ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » បញ្ជូន​ជនសង្ស័យ​ម្នាក់ ទៅ​តុលាការខេត្ត​ពីបទ​រំលោភ ​

បញ្ជូន​ជនសង្ស័យ​ម្នាក់ ទៅ​តុលាការខេត្ត​ពីបទ​រំលោភ ​

បាត់ដំបងៈ កម្លាំង​នគរបាល ការិយាល័យ ព្រហ្មទណ្ឌ កម្រិតធ្ងន់ បាន​បញ្ជូន​ជន សង្ស័យ​ម្នាក់ ទៅ​តុលាការ ខេត្ត​កាលពី​ព្រឹក​ថ្ងៃទី​២៤ ខែកុម្ភៈ ឆ្នាំ​២០១៤ ពីបទ​រំលោភ សេពសន្ថវៈ ដែល​ជនសង្ស័យ បាន​ប្រព្រឹត្ត កាលពី​ល្ងាច​ថ្ងៃទី​២១ ខែកុម្ភៈ ឆ្នាំ​២០១៤ នៅ​ចំណុច​ភូមិ​កៀន​កេះ​១ ឃុំ​គោក​ឃ្មុំ ស្រុក​ថ្មគោល ។​
​យោងតាម​របាយការណ៍ របស់​អធិការដ្ឋាន នគរបាល​ស្រុក​ថ្មគោល គេ​បានដឹងថា ជនសង្ស័យ ដែល សមត្ថកិច្ច​ឃាត់ខ្លួន​មានឈ្មោះ តាន់ សារ៉ាត់ ភេទ​ប្រុស អាយុ​៣៤​ឆ្នាំ មុខរបរ លក់​មាន់ មាន​ទីលំនៅ​ភូមិ គោក​ត្រប់ ឃុំ​តា​ម៉ឺន ស្រុក​ថ្មគោល ។ ចំណែក​ជនរងគ្រោះ​មាន អាយុ​៣២​ឆ្នាំ មុខរបរ លក់​មាន់​បោច​ស្រាប់ មាន​ទីលំនៅ​ភូមិ​កៀន​កេះ​១ ឃុំ​គោក​ឃ្មុំ ស្រុក​ថ្មគោល ។ តាម​របាយការណ៍ បាន​បញ្ជាក់ថា មុនពេល​កើត ហេតុ​កាលពី​វេលា​ម៉ោង​៤ ល្ងាច​ថ្ងៃទី​២១ ខែកុម្ភៈ ឆ្នាំ​២០១៤ ជនសង្ស័យ​និង ជនរងគ្រោះ​រួម និង​ម្ចាស់ ផ្ទះ​ឈ្មោះ ព្រឿង សំនៀង ភេទ​ស្រី អាយុ​៤៣​ឆ្នាំ បាននាំគ្នា​ផឹកស៊ី ស្រា​បៀរ​លី​អូរ ជិត​១​កេះ រួច​បាន​ឱបថើប គ្នា​បម្រុង​រំលោភ តែ​មិនបាន​សម្រេច​ទេ លុះ​ស្អែក​ឡើង ទើប​ជនរងគ្រោះ​មកប្តឹង សមត្ថកិច្ច​ឲ្យ ជួយ​អន្តរាគមន៍ ។​
​ជនសង្ស័យ​បាន​ឆ្លើយ​សារភាព នៅ​ចំពោះមុខ​សមត្ថកិច្ច​ថា នៅ​យប់កើតហេតុ ខ្លួន​បាននាំគ្នា​ផឹកស៊ី ជាមួយគ្នា​៣​នាក់ រួមជាមួយ​ម្ចាស់ផ្ទះ ពេល​ស្រវឹង​ខ្លាំង ខ្លួន​ក៏បាន​ឱបថើប​គ្នា ជាមួយ​ជនរងគ្រោះ ហើយ សម្រាត​បម្រុង​រំលោភ តែ​ដោយ​ជនរងគ្រោះ​រើបម្រះ ក៏​ខ្លួន​មិនបាន​រំលោភ​ទេ ព្រមទាំង​ជូន​ជន រងគ្រោះ ទៅផ្ទះ ហើយក៏​ត្រឡប់មកវិញ​។ លុះ​ស្អែក​ឡើង​ស្រាប់តែ​សមត្ថកិច្ច មកឃាត់​ខ្លួន​នៅតាម​ដងផ្លូវ នាំយកទៅ អធិការដ្ឋាន​ស្រុក​សាកសួរ រួច​បញ្ជូន​បន្តម​កស្ន​ង​ការ ខេត្ត​តែម្តង ។​
​បច្ចុប្បន្ន​កម្លាំង ការិយាល័យ​ជំនាញ បាន​កសាង​សំណុំរឿង បញ្ជូន​ជនសង្ស័យ​បន្ត ទៅ​តុលាការ ខេត្ត នៅ​ព្រឹក ថ្ងៃទី​២៤ ខែកុម្ភៈ ឆ្នាំ​២០១៤​នេះ ដើម្បី​ចាត់ការ​បន្ត​តាមច្បាប់ ៕ ដោយ​៖ មករា​

Copyright © 2010-2021 · អរិយធម៌ · All Rights Reserved.
Develop by Sek Sathya