ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » ក្នុង​បរិយាកាស​មាន​សំណើម​ខ្ពស់ គ្រប់​ដណ្តប់​ដោយ​អ័ព្ទ​ ​

ក្នុង​បរិយាកាស​មាន​សំណើម​ខ្ពស់ គ្រប់​ដណ្តប់​ដោយ​អ័ព្ទ​ ​

ភ្នំពេញ​៖ មន្ត្រី​ជំនាញ​បាន​ពន្យល់ថា​អ័ព្ទ​ដែល​បាន​កើតមាន​យ៉ាង​ក្រាស់​នៅពេល​ព្រឹក និង​ពេល​ល្ងាច​រយៈពេល​ប៉ុន្មាន​ថ្ងៃនេះ​រហូត​ធ្វើ​ឲ្យ​អ្នកបើកបរ​ត្រូវ បើកភ្លើង​ទាំង​ថ្ងៃ​គឺ​កើតឡើង​ដោយសារ​នៅក្នុង​បរិយាកាស​មាន​សំណើម​ខ្ពស់​។ បាតុភូត​នេះ​វា​នឹង​ថយឥទ្ធិពល​ទៅវិញ​ក្នុង​រយៈពេល​មួយ​សប្តាហ៍​ទៀត​។
លោក​ចាន់ យុ​ត្ថា អ្នកនាំពាក្យ​និង​ជា​នាយក​ខុទ្ទកាល័យ ក្រសួង​ធន ធាន​ទឹក​និង​ឧតុនិយម​និយាយ​ឲ្យ​ដឹង​នៅ​ថ្ងៃទី​៣​ខែកុម្ភៈ​ឆ្នាំ​២០១៤​ថា ស្ថានភាព​អ័ព្ទ​យ៉ាង​ក្រាស់​នៅពេល​ព្រឹក​ព្រលឹម​និង​ពេល​ល្ងាច​ដែល​បាន កើតមាន​ប៉ុន្មាន​ថ្ងៃ​ជាប់​គ្នា​មកនេះ​កើតឡើង​ដោយសារ​នៅក្នុង​បរិយាកាស​មាន សំណើម​ខ្ពស់​និង​ស្ងប់ខ្យល់​។ អ័ព្ទ​ដ៏​ក្រាស់​នេះ វា​មិនអាច​ក្លាយទៅជា​ពពក​ភ្លៀង​ទេ ហើយ​វា​នឹង​ថយចុះ​ឥទ្ធិពល​ទៅវិញ ក្នុង​រយៈពេល​មួយ​សប្តាហ៍​ទៀត​។ អ័ព្ទ​ដ៏​ក្រាស់​បានកើត​មាននៅ​ទូទាំងប្រទេស ជាពិសេស​នៅ​តំបន់​មាន​ប្រភពទឹក​និង​ព្រៃឈើ​ច្រើន​។ នៅពេល​ព្រឹក​និង​ពេល​ល្ងាច​ដែលមាន​អាកាសធាតុ​ត្រជាក់​អ័ព្ទ​បានកើត​ឡើង​យ៉ាង ក្រាស់​តែ​វារ​លាយ​ទៅវិញ​នៅពេល​មាន​កម្តៅថ្ងៃ​ខ្លាំង​។  បាតុភូត​នេះ​វា​បាន​កើតមាន​បន្ទាប់ពី​អាកាសធាតុ​ដ៏​ត្រជាក់​ទើបបាន កន្លងផុតទៅ​។​
អាកាសធាតុ​ក្នុង​រដូវប្រាំង​នេះ​មិន​ក្តៅ​ខ្លាំង​ទេ​។ សីតុណ្ហភាព​អាច​ស្ថិតនៅក្នុង​រង្វង់​៣៧​អង្សា​សេ លើកលែងតែ​នៅ​តំបន់​ទំនាប​កណ្តាល​ភាគ​ពាយ្យ​និង​ខ្ពង់រាប​ភាគ​ឦសាន​( ស្ទឹងត្រែង​និង​ក្រចេះ​)​សីតុណ្ហភាព​អាច​ឡើងដល់​កម្រិត​៣៩​អង្សា​សេ​រយៈពេល ពីរ​ទៅ​បី​ថ្ងៃ​នៅក្នុង​ខែមេសា​។​ក្រសួង​កំពុងតែ​បន្តធ្វើ​ការតាមដាន​យ៉ាង យកចិត្តទុកដាក់​ចំពោះ​ស្ថានភាព​អាកាសធាតុ​ក្នុង​រដូវប្រាំង​នេះ​៕

Copyright © 2010-2021 · អរិយធម៌ · All Rights Reserved.
Develop by Sek Sathya