ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » លោក​មួង ដា​រ៉ា ប្រធានការិយាល័យ​គយ​ជ្រៃ​ធំ​កំពុង​លេប​ត្របាក់​ចំណូល​ពន្ធ​រដ្ឋ​

លោក​មួង ដា​រ៉ា ប្រធានការិយាល័យ​គយ​ជ្រៃ​ធំ​កំពុង​លេប​ត្របាក់​ចំណូល​ពន្ធ​រដ្ឋ​

កណ្តាល​៖ ចំណូល​ពន្ធ​រដ្ឋ​រាប់រយ​លាន​រៀល ក្នុង​មួយខែៗ​ត្រូវបាន​បាត់បង់​ដោយសារ​លោក​មួង ដា​រ៉ា ក្នុងនាម ជា​ប្រធានការិយាល័យ​គយ ដែល​បាន​ឃុបឃិត​ជាមួយ​ឈ្មួញ​បើកដៃ​ឲ្យ​នាំចូល​ទំនិញគេចពន្ធ​គ្រប់​ប្រភេទ ពី ស្រុក​យួន​មក​ប្រទេស​កម្ពុជា​តាម​ច្រក​ជ្រៃ​ធំ​។​

ទំនិញគេចពន្ធ​ទាំងនោះ ភាគច្រើន​គឺជា​ទំនិញ​ចាប់ហួយ​ត្រូវបាន​ក្រុម​ឈ្មួញ​សំរុក​នាំចូល​ពី​វៀតណាម មក​កម្ពុជា ដឹកជញ្ជូន​ដោយ​ឡានធំៗ ដែល​ក្នុងនោះ​មាន​បង្កប់​ថ្នាំ​បំពុល​សត្វ​ថ្នាំ​កសិកម្ម​និង​ថ្នាំពេទ្យ​ទៀតផង​។មន្ត្រី​គយ​តូចតាច​នៅក្នុង​ការិយាល័យ​ប្រចាំ​ច្រក​ជ្រៃ​ធំ បាន​បង្ហើប​ប្រាប់​ឲ្យ​ដឹងថា ក្រុម​ឈ្មួញ​ដែល​រកស៊ី​ទំនិញ គេចពន្ធ​នោះ មាន​ឈ្មួញ​ម្នាក់​ឈ្មោះ​ពៅ ដែល​គេ​តែង​ហៅ​ពៅ​ក្រពើៗ​នោះ គឺជា​ឈ្មួញ​ធំជាងគេ ហើយក៏​ជា មនុស្ស​ម្នាក់​រាប់អាន​ជិតដិត​ជាមួយ​លោក មួង ដា​រ៉ា ផងដែរ​។​

ប្រភព​ដដែល​បាន​បន្តទៀតថា ទំនិញគេចពន្ធ​រួមមាន​ទំនិញ​ចាប់ហួយ​គ្រប់​ប្រភេទ ថ្នាំ​បំពុល ថ្នាំ​កសិកម្ម​និង​ថ្នាំ ពេទ្យ ត្រូវ​ក្រុម​ឈ្មួញ​ឃុបឃិត​ជាមួយ​មន្ត្រី​ជំនាញ​និង​សមត្ថកិច្ច ពាក់ព័ន្ធ​ដែលមាន​លោក​មួង ដា​រ៉ា ជា​មេខ្លោង នោះ ហើយ​បាន​បង់លុយ​ជូន​លោក​មួង ដា​រ៉ា ៣០% កាំកុងត្រូល​១០% ស្នាក់ការ​រដ្ឋបាល​សាលាខេត្ត​កណ្តាល ប្រចាំ​ច្រក​ជ្រៃ​ធំ​១០% និង​ប៉ូលិស​ប្រឆាំង​បទល្មើស​សេដ្ឋកិច្ច​ខេត្តកណ្តាល​១០% ដើម្បី​ចែកគ្នា​ច្រក​ហោប៉ៅ ធ្វើ មាន​ធ្វើបាន​រៀងៗ​ខ្លួន​។ បញ្ហា​អំពើពុករលួយ​ឃុបឃិត​គ្នា ជា​ប្រព័ន្ធ​បែបនេះ​កំពុង​ធ្វើ​ឲ្យ​រាជរដ្ឋាភិបាល​ខាតបង់ ចំណូល​ពន្ធ​រាប់រយ​លាន​រៀល​ក្នុង​មួយខែៗ​។ គេ​មិនដឹងថា លោក​ប៉ែន ស៊ីម៉ន ដែលជា​មេ​គយ​ធំជាងគេ​ម៉ា​ស្រុក​ខ្មែរ នោះ មាន​ចំណាត់ការ​យ៉ាងណា​ចំពោះ​លោក​មួង ដា​រ៉ា ទេ​។

ពាក់ព័ន្ធ​នឹង​បញ្ហា​នេះ កាសែត​អរិយធម៌​មិនអាច​ទទួល​ការបំភ្លឺ​ពី​លោក​មួង ដា​រ៉ា បានទេ កាលពី​ថ្ងៃទី​៩ ខែកក្កដា ម្សិលមិញ​នេះ​៕ ដោយ​៖ នាគ​ភ្លើង​

Copyright © 2010-2021 · អរិយធម៌ · All Rights Reserved.
Develop by Sek Sathya