ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! លោក ណាំ សុវណ្ណារ៉ា គាបជំរិតបរទេសលើសេវាទិដ្ឋាការឆ្លងដែន នៅព្រះសីហនុ​  ||     រឿងអាស្រូវ​ពុករលួយ​ ​របស់លោក យូ ហេង មេ​គយ​ខេត្តបាត់ដំបង ​ជា​បន្តបន្ទាប់?​  ||     ល្បីល្បាញជើងខ្លាំង លោក ទ្រី និង លោក ធា នៅតែបើកលេងល្បែងស៊ីសង គ្រប់ប្រភេទ នៅត្បូងឃ្មំ​  ||     លោក ឈុន សុភមង្គល ប្រធាន​សាខាគយ​ខេត្តឧត្ដរមានជ័យ ល្បីល្បាញ​កាន់តែខ្លាំង​​  ||     លោក ងិន ហ៊ុន ប្រធានមន្ទីរកសិកម្ម និង លោក លី ឡា នាយខណ្ឌរដ្ឋបាលជលផល កំពុងបណ្តោយ បទល្មើសនេសាទកើតមានគ្រប់រូបភាព នៅលើទឹកដីស្រុកកំពង់លែង​  ||   

» ព័ត៌មានជាតិ » សម្តេចតេជោ ហ៊ុន សែន សម្រេចឱ្យដកថ្លៃសេវាប្រមូលសំរាម ក្រុមហ៊ុន ស៊ិនទ្រី ចេញពីវិក្កយបត្រថ្មីអគ្គិសនី ចាប់ពីថ្ងៃ….

សម្តេចតេជោ ហ៊ុន សែន សម្រេចឱ្យដកថ្លៃសេវាប្រមូលសំរាម ក្រុមហ៊ុន ស៊ិនទ្រី ចេញពីវិក្កយបត្រថ្មីអគ្គិសនី ចាប់ពីថ្ងៃ….

(ភ្នំពេញ)៖  សម្តេចតេជោ ហ៊ុន សែន បានបញ្ជាក់នៅលើ Facebook នៅយប់នេះថា «ដោយក្តាប់បាននូវ ការលំបាករបស់បងប្អូនប្រជាពលរដ្ឋនៅរាជធានីភ្នំពេញអំពីការដាក់ថ្លៃសេវាប្រមូលសំរាមក្រុមហ៊ុន ស៊ិនទ្រី ក្នុងវិក្កយបត្ររបស់អគ្គិសនីកម្ពុជា ល្ងាចថ្ងៃនេះ ខ្ញុំបានសម្រេចតាមសំណើរបស់អគ្គិសនីកម្ពុជាដោយដកថ្លៃ សេវាប្រមូលសំរាមចេញពីវិក្កយបត្រថ្មីរបស់អគ្គិសនីកម្ពុជាចាប់ពីថ្ងៃទី០១ ខែមករា ឆ្នាំ២០២០ តទៅ»។

នៅល្ងាចថ្ងៃទី២២ ខែតុលា ឆ្នាំ២០១៩នេះ  សម្រេចតាមសំណើរបស់ អគ្គិសនីកម្ពុជា ដោយដកថ្លៃសេវាប្រមូលសំរាមរបស់ ក្រុមហ៊ុន ស៊ិនទ្រី ចេញពីវិក្កយបត្រថ្មីរបស់អគ្គិសនីកម្ពុជា ដែលនៅរាជធានីភ្នំពេញ ចាប់ពីថ្ងៃទី០១ ខែមករា ឆ្នាំ២០២០ តទៅ។

សម្តេចបានបន្តថា «យន្តការយកថ្លៃសេវាប្រមូលសំរាមទៅថ្ងៃមុខនឹងត្រូវប្រើយន្តការផ្សេងជំនួសវិញ ដែលកិច្ចការនេះ ខ្ញុំបានប្រគល់ភារកិច្ចជូន ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ធ្វើការប្រជុំ និងដោះស្រាយ។ សូមបងប្អូនប្រជា ពលរដ្ឋជាទីស្រឡាញ់មេត្តាជ្រាបជាព័ត៌មាន»។

សូមបញ្ជាក់ថា ក្នុងពិធីប្រគល់សញ្ញាបត្រជូននិស្សិតជាង៤ពាន់នាក់ មកពីសាកលវិទ្យាល័យបៀលប្រាយ (BBU) នៅព្រឹកថ្ងៃទី២២ ខែតុលនេះ សម្តេចតេជោ ហ៊ុន សែន បានប្រកាសដកហូតសិទ្ធិប្រមូល សំរាមពី ក្រុមហ៊ុនស៊ិនទ្រីដើម្បីឲ្យរដ្ឋកាន់កាប់សិន ហើយសម្តេចបញ្ជាក់ថា ការប្រមូលសំរាមនៅរាជធានីភ្នំពេញ ត្រូវដាក់ឱ្យដេញថ្លៃជាថ្មី ដោយត្រូវមានក្រុមហ៊ុន ៣ ឬ៤ក្រុមហ៊ុន សម្រាប់ការប្រមូលសំរាមនៅរាជធានីភ្នំពេញ។

សម្តេចតេជោ ហ៊ុន សែន បានថ្លែងថា ក្រុមហ៊ុនស៊ិនទ្រីតែមួយមិនអាចប្រមូលសំរាម នៅភ្នំពេញមានប្រសិទ្ធភាពនោះឡើយ ត្រូវមានក្រុមហ៊ុនយ៉ាងតិច៣ ឬ៤ជាការល្អ ប្រតិបត្តិការក្នុងការប្រមូលសំរាមនៅរាជធានីភ្នំពេញ។

ក្រុមហ៊ុនស៊ីនទ្រី (ខេមបូឌា) គឺជាក្រុមហ៊ុនឯកជនមួយ ដែលត្រូវបានបង្កើតឡើង នៅក្នុងខែសីហា

ឆ្នាំ២០០២ ដើម្បីសំអាត ប្រមូល និងដឹកជញ្ជូនសំរាម សំណល់រឹងក្នុងរាជធានីភ្នំពេញ។

កន្លងមក ជាពិសេសរយៈពេលប៉ុន្មានខែមកនេះ ប្រជាពលរដ្ឋជាច្រើន បានរអ៊ូរទាំ មិនពេញចិត្តចំពោះ សេវាកម្មប្រមូលសំរាម របស់ក្រុមហ៊ុននេះ ដោយសារតែមានការអាក់ខានមិនទៀងទាត់ ធ្វើឱ្យប៉ះពាល់ដល់ការរស់នៅរបស់ពួកគេ។ ជាមួយនឹងការផ្តល់អនុសាសន៍ពាក់ព័ន្ធនឹងរឿងសំរាម សម្តេចតេជោ ហ៊ុន សែន បញ្ជាឱ្យសិក្សាបង្កើតរោងចក្រអគ្គិសនីដោយប្លែងពីសំរាម បើទោះថ្លៃបន្តិចក៏រដ្ឋចេញខាតដែរ៕

 

Copyright © 2010-2019 · អរិយធម៌ · All Rights Reserved.
Develop by Sek Sathya