ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||   

» Breaking News, ព័ត៌មានជាតិ » ទំនិញគេចពន្ធ​ច្រើន ប៉ូលិស​សេដ្ឋកិច្ច​កំពត​សើម​មាត់​ក៏​ច្រើន​ ​

ទំនិញគេចពន្ធ​ច្រើន ប៉ូលិស​សេដ្ឋកិច្ច​កំពត​សើម​មាត់​ក៏​ច្រើន​ ​

កំពត​៖ លោក ហ៊ីង ប៊ុន ឈឿន ប្រធានការិយាល័យ​នគរបាល​ប្រឆាំង​បទល្មើស​សេដ្ឋកិច្ច ខេត្ដ​កំពត ត្រូវបាន​មន្ត្រីក្រោមឱវាទ និង​ប្រជាពលរដ្ឋ បាន​ខ្សឹបប្រាប់​ឱ្យដឹងថា កំពុងតែ​បានធ្វើ​យ៉ាងសកម្ម​ក្នុងការ​ប្រមូល​លុយ​ពី​ក្រុម​ឈ្មួញ​រកស៊ី​ដឹកជញ្ជូន​ទំនិញ ឆ្លងកាត់​ខេត្ដ​កំពត ជាពិសេស ទំនិញគេចពន្ធ និង​ប្រេងឥន្ធនៈ​គេចពន្ធ ដោយ​ពង្រាយ​មន្ដ្រី​ជំនិត​របស់ខ្លួន​ដាក់​ប៉ុស្ដិ៍​កុងត្រូលជជុះ តាមផ្លូវ​សំខាន់ៗ​ក្នុង​ខេត្ដ​កំពត​យ៉ាង​អនាធិបតេយ្យ​បំផុត​។​

​ប្រភព​បាន​ខ្សឹប​ឱ្យដឹងទៀតថា ក្នុង​មួយថ្ងៃៗ រថយន្ដ​ដឹកទំនិញ​គ្រប់​ប្រភេទ​រួមទាំង​រថយន្ដ​ដឹក​ប្រេង​គេចពន្ធ​តម្រង់​ជួរ គ្នា​ចូល​បង់លុយ​ឲ្យ​ប៉ុស្ដិ៍​កុងត្រូលជជុះ​របស់លោក ហ៊ីង ប៊ុន ឈឿន ហើយ​ប្រជាពលរដ្ឋ​បានឃើញ​សកម្មភាព​ប្រដេញ​រថយន្ត​ដឹកទំនិញ​ឲ្យ​ចូល​បង់លុយ​ពី ប៉ូលិស​សេដ្ឋកិច្ច ដែល​បាន​បើករថយន្ត​ផ្ដាច់​ព្រលឹង ដេញតាម​រថយន្ត​ណា​ដែល​ដឹកទំនិញ​ល្មើស​មិន​បង់ពន្ធ​ចាប់យក​ឱ្យ​បង់ ពន្ធ​ស្ទើរ​ស្មើ​តម្លៃ​ទំនិញ​នោះ ដើម្បី​ថ្ងៃក្រោយ​កុំឱ្យ​ពួក​នោះ​បើក​គេច​ពី​កុងត្រូល​របស់គេ​ទៀត​។​
​ប្រជាពលរដ្ឋ​បាន​រាយការណ៍​មក​ថា មាន​ប៉ុស្ដិ៍​កុងត្រូលជជុះ​របស់​ប៉ូលិស​ប្រឆាំង​បទល្មើស​សេដ្ឋកិច្ច​នៃ ស្នងការដ្ឋាន​នគរបាល​ខេត្ដ​កំពត រីក​ដូច​ផ្សិត​ដើម្បី​ចាប់​រថយន្ដ​ដឹក​ប្រេង​គេចពន្ធ​ចូល​មកពី​ប្រទេស វៀតណាម​ឲ្យ​ចូល​បង់លុយ​យ៉ាង​អនាធិបតេយ្យ​។​

​ប្រជាពលរដ្ឋ​បាន​ឲ្យ​ដឹង​ទៀតថា ប៉ូលិស​សេដ្ឋកិច្ច ខេត្ដ​កំពត បាន​បើករថយន្ដ​ប្រដេញ និង​គៀង​រថយន្ដ​ដឹក​ប្រេង​គេចពន្ធ​ឲ្យ​ចូល​បង់លុយ​យ៉ាង​ប្រសេចប្រសាច មើលទៅ​គួរ​ឲ្យ​ទើសភ្នែក​ក្រៃលែង ជាពិសេស ការ​ប្រដេញ​គ្នា​នេះ​អាច​បង្ក​គ្រោះថ្នាក់ ចំពោះ​ប្រជាពលរដ្ឋ​ស្លូតត្រង់​ដែល​កំពុងធ្វើដំណើរ​លើ​ដងផ្លូវ​ជាតិ ជាមិនខាន​។​

​ប្រភព​បាន​ខ្សឹប​ប្រាប់ទៀតថា នៅតាម​ច្រករបៀង​ស្រុក​កំពង់ត្រាច អ្នករកស៊ី​ដឹកជញ្ជូន​ទំនិញគេចពន្ធ​ដូចជា ប្រេងឥន្ធនៈ ជ្រូក មាន់ ទា ត្រី និង​ស៊ុត ត្រូវ​ចូល​បង់លុយ​ឲ្យ​មន្ដ្រីនគរបាល​របស់លោក ហ៊ីង ប៊ុន ឈឿន​។ ចំណែក​ពួក​ឈ្មួញ​រកស៊ី​នាំ​ទំនិញគេចពន្ធ​ធំៗ​ត្រូវ​លោក ហ៊ីង ប៊ុន ឈឿន ចេញមុខ​ក្ដោប​ក្ដាប់​យក​ដោយ​ខ្លួនឯង ដើម្បី​កុំ​ឲ្យ​បែក​ទឹក​លុយ​។ គេ​ខ្សឹប​ទៀតថា លោក ហ៊ីង ប៊ុន ឈឿន បានដាក់​កូនចៅ​តាម​ដងផ្លូវ​យូរ​ឆ្នាំ​មកហើយ ដើម្បី​ឲ្យ​កូនចៅ​រក​ចំណូល​ជា​រៀងរាល់ខែ សម្រាប់​ផលប្រយោជន៍​ផ្ទាល់ខ្លួន​បើ​កូនចៅ​ណា​រកលុយ​មិនបាន​បង់​ត្រូវ​លោក ហ៊ីង ប៊ុន​ឈឿន​ដក​មកអោយ នៅ​ការិយាល័យ  អញ្ចឹង​បានជា​កូនចៅ​របស់លោក​ហ៊ីង ប៊ុន​ឈឿន​ខំប្រឹង​រក​ចំណូល​បង់អោ​យ​មេ​ទាំងយប់​ទាំង​ថ្ងៃ​។​ឈ្មួញ​រកស៊ី មួយចំនួន​នាំគ្នា​និយាយ​រិះគន់​ប៉ូលិស​សេ​ដ្ធ​កិច្ច​ខេត្តកំពត​ថា​ជា​ប៉ូលិស ច្របាច់ក​ឈ្មួញ​រកប្រាក់​ចំណូល​បង់អោ​យ​មេ​។​
​គួរបញ្ជាក់​ផងដែរ​ថា​លោក​ហ៊ីង ប៊ុន​ឈឿន​ប្រធានការិយាល័យ​សេ​ដ្ធ​កិច្ច​ខេត្តកំពត​បានដាក់​កុង​ត្រូល​ជជុះ ជាច្រើន​កន្លែង​ទី​១ នៅ​ច​ណុ​ច​ត្រពាំង​ល្ពៅ​ស្រុក​ទឹកឈូ​ទី​២  ព្រែក​ចាក​ស្ថិតនៅ​ស្រុក​កំពង់ត្រាច  ទី​៣​តំបន់​កោះស្លា​ស្រុក​ឈូក ទី​៤​ស្រុក​បន្ទាយមាស​ទី​៥​នៅ​ស្រុក​អង្គរជ័យ​។​
​ពាក់ព័ន្ធ​ករណីនេះ ចង្រឹត​ចៀន បាន​ព្យាយាម​ទាក់ទង​សុំ​ការបំភ្លឺ​ពី​នាយ​ប៉ូលីស​សេដ្ឋកិច្ច ហ៊ីង ប៊ុន​ឈឿន នេះដែរ តែ​មិនអាច​ទាក់ទង​បាន​៕

Copyright © 2010-2021 · អរិយធម៌ · All Rights Reserved.
Develop by Sek Sathya