ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     រោងសិប្បកម្មធំៗ កន្លែងស្ថិតនៅភូមិមេម៉ងឃុំមេម៉ងស្រុកកែវសីមា សង្ស័យមន្ត្រីជំនាញមើលរំលង​  ||   

» Breaking News, ព័ត៌មានជាតិ » មេ​ប៉ូលិស​ប្រឆាំង​បទល្មើស​សេដ្ឋកិច្ច​ខេត្ដ​កំពត​ សប្បាយ​កើប​លុយ​ពី​ទំនិញគេចពន្ធ​ ​

មេ​ប៉ូលិស​ប្រឆាំង​បទល្មើស​សេដ្ឋកិច្ច​ខេត្ដ​កំពត​ សប្បាយ​កើប​លុយ​ពី​ទំនិញគេចពន្ធ​ ​

កំពត​៖ ប្រជាពលរដ្ឋ​បាន​រាយការណ៍​មក​ថា មាន​ប៉ុស្ដិ៍​កុងត្រូលជជុះ​របស់​ប៉ូលិស​ប្រឆាំង​បទល្មើស​សេដ្ឋកិច្ច​នៃ ស្នងការដ្ឋាន​នគរបាល​ខេត្ដ​កំពត រីក​ដូច​ផ្សិត​ដើម្បី​ចាប់​រថយន្ដ​ដឹក​ប្រេង​គេចពន្ធ​ចូល​មកពី​ប្រទេស វៀតណាម​ឲ្យ​ចូល​បង់លុយ​យ៉ាង​អាណាធិបតេយ្យ​។​

​ប្រជាពលរដ្ឋ​នូវបាន​ឲ្យ​ដឹង​ទៀតថា ប៉ូលិស​សេដ្ឋកិច្ច ខេត្ដ​កំពត បាន​បើករថយន្ដ​ប្រដេញ និង​គៀង​រថយន្ដ​ដឹក​ប្រេង​គេចពន្ធ​ឲ្យ​ចូល​បង់លុយ​យ៉ាង​ប្រសេចប្រសាច មើលទៅ​គួរ​ឲ្យ​ទើសភ្នែក​ក្រៃលែង ជាពិសេស ការ​ប្រដេញ​គ្នា​នេះ​អាច​បង្ក​គ្រោះថ្នាក់ ចំពោះ​ប្រជាពលរដ្ឋ​ស្លូតត្រង់​ដែល​កំពុងធ្វើដំណើរ​លើ​ដងផ្លូវ​ជាតិ ជាមិនខាន​។​

​លោក ហ៊ីង ប៊ុន ឈឿន ប្រធានការិយាល័យ​នគរបាល​ប្រឆាំង​បទល្មើស​សេដ្ឋកិច្ច ខេត្ដ​កំពត កំពុងតែ​សកម្ម​ក្នុងការ​ប្រមូល​លុយ​ពី​ក្រុម​ឈ្មួញ​រកស៊ី​ដឹកជញ្ជូន​ទំនិញ ឆ្លងកាត់​ខេត្ដ​កំពត ជាពិសេស ទំនិញគេចពន្ធ និង​ប្រេងឥន្ធនៈ​គេចពន្ធ ដោយ​ពង្រាយ​មន្ដ្រី​ជំនិត​របស់ខ្លួន​ដាក់​ប៉ុស្ដិ៍​កុងត្រូលជជុះ តាមផ្លូវ​សំខាន់ៗ​ក្នុង​ខេត្ដ​កំពត​។ រថយន្ដ​ដឹកទំនិញ​គ្រប់​ប្រភេទ​រួមទាំង​រថយន្ដ​ដឹក​ប្រេង​គេចពន្ធ​តម្រង់​ជួរ គ្នា​ចូល​បង់លុយ​ឲ្យ​ប៉ុស្ដិ៍​កុងត្រូលជជុះ​របស់លោក ហ៊ីង ប៊ុន ឈឿន ហើយ​ប្រជាពលរដ្ឋ​បានឃើញ​សកម្មភាព​ប្រដេញ​រថយន្ត​ដឹកទំនិញ​ឲ្យ​ចូល​បង់លុយ​ពី ប៉ូលិស​សេដ្ឋកិច្ច ដែល​បាន​បើករថយន្ត​ផ្ដាច់​ព្រលឹង មិន​គិតពី​គ្រោះថ្នាក់​ប្រជាពលរដ្ឋ​ស្លូតត្រង់​ធ្វើដំណើរ​តាមផ្លូវ​នោះទេ​។​

​តាម​ច្រករបៀង​ស្រុក​កំពង់ត្រាច អ្នករកស៊ី​ដឹកជញ្ជូន​ទំនិញគេចពន្ធ​ដូចជា ប្រេងឥន្ធនៈ ជ្រូក មាន់ ទា ត្រី និង​ស៊ុត ត្រូវ​ចូល​បង់លុយ​ឲ្យ​មន្ដ្រីនគរបាល​របស់លោក ហ៊ីង ប៊ុន ឈឿន​។ ចំណែក​ពួក​ឈ្មួញ​រកស៊ី​នាំ​ទំនិញគេចពន្ធ​ធំៗ​ត្រូវ​លោក ហ៊ីង ប៊ុន ឈឿន ចេញមុខ​ក្ដោប​ក្ដាប់​យក​ដោយ​ខ្លួនឯង ដើម្បី​កុំ​ឲ្យ​បែក​ទឹក​លុយ​។ បើ​យោងតាម​ប្រភព​មួយ​បាន​ឲ្យ​ដឹង​ទៀតថា លោក ហ៊ីង ប៊ុន ឈឿន បានដាក់​កូនចៅ​តាម​ដងផ្លូវ​យូ​ឆ្នាំ​មកហើយ ដើម្បី​ឲ្យ​កូនចៅ​រក​ចំណូល​ជា​រៀងរាល់ខែ សម្រាប់​ផលប្រយោជន៍​ផ្ទាល់ខ្លួន​បើ​កូនចៅ​ណា​រកលុយ​មិនបាន​បង់​ត្រូវ​លោក ហ៊ីង ប៊ុន​ឈឿន​ដក​មកអោយ​អង្គុយ​មើល​កាសែត​នៅ​ការិយាល័យ  អញ្ចឹង​បានជា​កូនចៅ​របស់លោក​ហ៊ីង ប៊ុន​ឈឿន​ខំប្រឹង​រក​ចំណូល​បង់អោ​យ​មេ​ទាំងយប់​ទាំង​ថ្ងៃ​។​ឈ្មួញ​រកស៊ី មួយចំនួន​នាំគ្នា​និយាយ​រិះគន់​ប៉ូលីស​សេ​ដ្ធ​កិច្ច​ខេត្តកំពត​ថា​ជា​ប៉ូលិស ច្របាច់ករ​ឈ្មួញ​រកប្រាក់​ចំណូល​បង់អោ​យ​មេ​។​គួ​បញ្ជាក់​ផងដែរ​ថា​លោក​ហ៊ីង ប៊ុន​ឈឿន​ប្រធានការិយាល័យ​សេ​ដ្ធ​កិច្ច​ខេត្តកំពត​បានដាក់​កុង​ត្រូល​ជជុះ ជាច្រើន​កន្លែង​ទី​១ នៅ​ច​ណុ​ច​ត្រពាំង​ល្ពៅ​ស្រុក​ទឹកឈូ​ទី​២  ព្រែក​ចាក​ស្ថិតនៅ​ស្រុក​កំពង់ត្រាច  ទី​៣​តំបន់​កោះស្លា​ស្រុក​ឈូក ទី​៤​ស្រុក​បន្ទាយមាស​ទី​៥​នៅ​ស្រុក​អង្គ​ជ័យ​ដែល​ខំប្រឹង​ប្រមូលយក​ទៅអោយ​លោក ហ៊ីង ប៊ុន​ឈឿន​ជា​រៀងរាល់ខែ បើ​មិនបាន​បង់​អោយ​ទេ​ត្រូវតែ​ដូរ​មកអោយ​អង្គុយ​មើល​កាសែត​រកតែ​លុយ​ផឹក កាហ្វេ​មិនបាន​ផង​៕

Copyright © 2010-2021 · អរិយធម៌ · All Rights Reserved.
Develop by Sek Sathya