ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » គរុ​និស្សិត​ជំនា​ន់ទី​១៨​នៃ​វិទ្យាស្ថាន​ជាតិ​អប់រំ​បង្ហាញ​ពី​គំនិត​ថ្មីៗ​សំរាប់​ការបង្រៀន​និង​រៀន​ឲ្យ​ទទួលជោគជ័យ​

គរុ​និស្សិត​ជំនា​ន់ទី​១៨​នៃ​វិទ្យាស្ថាន​ជាតិ​អប់រំ​បង្ហាញ​ពី​គំនិត​ថ្មីៗ​សំរាប់​ការបង្រៀន​និង​រៀន​ឲ្យ​ទទួលជោគជ័យ​

ភ្នំពេញ​៖ ​គរុ​និស្សិត​ជំនា​ន់ទី​១៨​គ្រប់​ជំនាញ​នៃ​វិទ្យាស្ថាន​ជាតិ​អប់រំ​បានបង្ហាញ​ពី​របប​គំ​ហើយ​​ថ្មីៗ​តាមរយៈ​ការតាំងពិព័រណ៍​បង្ហាញ​ពី​ឧបករណ៍​កសិកម្ម រូបភាព​វិទ្យាសាស្ត្រ និង​គំនិត​ថ្មី​ជាច្រើន​ដែល​បំរើឱ្យ​ការបង្រៀន​របស់លោក​គ្រូ​អ្នកគ្រូ និង​សិស្ស​និស្សិត​គ្រប់​កំរិត​សិក្សា​ឱ្យទទួល​បាន​ជោគជ័យ​។​ក្នុង​ពិធី​តាំងពិព័រណ៍​វិទ្យាសាស្ត្រ​នៅ​វិទ្យាស្ថាន​ជាតិ​អប់រំ​នា​ព្រឹក​ថ្ងៃទី​៨​កក្កដា​ឆ្នាំ​២០១៣ លោក​ទឹម វន​គរុ​និស្សិត​ជំនា​ន់ទី​១៨ ឯកទេស​ភាសា​អង់គ្លេស នៃ​វិទ្យាស្ថាន​ជាតិ​អប់រំ​បាន​ប្រាប់​ឱ្យដឹងថា  ការតាំងពិព័រណ៍​វិទ្យា​សាស្ត្រ​នេះ មាន​គោលបំណង​ចង់ឱ្យ​គរុ​និស្សិត​ធ្វើ​ការ​​រួមគ្នា​ដើម្បី​បង្កើតជា​សម្ភារៈ​ឧបទេស​បំរើឱ្យ​ការរៀនសូត្រ និង​ការបង្រៀន​នៅតាម​មហាវិទ្យាល័យ  វិទ្យាល័យ និង​បឋមសិក្សា បង្កើតឱ្យមាន​គំនិត​ច្នៃប្រឌិតរ​កនូវ​អ្វីៗ​ដែល​ថ្មី បង្កើត​វិធីសាស្ត្រ​បង្រៀន​បែប​ថ្មីៗ  បង្កើតឱ្យមាន​ការប្រកួត​ប្រជែង ផ្សារភ្ជាប់​ទ្រឹស្តី នឹង​ការ​អនុវត្ត​ជាក់ស្តែង និង​បណ្តុះ​ស្មារតី​អ្នកពាក់ព័ន្ធ​ចូលរួម​យ៉ាងសកម្ម​ក្នុង​ការងារ​អប់រំ​។

លោក ទឹម វន​បន្តថា ការតាំងពិព័រណ៍​នេះមាន​ដាក់តាំង​បង្ហាញ​poster និង បដា​ដែល​មាន​​សរសេរ​ជា​រូប​បន្ត ទ្រឹស្តី វិធីសាស្ត្រ​បង្រៀន​ដែល​អាច​នាំឱ្យ​សិស្ស​ងាយ​យល់ ងាយ​ចាំ​។ក្នុងនោះ​គរុ​និ​ស្សត​ផ្នែក​ជីវវិទ្យា បង្ហាញ​ពី​ការពិសោធ​សត្វ រុក្ខជាតិ  ផ្នែក​គណិតវិទ្យា បង្ហាញ​​ពី​ការ​ទាយ​ជោគវាសនា​តាមបែប​គណិតវិទ្យា ផ្នែក​ព័ត៌មានវិទ្យា បង្ហាញ​ពី​ការ​ដំឡើង​​កម្មវិធី​កុំព្យូទ័រ កម្មវិធី​បញ្ចូល​សំឡេង  ផ្នែក​សេដ្ឋកិច្ច បង្ហាញ​ពី​ផលិតផល​ក្នុងស្រុក មាន​កាហ្វេ ស្ករត្នោត  ស្រា​ទំពាំងបាយជូរ​ខេត្តពោធិ៍សាត់ និង​ផ្នែក​អក្សរសាស្ត្រ​ខ្មែរ​មាន​ដាក់តាំង​បង្ហាញ​ពី​វចនានុក្រម ការ​តែង​កំណាព្យ​ជាដើម​។​លោក រៀន​ចំ​រ៉ុង ជា​គរុ​និស្សិត​ម្នាក់ទៀត​បាន​រៀបរាប់ថា ការតាំងពិព័រណ៍​វិទ្យា​សាស្ត្រ​នេះ មិន​ត្រឹមតែ​ផ្តល់ឱកាស​ដល់​គរុ​និស្សិត​គ្រប់​ជំនាញ​បញ្ចេញ​នូវ​ទេពកោសល្យ និង​គំនិត​ថ្មី​ដែល​កើតឡើង​ពី​ការស្រាវជ្រាវ​ប៉ុណ្ណោះ​ទេ វា​ក៏បាន​ផ្តល់នូវ​អត្ថប្រយោជន៍​ជាច្រើន​ទៀត​ដល់​ប្រជាពលរដ្ឋ​ទូទៅ ក្នុងការ​មក​ទទួល​យ​ចំណេះដឹង​ពី​ការតាំងពិព័រណ៍​នេះដែរ តាម​រយៈ​អាន និង​ទស្សនា ការសាកសួរ​សាស្ត្រាចារ្យ និង​គរុ​និស្សិត​គ្រប់​ជំនាញ និង​មានការ​សំដែង​រឿង​ខ្លី​អប់រំ​លើកស្ទួយ​វប្បធម៌​ខ្មែរ​ផងដែរ​។

​សូមបញ្ជាក់ថា ការតាំងពិព័រណ៍​វិទ្យា​សាស្ត្រ​នេះ ធ្វើឡើង​រយៈពេល​៣​ថ្ងៃ​ចាប់ពី​ថ្ងៃទី​៦ ដល់ទី​៨​កក្កដា​ឆ្នាំ​២០១៣​រៀបចំឡើង​ដោយ​វិទ្យាស្ថាន​ជាតិ​អប់រំ នៃ​ក្រសួង​អប់រំ​យុវជន និង​កីឡា​ដោយមាន​ការចូលរួម​ពី​សិស្ស​និស្សិត លោកគ្រូ​អ្នក​ក្រុម​ក​ពី​ស្ថាប័នរដ្ឋ ឯកជន  និង​ប្រជាពលរដ្ឋ​ប្រមាណ​២០០០​នាក់​៕ ដោយ​៖ វិជ្ជា​

Copyright © 2010-2021 · អរិយធម៌ · All Rights Reserved.
Develop by Sek Sathya