ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ១​អាទិត្យ​ទៀត​ចូល​រោងការ បែ​ជា​ដឹង​សង្សារ​ឡើងឋានសួគ៌​ក្រុងភ្នំពេញ​

១​អាទិត្យ​ទៀត​ចូល​រោងការ បែ​ជា​ដឹង​សង្សារ​ឡើងឋានសួគ៌​ក្រុងភ្នំពេញ​

​ភ្នំពេញ ៖ យុវជន​ម្នាក់​ឃើញ​គូ​ដណ្ដឹង ជិះ​ម៉ូតូ​ជាមួយ​បុរស​ផ្សេង​ដែលជា​សង្សា​ក្បត់​នោះ ហើយ​ខឹង​គូ​ដណ្តឹង​ពេល​ក៏​ស្រែកថា​ចោរៗ ធ្វើ ឱ្យ​សមត្ថកិច្ច និង​ប្រជាពលរដ្ឋ​នៅ​ទីនោះ មានការ​ភ្ញាក់ផ្អើល​តាម​ចាប់​សង្សារ របស់​គូ​ដណ្ដឹង​យកទៅ​សាលាសង្កាត់ អូរឫស្សី​ទី​១ ដើម្បី​សាកសួរ​។ កាលពី​វេលា​ម៉ោង​១​និង​៣០​នាទី​រសៀល ថ្ងៃទី​៥ ខែកុម្ភៈ ឆ្នាំ​២០១៤  នៅ​ម្ដុំ​ខាងកើត​ផ្សារ​អូរឫស្សី ខណ្ឌ​៧​មករា ។​
​តាម​ប្រភព ព័ត៌មាន​ពី​សមត្ថកិច្ច​បានឱ្យដឹង​ថា ករណីនេះ​មិនមែនជា​រឿង​ចោរលួច ចោរប្លន់ ស្អី​នោះទេ ការពិតជា​រឿង​គូ​ដណ្ដឹង និង ម្ដាយក្មេក​តាម​ទាន់​កូនស្រី​ដែល​ជិត​ដល់ ថ្ងៃ​ចូល​រោងការ បែរជា​ពង្រត់​សង្សារ​ពី ស្រុកកំណើត​មកកាន់​ទី​ក្រុងភ្នំពេញ ។​
​ប្រភព ដដែល​ឱ្យដឹងទៀតថា កញ្ញា ធ​.​រ អាយុ​១៧​ឆ្នាំ រស់នៅ​ភូមិ ឃុំ ស្រុក មេមត់ ខេត្ដ​កំពង់ចាម នៅសល់តែ​ជាង មួយអាទិត្យ​ទៀត​ប៉ុណ្ណោះ នឹង​រៀប​មង្គល ការ​ជាមួយ​កូនប្រុស​ម្នាក់​(​សុំ​មិន​បញ្ចេញ ឈ្មោះ​) អាយុ​២០​ឆ្នាំ រស់នៅក្នុង​ភូមិ​ជា មួយ​គ្នា​ទៅហើយ ។ ប៉ុន្ដែ​មកដល់​ថ្ងៃទី​៤ ខែកុម្ភៈ ឆ្នាំ​២០១៤ ស្រាប់តែ​នាង ធ​.​រ បាន​បបួល​សង្សារ​ឈ្មោះ ពៅ ពន្លក អាយុ ១៧​ឆ្នាំ រស់នៅ​ក្នុងភូមិ​ជាមួយគ្នា​ដែរនោះ  ជិះ​ម៉ូតូឌុប​គ្នា ដើម្បី​ចាកចេញ​ពី​គូ​ដណ្ដឹង មក​ដេក​នៅផ្ទះ​សំណាក់​នៅ​ភ្នំពេញ​អស់​មួយ​យប់ ។​
​ខណៈដែល បាត់​កូនស្រី​មិនឃើញ​នៅក្នុង​ផ្ទះ ម្ដាយ​នាង ធ​.​រ និង​គូ​ដណ្ដឹង​នាង ដែល​នឹង​ត្រូវជា​កូនប្រសា បានធ្វើ​ដំណើរ ចាក​ចេញពី​ស្រុកកំណើត​មក​ស្វែងរក កូន​នៅ​ក្រុងភ្នំពេញ ។ លុះ​ធ្វើដំណើរ​មក ដល់​ខាងកើត​ផ្សារ​អូរឫស្សី ស្រាប់តែ​ប្រទះ ឃើញ​ឈ្មោះ ពៅ ពន្លក កំពុង​ជិះ​ម៉ូតូ​តែ ម្នាក់ឯង ក៏​នាំគ្នា​ឃាត់​ឱ្យ​ឈប់ ។ ប៉ុន្ដែ ឈ្មោះ ពៅ ពន្លក មិន​ព្រម​ឈប់​ដើម្បី​ជជែក គ្នា​រក​ខុសត្រូវ​នោះ ក៏ត្រូវ​គូ​ដណ្ដឹង​របស់ នាង ធ​.​រ ស្រែកថា​ចោរៗ ដើម្បីឱ្យ​សមត្ថ កិច្ច​ជួយ​ចាប់​ឃាត់ខ្លួន​តែម្ដងទៅ ។ ខណៈ ដែល​ឃាត់ខ្លួន​ឈ្មោះ ពៅ ពន្លក បាន​ហើយ នោះ ទើប​លេចមុខ​នាង ធ​.​រ នៅ​ចំពោះ មុខ​ម្ដាយ និង​គូ​ដណ្ដឹង ហើយក៏​ត្រូវបាន អាជ្ញាធរ​សង្កាត់​ផ្សារ​អូរឫស្សី​ទី​១​ហៅ​ទៅ សាកសួរ និង​ធ្វើ​កំណត់ហេតុ ។​

​គេ​នៅ​មិន ទាន់​ដឹងថា នៅពេល​វិល ត្រឡប់​ទៅ​ស្រុកកំណើត​វិញ​នោះ តើ​នាង ធ​.​រ និង​គូ​ដណ្ដឹង​អាច​ចូល​រោងការ​តាម ប្រពៃណី​ដើម្បី​បំពេញមុខ​ឪពុកម្ដាយ​ដែរ ឬ​យ៉ាងណា​នោះទេ នៅពេលដែល​អ្នក ស្រុក អ្នកភូមិ​បានដឹង​រឿង ជិត​ដល់​ថ្ងៃ ចូល​រោងការ ហើយ​បែរជា​នាង​ដឹក​ដៃ សង្សារ​មក​ដេក​ផ្ទះសំណាក់​នៅ​ភ្នំពេញ ទាំង​ស្នេហា​រោលរាល​បែបនេះ​សោះ ៕

Copyright © 2010-2021 · អរិយធម៌ · All Rights Reserved.
Develop by Sek Sathya