ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មួញ​ឈើ២នាក់ ឈ្មោះ កែវ សុធា (ហៅ​មាន)សហការ​ជាមួយ លោក​ជិប តា​រ៉ា(ហៅ​តូង) និង​មាន​មេការ​ម្នាក់​គ្រប់​គ្រង់​ចាប់​ចែង​រាល់​ជំនួញ​ឈើ​ខុសច្បាប់​​  ||     ឡាន​ដឹកឈើ៣០ទៅ៥០គ្រឿង​របស់​ណុប ណាក់ ជា​មន្ត្រី​ប៉េអឹម​ឆ្លងកាត់​ខេត្តរតនគិរី​ទៅ​លក់​នៅ​ប្រទេស​វៀតណាម​យ៉ាង​រលូន​ស​ម​ត្ថ​កិច្ច​ខ្ជិល​បង្ក្រាប?​  ||     ជនខិលខូច​លួច​ដាក់រ​បាំងបិត​ផ្ចិត​មាត់​ព្រែក ក្បែរ​វត្ត​ដូន​វៀត​នៅ​រដូវ​បិទ​នេសាទ​ដែល​ត្រី​កំពុង​ធ្វើ​ចរាចរណ៍​រក​កន្លែង​ពង​កូន​  ||     សកម្មភាព​កាប់​ទន្ទ្រាន​និង​ឈូសឆាយ​រំលោភ​យក​ដីព្រៃ​ដែលជា​ជំរក​សត្វ​ស្លាប កើនឡើង​កាន់តែខ្លាំង លោក សោម ភិ​រុណ គ្មាន​បង្ក្រាប​សោះ?​  ||     លោក​វុ​ធ ល្បី​នាំ​ឈើ​ទៅ​វៀតណាម​តាម​ច្រករបៀង១១៥ សមត្ថកិច្ច​មិន​បង្ក្រាប ?​  ||   

» សុខភាព និង​សម្រស់ » លោក Beat Richner ៖​កុមារា កើត​ជំងឺ​គ្រុនផ្តាសាយ​បក្សី ស​ង្ឃឹម​​អាច​រួច​ពី​សេចក្តីស្លាប់​

លោក Beat Richner ៖​កុមារា កើត​ជំងឺ​គ្រុនផ្តាសាយ​បក្សី ស​ង្ឃឹម​​អាច​រួច​ពី​សេចក្តីស្លាប់​

​សៀមរាប ៖ ថ្មីៗ​នេះ​មាន​កុមារា​ម្នាក់​ទៀតហើយ​ដែល​ឆ្លង​ជំងឺ​ក្រុន​ផ្តាស​សាយ​បក្សី បន្ទាប់ពី​ជំងឺ​ខាងលើនេះ បាត់ឈ្មោះ​ក្នុង​រយៈពេល​ប៉ុន្មាន​ខែ​ចុងក្រោយ​។ កុមារា ធូ ប៊ុនឆៃ អាយុ​៦​ឆ្នាំ ត្រូវបាន​ម្តាយ​នាំមក​កាន់​មន្ទីរពេទ្យ​កុមារ​គន្ធបុប្ផា (​ជ័យ​វរ្ម័នទី​៧) ខេត្តសៀមរាប នា​ថ្ងៃទី​៣០ ខែមករា ឆ្នាំ​២០១៤ បន្ទាប់ពី​គាត់​បាន​ទិញ​ថ្នាំ​ព្យាបាល​កូន​ដោយ​ខ្លួនឯង​ចំនួន​២​លើក និង​ទៅ​ពេទ្យ​ឯកជន​ចំនួន​២​លើក ឥតប្រយោជន៍​អស់​រយៈពេល​៥​ថ្ងៃ​។
​ម្តាយបង្កើត​របស់​កុមារា ធូ ប៊ុនឆៃ មាន​ឈ្មោះថា សឿន ហុង អាយុ ២២​ឆ្នាំ រស់នៅ​ភូមិ ចុង​ដា ឃុំ​ត្បូង​ក្រពើ ស្រុក​សន្ទុក ខេត្តកំពង់ធំ បាន​និយាយ​ឲ្យ​ដឹងថា តាម​ពេទ្យ​ឯកជន​នៅឯ​ខេត្តកំពង់ធំ គេ​ពិនិត្យ​លើក​ទី​១​ឃើញថា កូន​របស់គាត់​មាន​ជម្ងឺ​ក្រពះ ពោះវៀន ពិនិត្យ​លើក​ទី​២ ឃើញថា​មាន​ជម្ងឺ គ្រុនឈាម​។​
​លោក​វេជ្ជបណ្ឌិត  Beat Richner ប្រធាន​មន្ទីរពេទ្យ​កុមារ​គន្ធបុប្ផា មានប្រសាសន៍​នៅ​មន្ទីរពេទ្យ​កុមារ​ជ័យ​វរ្ម័នទី​៧(​ខេត្តសៀមរាប​) នា​រសៀល​ថ្ងៃទី​០៥ ខែកុម្ភៈ ឆ្នាំ​២០១៤​នេះ​ថា ជាការ​ពិត អ្នករស់នៅ​ក្នុង​មូលដ្ឋាន​របស់​កុមារា ធូ ប៊ុនឆៃ ពុំបាន​ដឹងថា កុមារា​ម្នាក់នេះ ត្រូវបាន​ឆ្លង​ជម្ងឺ​គ្រុនផ្តាសាយ​បក្សី​នោះទេ យើង​រកឃើញ​ជម្ងឺ​នេះ​នៅក្នុង​ខ្លួន​កុមារា​នេះ នៅ​មន្ទីរពេទ្យ​កុមារ​ជ័យ​វរ្ម័នទី​៧​។ លោក​វេជ្ជបណ្ឌិត បាន​បន្តទៀតថា នេះ​គឺជា​ករណី​ទី​១​ហើយ ដែល​មន្ទីរពេទ្យ​កុមារ​គន្ធបុប្ផា បាន​ជួបប្រទះ​ជម្ងឺ​គ្រុន​ផ្តាស​សាយ​បក្សី សម្រាប់​ឆ្នាំ​២០១៤​នេះ ហើយក៏​ជា​ករណី​ធ្ងន់ធ្ងរ មិនដែល​ជួបប្រទះ​នោះឡើយ ព្រោះថា ជាធម្មតា មេរោគ​គ្រុន​ផ្តាស​សាយ​បក្សី វា​ចូលទៅ​បំផ្លាញ​សួត ហើយ​ករណី​មួយ​នេះ វា​មិន​ត្រឹមតែ​ចូលទៅ​បំផ្លាញ​សួត​ប៉ុណ្ណោះ​ទេ តែ​វា​បាន​ចូលទៅ​បំផ្លាញ​ដល់​បណ្ដូល​ខួរក្បាល​ទៀតផង ហើយ​លោក​វេជ្ជបណ្ឌិត Beat Richner ក៏បាន​បញ្ជាក់​ឲ្យ​ដឹង​ទៀតថា នៅក្នុង​ឆ្នាំ​២០១៣​កន្លងទៅ មន្ទីរពេទ្យ​គន្ធបុប្ផា បានទទួល​កុមារ​មាន​ជម្ងឺ​គ្រុន​ផ្តាស​សាយ​បក្សី​ចំនួន​១៩​ករណី ហើយ​បានសម្រេច​ការព្យាបាល សង្គ្រោះ​ជីវិត​បាន​ចំនួន ៨ ករណី​។​
​ចំពោះ​ការព្យាបាល​កុមារា ធូ ប៊ុនឆៃ លោក​វេជ្ជបណ្ឌិត Beat Richner​បាន បង្ហាញ​ឲ្យ​ដឹងថា ការ​ទុក​ឲ្យ​មេរោគ​វា​វាយលុក​អ្នក​ជម្ងឺ​យ៉ាង​ដូច្នេះ ថ្នាំ​ព្យាបាល​មិន​អាចមាន​ប្រសិទ្ធភាព​នោះទេ​។ សម្រាប់​ជម្ងឺ​មួយ​នេះ ការការពារ និង​ទប់ស្កាត់ គឺជា​មធ្យោបាយ​ល្អ​បំផុត​។ លោក​បានបញ្ជាក់​បន្ថែម​ថា សម្រាប់​ការព្យាបាល​កុមារា ធូ ប៊ុនឆៃ គឺ​ព្យាបាល​តាម​បច្ចេកទេស​បទពិសោធន៍​។ មកទល់នឹង​ថ្ងៃទី​០៥ ខែកុម្ភៈ​នេះ ការព្យាបាល​មាន​រយៈពេល​១​សប្ដាហ៍​ហើយ ថ្វីត្បិតតែ​អ្នក​ជម្ងឺ​មិនទាន់​ឃើញ​មាន​អាកា​រៈ​ធូរស្បើយ តែ​មេរោគ​មិនមាន​ការវាយលុក​បន្ត​ទៀតឡើយ ហើយ​លោក ក៏បាន​អះអាងថា អាចជួយ​សង្គ្រោះ​ជីវិត​អ្នក​ជម្ងឺ​បាន​។​
​លោក​វេជ្ជបណ្ឌិត Beat Richner​ប្រធាន​មន្ទីរពេទ្យ​គន្ធបុប្ផា បានបង្ហាញ​នូវ​សំណូមពរ​ទៅកាន់​មូលដ្ឋាន​ទូទាំង​ព្រះរាជាណាចក្រ​កម្ពុជា ផងដែរ​ថា រដ្ឋអំណាច​មូលដ្ឋាន និង មន្ត្រី​សុខាភិបាល គួរតែ​ត្រៀម​វិធានការ នៅពេល​ដែលមាន​សត្វ​ស្លាប​គ្រប់​ប្រភេទ​មាន​ជម្ងឺ​។ យ៉ាងហោចណាស់​គួរតែ​ចំណាយ​លុយកាក់ ទៅ​ទិញ​សត្វ​ស្លាប​ឈឺ​ទាំងនោះ ដើម្បី​សម្លាប់ និង យកទៅ​កប់​ចោល ឲ្យ​បាន​ទាន់ពេលវេលា​។ នេះ​គឺជា​មធ្យោបាយ​ទប់ស្កាត់​បឋម នៃ​ការចម្លង​មេរោគ​គ្រុន ផ្តាស​សាយ​បក្សី ពី​សត្វ​មក​មនុស្ស​៕

Copyright © 2010-2018 · អរិយធម៌ · All Rights Reserved.
Develop by Sek Sathya