ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||   

» Breaking News, វិភាគ​នយោបាយ » ​សមរង្ស៊ី ពិតជា​ហ៊ាន​ចូល​ស្រុក​វិញ​មែនឬ​?

​សមរង្ស៊ី ពិតជា​ហ៊ាន​ចូល​ស្រុក​វិញ​មែនឬ​?

ក្រោយពី​និរទេស​ខ្លួន​អស់​ជាច្រើន​ឆ្នាំ​មកហើយ ថ្មីៗ​នេះ សមរង្ស៊ី​បានប្រកាស​ជាថ្មី​ថា គាត់​នឹង​វិល ត្រឡប់​ចូល​ស្រុក​វិញ​ឲ្យ​បាន​មុន​ថ្ងៃ​បោះឆ្នោត ថ្ងៃទី​២៨​ខែកក្កដា ខាងមុខ​ដ៏​ខ្លី​នេះ ហើយ​គាត់​បាន បញ្ជាក់ថា គាត់​ហ៊ាន​បូជាជីវិត ដើម្បី​ប្រទេសជាតិ​និង​ប្រជារាស្ត្រ​។​

ការប្រកាស​បែបនេះ​ធ្វើ​ឲ្យ​មានការ​ភ្ញាក់ផ្អើល​ជាខ្លាំង តើ​ការប្រកាស​នេះ​គឺជា​ល្បិច​នយោ បាយ​របស់ សមរង្ស៊ី ដើម្បី​លើកទឹកចិត្ត​ដល់​អ្នកគាំទ្រ​គណបក្ស​សង្គ្រោះ​ជាតិ ឬមួយ​គាត់​ពិតជា​ហ៊ាន​ឈាន​ជើង មក​ជាន់ដី​ខ្មែរ​វិញ​មែន​?

គណបក្ស​សង្គ្រោះ​ជាតិ ដែល​កើតឡើង​ដោយ​ការច្របាច់បញ្ចូលគ្នា រវាង​គណបក្ស​សមរ​ង្ស៊ី និង សិទ្ធិមនុស្ស​នោះ បើទោះបី​កាលពី​អាណត្តិ​មុន គណបក្ស​សិទ្ធិមនុស្ស​ជាប់ឆ្នោត​បានតែ​៣​អាសនៈ នៅក្នុង​រដ្ឋសភា​ក៏ពិតមែន តែ​ពេលនេះ កឹម សុខា ដែលមាន​តួនាទី​ត្រឹមតែ​ជា​អនុប្រធាន​គណបក្ស សង្គ្រោះ​ជាតិ​ក៏ពិតមែន តែ​បាននិងកំពុង​បញ្ចេញ​ពលិកម្ម​ច្រើនណាស់ ដោយ​មួយថ្ងៃៗ​គិតតែ​ដើរ ស្រែក​ឃោសនា​ស្ទើរ​បែក​បំពង់ក​ស្លាប់​ទៅហើយ ចំណែកឯ​សមរង្ស៊ី​វិញ នៅ​ដេក​ស្រួល​ឯ​ក្រៅ ប្រទេស យូរៗ​ជួយ​ស្រែក​តាម​វីដេអូ ខុន​ហ្វ័​រ​រ៉េ​ន មករក​អ្នកគាំទ្រ​ម្តង​រួច​ក៏​ដេក​អេះ​ពោះ​វិញ​ធ្វើ ព្រងើយ​។

ចាំមើល​ដល់​ក្រោយពេល​ប្រកាស​លទ្ធផល​នៃ​ការបោះឆ្នោត ទោះបី​គណបក្ស​សង្គ្រោះ​ជាតិ​​ជាប់ បាន​ប៉ុន្មាន​កៅអី​ក៏ដោយ នេះ​ក៏​ជា​ស្នាដៃ​ដឹកនាំ​និង​ខិតខំ​ប្រឹងប្រែង​របស់ កឹម សុខា ដែរ ឯ​សមរង្ស៊ី ជា​ប្រធាន​គណបក្ស​ក៏ពិតមែន តែ​គ្មាន​ប្រយោជន៍​អ្វី​សំរាប់​គណបក្ស​ប៉ុន្មាន​ដែរ​។ ដូច្នេះ សមរង្ស៊ី ក៏ ប្រាកដជា​ដឹងខ្លួន​ឯង​ច្បាស់​ដែរ​ពី​រឿងនេះ​។​

ម្យ៉ាងទៀត​កន្លងមក ក៏​មានមតិ​មួយចំនួន​បានធ្វើការ​រិះគន់​សមរ​ង្ស៊ី​ថា ជា​មេដឹកនាំ​កំសាក មិន​ហ៊ាន ប្រឈមមុខ​នឹង​ឧបសគ្គ​ឬ​គុក​ច្រវាក់​ដូច ម៉ម សូណង់ដូ ដែល​ដឹងថា ត្រូវគេ​ចាប់​ដាក់គុក​ហើយ នៅតែ ហ៊ាន​ចូល​ស្រុក​ទៀត​។ ដូច្នេះ​សួរថា តើ​សមរង្ស៊ី​ស័ក្តិសម​នឹង​ការ​តាំង​​ខ្លួនឯង​ថា ជា​វីរជន​នយោបាយ ដែរឬទេ​? តែ​ទោះបី​យ៉ាងណាក៏ដោយ ក៏​ការប្រកាស​​របស់ សមរង្ស៊ី ដែលថា​គាត់​នឹង​វិលត្រឡប់​ចូល មក​ស្រុក​វិញ ឲ្យ​បាន​មុន​ថ្ងៃ​បោះឆ្នោត​ទី​២៨​ខែកក្កដា​ខាងមុខនេះ គឺ​ស្ថិតនៅក្នុង​ភាពមិន​ទាន់​ប្រាកដ ប្រជា​នៅឡើយ​ទេ​។ បើ​សម​រង្ស៊ី​​ពិតជា​ចិត្តសឿង​ហ៊ាន​ចូល​ស្រុក​វិញ ឆៅៗ​បែបនេះ​មែន​នោះ គឺ​គាត់ នឹងត្រូវ​ចូលដេក​គុក​មិន​ខាន ហើយក៏​គ្មាន​អង្គការ​អន្តរជាតិ​ណា​អាចជួយ​ដោះស្រាយ​គាត់​បានដែរ​។​

ប្រមុខ​រដ្ឋាភិបាល ធ្លាប់បាន​ប្រកាស​ជា​ញឹកញាប់​ហើយ​ថា គ្មាន​នរណា​ដេញ​សមរង្ស៊ី ឲ្យ​ចេញពី ស្រុក ហើយក៏​គ្មាន​នរណា​ហាមឃាត់​មិន​ឲ្យ​គាត់​វិល​មកវិញ​ដែរ តែ​សំខាន់​គឺ​គាត់​ត្រូវ​ប្រឈម​នឹង សាលក្រម​របស់​តុលាការ​។

កាលពី​ឆ្នាំ​២០១២​កន្លងមក សមរង្ស៊ី​ក៏​ធ្លាប់​ស្នើសុំ​ប្រមុខ​រាជរដ្ឋាភិបាល​ចូល​ស្រុក​វិញ​ដែរ ដោយ យក​លេស​ថា សុំ​ចូលមក​គោរព​ព្រះ​វិញ្ញាណក្ខន្ធ​ព្រះ​បរម​រតន​កោដ្ឋ តែ​ដោយ​គ្មាន​ការយល់ព្រម​ពី ប្រមុខ​រាជរដ្ឋាភិបាល សមរង្ស៊ី​ក៏​មិន​ហ៊ាន​មក​ដែរ ព្រោះ​ដឹងខ្លួន​ច្បាស់​ថា បើ​ហ៊ាន​មកវិញ​ប្រាកដជា ត្រូវ​ដេក​គុក​មិន​ខាន​។ ប៉ុន្តែ​ពេលនោះ​ម៉េច​ក៏​សមរង្ស៊ី​មិន​ហ៊ាន​ប្រកាស​ចូលមក​ដូច​ពេលនេះ​? នេះ​ជា ការ​សបញ្ជាក់​ឲ្យ​ឃើញច្បាស់​ថា សមរង្ស៊ី​គ្មាន​គំនិត​​ស្រឡាញ់​ប្តូរផ្តាច់​ជាមួយ​ព្រះ​បរមសព​សម្តេចឪ សម្តេច​តា ពិតប្រាកដ​ទេ គឺ​គ្រាន់តែ​យក​ការគោរព​ព្រះ​វិញ្ញាណក្ខន្ធ​ព្រះអង្គ​ធ្វើជា​លេស ដើម្បី​បាន​ចូល ស្រុក​វិញ​តែប៉ុណ្ណោះ​។ ឥឡូវ​ដល់ពេល​ខ្លាច​បាត់​សន្លឹកឆ្នោត ខ្លាច​បាត់​ការគាំទ្រ​គឺ​គាត់​ហ៊ាន​ប្រកាស ចូល​ស្រុក​វិញ​ឆៅៗ​ហើយ​ថា គាត់​ហ៊ាន​ប្តូរជីវិត​ទៀតផង​។

ប៉ុន្តែ​ទោះបីយ៉ាងណា ក៏​ការប្រកាស​នោះ​មិនទាន់​ចាត់ទុកថា សមរង្ស៊ី​ពិតជា​ក្លាហាន​ហ៊ាន​វិល ត្រឡប់​ចូល​ស្រុក​វិញ​ឆៅៗ​បែបនេះ​នៅឡើយ​ដែរ​។ តែ​អ្វីដែល​ប្រាកដ​បំផុត​នោះ គឺ​គាត់​​មិនអាច​ចូល មក​ដើរ​ឃោសនា​ដូច កឹម សុខា បានជា​ដាច់ខាត ហើយ​កម្លាំង​សមត្ថ​កិច្ច​​អាច​នឹង​ទៅ​ទទួល​គាត់​ដល់ មាត់ទ្វារ​យន្តហោះ តែ​មិនមែន​ទៅ​ហែហម​ជូន​ដំណើរ​គាត់​ទៅ​ស្នាក់ការ​គណបក្ស​សង្គ្រោះ​ជាតិ​ទេ គឺ នាំទៅ​គុក​ព្រៃ​ស​តែម្តង ក៏​អាច​ថា​បាន​។ តែ​ប្រសិនបើជា​កំសាក​មិន​ហ៊ាន​ចូលមក​ហើយ បែរជាយក លេស​ថា ដោយសារ​រឿងនេះ​ឬ​រឿង​នោះ​យើង​ក៏​ជួយ​ត្រេកអ​រដែរ ព្រោះ​មិនបាន​ចូលដេក​គុក​៕​ដោយ​៖ ស្ងួន ពិមល់

Copyright © 2010-2021 · អរិយធម៌ · All Rights Reserved.
Develop by Sek Sathya