ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » ប្រធាន​ផ្សារ ប៉េង​ជ្រី ព្រែក​ព្នៅ ពូកែ​តែ​ប្រមូល​ភាស៊ី មិន​គិតពី​ការកកស្ទះ​ចរាចរណ៍​ ​

ប្រធាន​ផ្សារ ប៉េង​ជ្រី ព្រែក​ព្នៅ ពូកែ​តែ​ប្រមូល​ភាស៊ី មិន​គិតពី​ការកកស្ទះ​ចរាចរណ៍​ ​

ភ្នំពេញ ៖​មហាជន​ជាច្រើន​បាន​រង​ការរិះគន់​កាន់តែខ្លាំង​ចំពោះ ម្ចាស់​ផ្សារ​ឯកជន​ប៉េង ជ្រី ដែល​ធ្លាប់មាន​រឿងចម្រូងចម្រាស​ជាមួយ​ប្រធាន​ផ្សារ​រដ្ឋ​ព្រែក​ព្នៅ និង​ប្រជាពលរដ្ឋ​ដោយសារតែ​ប្រធាន​ផ្សារ​ខាងលើនេះ បានអនុញ្ញាត​ឱ្យ​អាជីវករ​របស់ខ្លួន​យក​ផ្លូវ​និង​ចិញ្ចើមផ្លូវ សម្រាប់​ការលក់​សឹងតែ​ពេញ​តាម​ដងផ្លូវ យ៉ាង​អនាធិបតេយ្យ ជា​ថ្នូរ​នឹង​ការ​បង់លុយ​ភាស៊ី​បណ្ដាលឱ្យមាន​ការកកស្ទះ​ចរាចរណ៍​យ៉ាងខ្លាំង​ជា​រៀងរាល់ថ្ងៃ ជាពិសេស​ពេលព្រឹក​និង​ល្ងាច ទោះជា​ផ្លូវ​នេះ​ទើប​នឹងធ្វើ​ហើយ​មាន​លក្ខណៈ​ធំ​ទូលាយ​ហើយ​ក្តី​ក៏ដោយ​។​
​ផ្លូវ​ដែល​ត្រូវ​ប្រធាន​ផ្សារ​ប៉េង ជ្រី បាន អនុញ្ញាតឱ្យ​អាជីវករ​របស់ខ្លួន​ដាក់តាំង​លក់ ទំនិញ និង​បន្លែបង្កា​ធ្វើឱ្យ​កកស្ទះ​ចរាចរណ៍​និង​ខូច​សណ្ដាប់ធ្នាប់​សាធារណៈ គឺ​ត្រូវបាន​ស្ថាបនា​ក្រោម​ថវិកា​របស់​សាលា​រាជធានី​ភ្នំពេញ ដោយ​ចាប់​គិតពី​ផ្លូវជាតិ​លេខ​៥​បត់​ចូលទៅ​កាន់​ភ្នំ​ប្រសិទ្ធ (​ផ្លូវ​លេខ ១៥១)​។​
​ដោយឡែក​ចាប់ពី​មុខ​ផ្សារ​ប៉េង ជ្រី រហូត ដល់​មុខ​វត្ដ​ព្រែក​ព្នៅ ត្រូវបាន​សាងសង់​ឡើងជា​បេតុង ប្រភេទ​ក្រាស់​ដែល​តាម​ការអះអាង​រប​ស់​អាជ្ញាធរ គឺ​ផ្លូវ​បេតុង​នេះ​ធានាបាន​ទាំង​គុណភាព និង​ទំហំ​ដើម្បី​កំណត់ ចិញ្ចើមផ្លូវ បញ្ចៀស​បាន​នូវ​ការដាក់​លក់​លើ​ចិញ្ចើមផ្លូវ​នាំឱ្យមាន​ការកកស្ទះ​ចរាចរណ៍​។​
​ទោះជា​យ៉ាងណាក៏ដោយ មហាជន​ដែល​ធ្វើ ដំណើរ​ឆ្លងកាត់​ផ្លូវ​លេខ ១៥១ បាននាំគ្នា​រិះគន់​គ្រប់ៗ​គ្នា ទៅលើ​ប្រធាន​ផ្សារ​ដែល​គិតពី ប្រយោជន៍​ផ្ទាល់ខ្លួន​តាមរយៈ​ការទារ​ភាស៊ី ពី​ក្រុមអាជីវករ​ទាំងនោះ ដោយ​មិន​គិតពី​បញ្ហា​សណ្ដាប់ធ្នាប់​និង​ការកកស្ទះ​ចរាចរណ៍ ដោយ​បងប្អូន​ប្រជាពលរដ្ឋ ធ្វើដំណើរ​ឆ្លង កាត់​ទីនោះ​ជាពិសេស​ថ្ងៃ​សៅរ៍​-​អាទិត្យ ដែល​ម្នាក់ៗ​បានធ្វើ​ដំណើរ​ឆ្លងកាត់ ដើម្បី​ទៅលេង​កំសាន្ដ​នៅ​ភ្នំ​ប្រសិទ្ធ ។​
​ប្រភពព័ត៌មាន​ពី​ប្រជាពលរដ្ឋ​មួយចំនួន បានឱ្យដឹងថា ក្រោយពី​សង្កេតឃើញ​ការកកស្ទះ​ចរាចរណ៍ គេ​ឃើញ​មាន​វត្ដ​មាន​សន្ដិសុខ សាលាសង្កាត់ និង​នគរបាល​មូលដ្ឋាន​ប៉ុស្ដិ៍​ព្រែក​ព្នៅ ទៅ​ជួយ​វែកផ្លូវ ប៉ុន្ដែ​សកម្មភាព​នេះ​ធ្វើឡើង​ដូចជា​វែក​ចក​ពោល​ពេល សមត្ថកិច្ច​ទៅ​បាត់អស់ ក្រុមអាជីវករ​បាន​យក​ឥ​វ៉ាន់​មក​ដាក់លក់​នៅលើ​ចិញ្ចើមផ្លូវ​ដដែល​។ ប្រជាពលរដ្ឋ​បានលើកឡើង​ទៀតថា​បើទោះបី​មាន​សមត្ថកិច្ច​ប៉ុន្មាន​នាក់​ក៏ដោយ ក៏​មិន​អាចជួយ​សម្រួល​ចរាចរណ៍​បាន​នោះទេ​ហើយ​រឿង​ដែល​សំខាន់​នោះ​គឺ ប្រធាន​ផ្សារ​មិនមាន​ឆន្ទៈ​ដោះស្រាយ​បញ្ហា​នេះ​៕ ដោយ​៖ ព្រហ្ម វិ​លៀម​

Copyright © 2010-2021 · អរិយធម៌ · All Rights Reserved.
Develop by Sek Sathya