ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » តេ​ជោ ​សែន ​ប្រកាស​ផ្តល់​ ​៣០​ ​ម៉ឺន​ដុលា្លរ​ សាង​សង់​ផ្សារ​ដើម​ក្រឡាញ់​ឡើង​វិញ​ បន្ទាប់​ពី​ឆេះ​អស់​ជាង ​២០០​តូប​​

តេ​ជោ ​សែន ​ប្រកាស​ផ្តល់​ ​៣០​ ​ម៉ឺន​ដុលា្លរ​ សាង​សង់​ផ្សារ​ដើម​ក្រឡាញ់​ឡើង​វិញ​ បន្ទាប់​ពី​ឆេះ​អស់​ជាង ​២០០​តូប​​

សៀមរាប៖ សម្តេចតេជោ សែន នាយករដ្ឋមន្រ្តី នៃកម្ពុជា បានប្រកាសផ្តល់ ៣០ម៉ឺន​ដុល្លារ​អាមេរិក និងបញ្ជាឲ្យ​អាជ្ញាធរ ខេត្តសៀមរាប កសាងផ្សារដើមក្រឡាញ់ឡើងវិញ ដោយចំណាយ ថវិកាជាង៣០ម៉ឺនដុល្លារ ក្រោយផ្សារមួយនេះ ត្រូវបានអគ្គិភ័យ លេប​ត្របាក់ស្ទើរ ទាំងស្រុង កាលពីយប់ថ្ងៃទី ៥ ឈានចូលថ្ងៃទី ៦ កក្កដា ឆ្នាំ ២០១៣ ដោយ​សារទុសេ្សខ្សែភ្លើង ។នៅព្រឹកថ្ងៃទី៨ ខែកក្កដា ឆ្នាំ២០១៣ នេះ លោកអភិបាលខេត្ត សៀមរាប ឃឹម ប៊ុនសុង លោក ឆាយ សុផល ប្រធានក្រុមប្រឹក្សាខេត្ត និងលោកឧកញ៉ា សៀង ណាំ អ្នកតំណាង​រាស្ត្រ មណ្ឌលសៀមរាប របស់គណបក្ស​ប្រជាជន បានទៅជួបជាមួយ ក្រុមអាវជីករ ដើម្បី​ប្រាប់ពួកគាត់ អំពីដំណឹង ដ៏គួរឲ្យរីករាយជាទីបំផុត ដែលមេដឹកនាំរបស់យើងមិន​បាន​បំភ្លេច នូវទុក្ខលំបាករបស់បងប្អូនអាជីវករនោះឡើយ។

ក្នុងពិធីចុះសួរសុខទុក្ខបងប្អូនអាជីវករផ្សារដើមក្រឡាញ់ នាព្រឹកថ្ងៃទី ៨ កក្កដា ឆ្នាំ ២០១៣ នេះ លោកអភិ​បាលខេត្តសៀមរាប លោក ឃម ប៊ុនសុង ប្រធានក្រុមប្រឹក្សាខេត្ត លោក ច័ន្ទ សុផល និងលោកឧកញ៉ា សៀង ណាំ​អ្នកតំណាងរាស្ត្រ​មណ្ឌលសៀមរាប​របស់គណបក្សប្រជាជនកម្ពុជា បានប្រាប់ទៅក្រុមអាជីវកររងគ្រោះថា សម្តេចតេជោ នឹង​ផ្តល់នូវអគារផ្សារដើមក្រឡាញ់ថ្មីដល់ពួកគាត់ដែលមានទំហំទឹកប្រាក់ជាង ៣០ ម៉ឺន​ដុល្លារ​អាមេរិក។

លោកឧកញ៉ា សៀង ណាំ បានប្រាប់អាជីវករថា នេះជាដំណឹងដ៏គួរឱ្យរីករាយជា​ទីបំផុត​ដែល​មេដឹកនាំរបស់យើង​មិនបានបំភ្លេចនូវទុក្ខលំបាករបស់បងប្អូនដែលរងគ្រោះនៅ​ក្នុង​គ្រោះមហន្តរាយនេះ។ក្រុមអាជីវកររងគ្រោះបានសម្តែងនូវការដឹងគុណយ៉ាងជ្រាលជ្រៅចំពោះ សម្តេចតេជោ ហ៊ុន សែន ដែលជានិច្ចកាល សម្តេចតែងតែយកចិត្តទុកដាក់ចំពោះ​សុខទុក្ខប្រជាពលរដ្ឋ​គ្រប់ទីកន្លែង ជាក់ស្តែងដូចជាថ្ងៃនេះ សម្តេចបានផ្តល់ អំណោយដ៏ថ្លៃថ្លាមិន​អាចកាត់ថ្លៃ​បានសម្រាប់ពួកគាត់ ដើម្បីបានកន្លែងលក់ដូរប្រកបរបរចិញ្ជឹមជីវិតវិញ។គួរបញ្ជក់ថា កាលពីពាក់កណ្តាលរាត្រីថ្ងៃទី ៥ ចូលទី ៦ កក្កដា ២០១៣ គ្រោះអគ្គិភ័យមួយ​ដែលត្រូវបានអាជ្ញាធរ អះអាងថា បណ្តាលមកពីទុសេ្សខែ្សភ្លើង បានបំផ្លាញតូបលក់អីវ៉ាន់​នៅក្នុងផ្សារដើមក្រឡាញ់ក្នុងសង្កាត់ គោកចក ក្រុងសៀមរាប អស់ប្រមាណជា ២០០តូប បើគិតជាទឹកប្រាក់អស់រាប់សិបម៉ឺនដុល្លារ។

ទំហំនៃការខូចខាតលើកនេះ បើប្រៀបធៀបជាមួយនឹងអគ្គិភ័យឆេះផ្សាររាត្រីសៀមរាប កាលពីឆ្នាំ២០១២ កន្លងទៅ នៅមានទំហំតូចជាងនោះទេ ដោយកាលនោះមនុស្ស៨នាក់ បានស្លាប់ និង២នាក់រងរបួស ហើយខូចខាតអស់​ទ្រព្យសម្បត្តិជាងមួយលានដុល្លារ៕ ដោយៈ នាគទេព

 

Copyright © 2010-2021 · អរិយធម៌ · All Rights Reserved.
Develop by Sek Sathya