ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||     ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||   

» ព័ត៌មានជាតិ » បង្ក្រាបបទល្មើសព្រហ្មទណ្ឌចោរកម្ម និងប្រើប្រាស់អាវុធ ៤ករណី នៅព្រះសីហនុ

បង្ក្រាបបទល្មើសព្រហ្មទណ្ឌចោរកម្ម និងប្រើប្រាស់អាវុធ ៤ករណី នៅព្រះសីហនុ

ព្រះសីហនុ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កម្លាំងនគរបាលខេត្តព្រះសីហនុ ក្រោមការដឹកនាំចង្អុលបង្ហាញ និងបញ្ជាផ្ទាល់របស់ លោក ជួន ណារិន្ទ ស្នងការនគរបាលខេត្តព្រះសីហនុ កម្លាំងជំនាញបានស្រាវជ្រាវបង្ក្រាបបទល្មើស ព្រហ្មទណ្ឌចំនួន ៤ករណី ក្នុងនោះករណីកាន់កាប់រក្សាទុក ប្រើប្រាស់អាវុធខុសច្បាប់ ១ករណី និងករណីចោរកម្ម ៣ករណី។
ករណីទី១៖ (កាន់កាប់រក្សាទុក ប្រើប្រាស់អាវុធខុសច្បាប់) នៅថ្ងទី១៩ ខែមេសា ឆ្នាំ២០២០ វេលាម៉ោង ៧នឹង៣០នាទី មានបុរស ៤នាក់ (ជនជាតិចិន២នាក់,ខ្មែរ២នាក់ )និងស្រីម្នាក់ ជនជាតិខ្មែរ អ្នកបកប្រែភាសាចិន បម្រើការងារនៅក្រុមហ៊ុនកាស៊ីណូ ស្ថិតក្នុងអគារ ឆៃណាថោន ស្ថិតក្នុងភូមិ៤ សង្កាត់៤ ក្រុងព្រះសីហនុ។ បាននាំខ្លួនជនសង្ស័យជាជនជាតិចិនម្នាក់ និងអាវុធខ្លី១ដើម មកប្រគល់ឲ្យកម្លាំងជំនាញការិយាល័យនគរបាលព្រហ្មទណ្ឌកម្រិតស្រាល។ សមត្ថកិច្ចបានឲ្យដឹងថាជនសង្ស័យរូបនេះជាបុគ្គលិករបស់ក្រុមហ៊ុន (ផ្នែកOnline ) មានអាវុធជាប់នឹងខ្លួន។

ជនសង្ស័យឈ្មោះ Zheng Xiang Yun ភេទប្រុស អាយុ ៣០ឆ្នាំ ជនជាតិចិន មានស្រុកកំណើតទីក្រុងថុងហ័រ ខេត្តជីលីង នៃប្រទេសចិន មុខរបរបុគ្គលិក Online នៅក្នុងអគារឆៃណាថោន ស្នាក់នៅភូមិ៦ សង្កាត់៤ ក្រុង/ខេត្តព្រះសីហនុ ។

វត្ថុតាងយកបានរួមមាន៖
កាំភ្លើងខ្លី១ដើម ម៉ាក ZORAKI
បង់កាំភ្លើង១ និងគ្រាប់ប្រភេទ៣៨០ ចំនួន២គ្រាប់។

ចំពោះករណីនេះកំពុងបន្តនិតិវិធី នៅការិយាល័យនគរបាលព្រហ្មទណ្ឌកម្រិតស្រាល។

ករណីទី២៖ (អំពើចោរកម្ម )នៅថ្ងៃទី១៩ ខែមេសា ឆ្នាំ២០២០ វេលាម៉ោង ១១និង៤៥នាទី កម្លាំងជំនាញផែនការងារនគរបាលព្រហ្មទណ្ឌ បានជិះម៉ូតូល្បាតតាមដងផ្លូវ ពេលដល់ចំណុចមុខសាលាបឋមសិក្សា ផ្សារលើ ស្ថិតនៅភូមិ១ សង្កាត់៤ ក្រុង-ខេត្តព្រះសីហនុ ក៏ប្រទះឃើញជនសង្ស័យ២នាក់ ភេទប្រុស ជនជាតិខ្មែរ កំពុងជិះម៉ូតូ១គ្រឿង ម៉ាកអ៊ែរប្លែក ពណ៌ទឹកក្រូច-ខ្មៅ គ្មានផ្លាកលេខ គួរឲ្យសង្ស័យក៏ឃាត់ត្រួតពិនិត្យ បន្ទាប់ពីត្រួតពិនិត្យឃើញថា ម៉ូតូដែលជនសង្ស័យជិះ បែកគ្រាប់សោរ ក៍ឃាត់ខ្លួនជនសង្ស័យទាំង ២នាក់តែម្តង។ ករណីនេះកម្លាំងជំនាញកំពុងបន្តតាមនីតិវិធី។

ករណីទី៣៖(អំពើចោរកម្ម) នៅថ្ងៃទី២០ ខែមេសា ឆ្នាំ២០២០ វេលាម៉ោង ១និង៣០នាទី រំលងអធ្រាត្រ កម្លាំងជំនាញផែនការងារនគរបាលព្រហ្មទណ្ឌ បានជិះម៉ូតូល្បាតតាមដងផ្លូវ ពេលដល់ចំណុចផ្លូវសេតេ ស្ថិតនៅភូមិ៣ សង្កាត់២ ក្រុង/ខេត្តព្រះសីហនុ ក៏ប្រទះឃើញជនសង្ស័យ២នាក់(ជនជាតិខ្មែរ១នាក់,ជនជាតិវៀតណាម១នាក់) កំពុងជិះម៉ូតូ១គ្រឿង ម៉ាក ហុងដា C.125 ពណ៌ខ្មៅ គ្មានកម្បាំង គ្មានផ្លាកលេខ គួរឲ្យសង្ស័យ ក៏ឃាត់ត្រួតពិនិត្យ រកឃើញ សោច្នៃសម្រាប់កាច់បំបែកសោកម៉ូតូ១ និងសោខ្សៀសម្រាប់ តសោច្នៃ១ដើម ឃាត់ខ្លួនទាំង២នាក់តែម្តង។ ករណីនេះកម្លាំងជំនាញកំពុងបន្តតាមនីតិវិធី។

ករណីទី៤៖ (អំពើចោរកម្ម)នៅថ្ងៃទី២០ ខែមេសា ឆ្នាំ២០២០ វេលាម៉ោង២នឹង៤០នាទី រំលងអាធ្រាត្រ កម្លាំងជំនាញផែនការងារនគរបាលព្រហ្មទណ្ឌ បានជិះម៉ូតូល្បាតតាមដងផ្លូវ ពេលដល់ចំណុចផ្លូវទៅបន្ទាយ PM ចុងអូរឈើទាល ស្ថិតនៅក្រុម១៧ ភូមិ៤ សង្កាត់៤ ក្រុង-ខេត្តព្រះសីហនុ ក៏ប្រទះឃើញជនសង្ស័យ២នាក់ ជនជាតិខ្មែរ កំពុងជិះម៉ូតូ១គ្រឿង ម៉ាកTODAY ពណ៌ស គ្មានផ្លាកលេខ គួរឲ្យសង្ស័យ ឃាត់ត្រួតពិនិត្យ រកឃើញទូរស័ព្ទជាច្រើនគ្រឿង បំបែកជាបំណែកៗ, កូនកាំប៉ិតស្នៀត១ដើម ,ទួឡីវីស ,កន្ត្រៃកាត់ខ្សែភ្លើង និងសម្ភារមួយចំនួនទៀត ក៍ឃាត់ខ្លួនទាំង២នាក់តែម្តង។ ករណីនេះកម្លាំងជំនាញកំពុងបន្តតាមនីតិវិធី ៕

Copyright © 2010-2021 · អរិយធម៌ · All Rights Reserved.
Develop by Sek Sathya