៊ីយ៉ាន់ដាយ ពណ៌​ផ្ទៃមេឃ ពាក់​ស្លាក​លេខ​តាកែវ 3A-0747 បើកបរ​ដោយ​បុរស​ម្នាក់ ធ្វើដំណើរ​តាម​បណ្តោយ ផ្លូវ​ព្រះ​មុនី​រ៉េត ក្នុងទិសដៅ​ពី​ជើង​ទៅ​ត្បូង ដោយបាន​បើក​ក្នុង​ល្បឿន​លឿន លុះ​បើក​មកដល់​ចំណុចកើតហេតុ ស្រាប់​តែមាន​រថយន្ត​កូរ៉ូឡា​មួយគ្រឿង ពណ៌​សំបក​ឪឡឹក ពាក់​ស្លាក​លេខ​ភ្នំពេញ 2C-9505 បាន​បើក​វ៉ា រថយន្ត​ហ៊ីយ៉ាន់ដាយ ក្នុងទិសដៅ​ពី​ស្រប​ទិស​គ្នា​ខណៈនោះ​រថយន្ត​កូរ៉ូឡា បាន​បើក​គេច​​ពី​ម៉ូតូ ទាញ​ចង្កូត​មក​ស្តាំ​ដៃ ក៏ត្រូវ​រថយន្ត​ហ៊ីយ៉ាន់ដាយ​ដែល​កំពុង​ជិះ​ពីក្រោយ​បាន​បុក​ពេញទំហឹង បណ្តាល​ឲ្យ​រថយន្ត​ទាំងពីរ​គ្រឿង គាប​ជាប់​គ្នា បន្តដំណើរ​ទៅមុខ​លែង​រួច បង្ក​ការកកស្ទះ​ចរាចរណ៍​យ៉ាង​កកកុញ អស់​រយៈពេល​ជាច្រើន​ម៉ោង។​ក្រោយពី​កើតហេតុ សមត្ថកិច្ច​បាន​ចុះមក​សម្របសម្រួល​តម្រូវ​ឲ្យ​ភាគី​ទាំងពីរ យក​រថយន្ត​​របស់​ពួកគេ​ទៅ ជួសជុល​រៀងៗ​ខ្លួន ព្រោះ​ដោយសារ​អ្នក​ទាំងពីរ​សុទ្ធតែជា​អ្នក​ខុស​ដូចគ្នា។ សមត្ថកិច្ច មូលដ្ឋាន​បាន​ឲ្យ​ដឹង​ហេតុការណ៍​នេះ​បង្កឡើង​ដោយសារ​រថយន្ត​ទាំងពីរ​បើក​លឿន ជាពិសេស រថយន្ត​កូរ៉ូឡា បើក​គេច​ម៉ូតូ​មិន​មើល​ក្រោយ ទើប​បណ្តាល​ឲ្យ​រថយន្ត​ហ៊ីយ៉ាន់ដាយ​ដែល​មកពី​ក្រោយ​បុក​យ៉ាង​ពេញទំហឹង​បែបនេះ​តែ​ម្តង​ទៅ៕ ​ដោយ​៖ ទុយ បញ្ញា​

Copyright © 2010-2021 · អរិយធម៌ · All Rights Reserved.
Develop by Sek Sathya