ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» Breaking News, ព័ត៌មានជាតិ » នៅ​ថ្ងៃទី​១០ ខែកុម្ភៈ ក្រុម​សហជីព​ទាំង​៨ នឹង​ជួបជុំគ្នា​ ​

នៅ​ថ្ងៃទី​១០ ខែកុម្ភៈ ក្រុម​សហជីព​ទាំង​៨ នឹង​ជួបជុំគ្នា​ ​

ភ្នំពេញ​៖ នៅ​ថ្ងៃទី​១០ ខែកុម្ភៈ ឆ្នាំ​២០១៤​ខាងមុខនេះ ដើម្បី​ទាមទារ​ប្រាក់ខែ​គោល​១៦០​ដុល្លារ និង​លក្ខខណ្ឌ​មួយចំនួនទៀត​។​
​ប្រធាន​សម្ព័ន្ធ​សហជីព​ចលនា​កម្មករ លោក ប៉ាវ ស៊ីណា បាន​មានប្រសាសន៍ប្រាប់​នៅ​រសៀល​ថ្ងៃទី​៦ ខែកុម្ភៈ ឆ្នាំ ២០១៤​ថា ក្រុម​សហជីព​ទាំង​៨ បាន​ជួបប្រជុំគ្នា​ម្តងទៀត ក្នុង​ដើម្បី​ពិភាក្សា​មួយចំនួន​ក្រោយ ពី​មានការ​ប៉ះទង្គិច​គ្នា​រវាង​សមត្ថកិច្ច និង​ក្រុមបាតុករ​ក្នុង​អំពេ​ល​បាតុកម្ម​ទាមទារ ដំឡើង​ប្រាក់ខែ ក្នុងនោះ​អង្គប្រជុំ​ក៏បាន​ផ្តោត​សំខាន់ ទៅលើ​ការជួប​ជុំគ្នា​ជាថ្មីទៀត ដើម្បី​ទាម​លក្ខខណ្ឌ ៧​ចំណុច​នៅ​ថ្ងៃទី​១០ ខែកុម្ភៈ ខាងមុខ​។​
​លោក​បន្តថា ការជួបគ្នា​នេះ នឹងធ្វើ​ឡើង​នៅមុខ​សណ្ឋាគារ​ហ៊ី​ម៉ា​វ៉ា​រី រាជធានី​ភ្នំពេញ ដោយមាន​អ្នកចូលរួម​ប្រមាណ​ជា​៣០០​នាក់ ដើម្បី​អុជ​ធូប បួងសួង​សូម​សេចក្តីសុខ បង្ហោះ​ប៉េងប៉ោង ព្រលែង​សត្វ និង​ហែ​ក្បួន​ដាក់​ញត្តិ ដើម្បី​ជួយ​ដោះស្រាយ​បញ្ហា​មួយ ចំនួន ដែល​ពួកគេ​បាន​ជួបប្រទះ​នាពេល​កន្លងមក​។​
​ប្រធាន​សម្ព័ន្ធ​សហជីព​រូបនេះ​បន្តថា លក្ខខណ្ឌ​ទាំង​៧​នោះ​រួមមាន​៖ ទី​១-​ដោះលែង លោក វន់ ពៅ និង​២២​នាក់​ផ្សេងទៀត , ទី​២-​ចរចា​ប្រាក់​ឈ្នួល ឡើងវិញ , ទី​៣-​ចាប់​ជនល្មើស​បាញ់សម្លាប់​កម្មករ នៅ​ផ្លូវ​វ៉េងស្រេង យកមក​ផ្តន្ទាទោស​តាមផ្លូវ​ច្បាប់ , ទី​៤-​ដក​ពាក្យបណ្តឹង​ដែល​ប្តឹង​សហជីព​ទាំង​៨ , ទី​៥-​ដក​បំរាម​មិន​ឲ្យ​ជួបជុំគ្នា , ទី​៦-​យក​តំណាង​កម្មករ​ទាំង​១០០​នាក់ ចូលធ្វើការ​វិញ បន្ទាប់ពី​បញ្ឈប់​ពួកគេ ក្រោយពេល​ធ្វើបាតុកម្ម និង ទី​៧-​សងលុយ​កម្មករ​ក្នុងពេល​ធ្វើបាតុកម្ម​នាពេល​កន្លងមក​។​
​សូមបញ្ជាក់ថា នៅ​ដើមឆ្នាំ​២០១៤ សាធារណៈមតិ​នៅក្នុង​ប្រទេស ក៏ដូចជា នៅក្រៅ​ប្រទេស​ងាក​សម្លឹងមើល​កម្ពុជា គឺ​កម្មករ​នៅ​ទូទាំងប្រទេស​កម្ពុជា បាន​ផ្ទុះ​កូដកម្ម ព្រម​គ្នា​ដើម្បី​ទាមទារ​ប្រាក់ខែ​១៦០​ដុល្លារ​។ ការផ្ទុះ​កូដកម្ម​នេះ បាន​កើតឡើង​ក្រោយពី​បើក​កិច្ចពិភាក្សា រវាង​គ្រប់ភាគី​ពាក់ព័ន្ធ ដើម្បី​ដំឡើង​ប្រាក់​ឈ្នួល សម្រាប់​ក្រុម កម្មករ កាត់ដេរ និង​ផលិត​ស្បែកជើង​មិន ត្រូវ​គ្នា​រវាង​ភាគី​ពាក់ព័ន្ធ ដោយ​ក្រុមប្រឹក្សា​ការងារ របស់​រាជ រដ្ឋាភិបាល​កម្ពុជា សម្រេច បន្ថែម​ឲ្យ​១៥​ដុល្លារ នៅក្នុង​ឆ្នាំ​២០១៤ ដែល​សរុប​ប្រាក់ខែ របស់​កម្មករ​ចំនួន​៩៥​ដុល្លារ ដែល​ចំនួន​នេះហើយ ធ្វើ​ឲ្យ សហជីព ចំនួន​៨​បាន​ជំទាស់​នឹង​ការដំឡើង​នេះ ក៏បាន​បណ្តាល​ឲ្យ​កូដកម្ម បាតុកម្ម​ជា​បន្តបន្ទាប់ ចាប់តាំងពី​អំឡុង​ខែធ្នូ ឆ្នាំ​២០១៣ រហូត មកដល់ ដើម ខែមករា ឆ្នាំ​២០១៤​។​
​លោក វ៉ាន់ សូ​អៀង ប្រធាន​សមាគម រោងចក្រ​កាត់ដេរ​កម្ពុជា បាន​ឲ្យ​ដឹងថា បាតុកម្ម​រយៈពេល​ប៉ុន្មាន​ថ្ងៃ ដែល​បង្កឡើង​ដោយ​កម្មករ កម្មការិនី ដែលមាន​ក្រុម អនាធិបតេយ្យ​ញុះញង់​នោះ បានធ្វើ​ឲ្យ​រោងចក្រ​កាត់ដេរ មានការ​ខាតបង់ សរុប​ជា​ទឹកប្រាក់​ប្រមាណ ៧៥ លាន​ដុល្លារ រដ្ឋ​អាមេរិក ហើយ​ចំពោះ​ការលក់​ចេញ គឺ​ខាតបង់​ប្រហែលជា ២០០​លាន​ដុល្លារ​៕

Copyright © 2010-2021 · អរិយធម៌ · All Rights Reserved.
Develop by Sek Sathya